O MIKHA 3
3
O Mikha wa lawani o Israeloka manga tutuda-tutuda
1Ni ihene, hei ngini nia kokuaha o Israel! Kokiani ngini nihi öriki okia i adi-adili, 2mä ngini koaholi nio dohata o oa-oa, deʼ ni sanangi i totorou, Ahi höana de ahi berera ngini nia helenga manga kai nia hingangoika, deʼ ngini nia kakihi manga akeme hagala manga kobongoka. 3Ngini niä ol̄omo ahi höana de Ahi berera. Manga kai ngini nia ka kakihi deʼ manga kobo-kobongo ngini nia wedere. Ngini niä lui-luiti önanga hokä nia luiti o hiode ma akeme mangale nio noa o bohoko ma goronauku. 4Aha iboa maöraha ngini ni pöaka nigahoko o roriwo ma Jouika, ma Unanga woluku winï baluhu. Unanga aha woihenua hagala nia niata, karana ngini ni diaioka i totorou.
5Ahi höana de ahi berera ya tipu, mangale o nabi-nabi ihi dodemo ma oa-oa o nyawa yahi doa-doakika o tiwi, mayä haturu deʼ yahaduliikaua o nyawa ihi döa-döaka. Hagala o nabiika hoko gënanga, ma Jou wotemo, 6”Hei nabi, nia öraha yadonoka imata; nia wange magogiria itumunu. Ngini aha nia makeokauaoli o lolega ihi nyö nyata-nyata hagala Ahi datoro. Ngini aha niakunokauaoli nihi dodemo okianaga.” 7Hagala o nyawa ihi dö dododemo o wange mahimangika aha yamake o mal̄eke karana manga hidodemo ihowono. Onanga mata-mata yamal̄eke karana ma Jou Madutu wa baluhua önanga.
8Mä ya korona ahi diri nënanga, ma Jou wohi dol̄aka ngohi de Ai womaha deʼ Ai kuaha. Ngohi wo hi hidöaka o mangarati mangale o adili, deʼ o barani ö mangale tohi nyata o Israel manyawaika hagala o baradoha önanga yadodiai. 9Ni ihene hagala ahi demo-demo nënanga, hei ngini niä kokuaha o Israel nio doha-dohata o adili deʼ nia totakaiduli o diai. 10Ngini nihi goko o Yerusalem, ma Jou Madutu Ai kota, nihi hol̄e deʼ o doma deʼ koi adilua. 11O kota yokokuaha yo pareta mangale yamake o uru bokumu matiwi, o imam-imam yodotoko ma Jou Ai tita mangale o gaji, deʼ o nabi-nabi yogahoko o hidumutu ma Jou Madutuino, mangale yamake o tiwi – daha önanga mata-mata yatobote ma Jou onangino wahiboa. Onanga yo temo, ”Ma Jou naga tongone nanga hi dö dogoronaka; ngone aha ina tapaluua o bodito.”
12 #
Yer. 26:18
Karana nia dorou gënanga o Sion aha yapajeko hokä o dumule, o Yerusalem aha idadi magogilianga madoporono, deʼ ma Jou ai Tau ma doporono aha idadi o hongana i rubu-rubu.
Currently Selected:
O MIKHA 3: TLB
Highlight
Copy
Compare
Share
Want to have your highlights saved across all your devices? Sign up or sign in
