O MATIUS 21
21
O Yesus wowohama o Yerusalemika hokä o koano
(Mark. 11:1-11; Luk. 19:28-40; Yoh. 12:12-19)
1Maöraha yotigioka o Yerusalemika, önanga imahi ädono o Betfage makotaika o Zaitun ma Doporonoka. Genangokadau o Yesus wähuloko yahinoto iwinöninïki imädagi yohira. 2”O kapongo nanga himangoka gënanga, genangika nioiki,” o Yesus wahibehehongo onangika. ”Itedekanua ngini aha niamäke moi o keledai ilikoika dema ngohaka. Niahohe hinotoö de niao nengino. 3Nako naga o nyawa okianaga inïleha, nihingahu madutuika, ’Ma Jou woparalu wapäke’, done o nyawa gënanga de majapati aha wohigumal̄a makeledai gënanganiao.”
4O hali gënanga hokogënanga hupaya idadi okia manabi wotemoka hokä hoko nënanga,
5 #
Za. 9:9
”Nihi ngahu o Sion mamomoholehika,
nia Koano naga winïädono ngini.
I poluluku Unanga aihininga, deʼ wöbarene o keledai,
magö o keledai mangohaka.”
6Ipaha yahinoto o Yesus iwinöninïki gënanga yoiki deʼ yadiai hokä o Yesus wahibehehongo onangika. 7Onanga yao o keledai gënanga de mangohaka. Dahao önanga o keledai-keledai gënanga maporetuku yönao de toona mangajuba. Ipaha o Yesus wodöa makeledaiil̄e. 8Manga ngöe dokengoka ihihohe manga juba o ngekomika, utuoli mahomoa yatobiki o gota mararaga, de hibarihi o ngëkomo mahoanika. 9#Mzm. 118:26 O nyawa manga ngöe imädagi mahimangoka deʼ o Yesus aiporetino yopöa-pöaka, ”Nowango o Daud ai Ngohaka! Unanga woböa-böa de ma Jou airomanga wamäke o barakati! Niwipuji ma Jou Madutu woko Kurutil̄e!”
10Deʼ maöraha o Yesus wowohama o Yerusalemika, o kota gënanga mata-mataika iburakituku. ”Ne Unanga o naguna?” o kota manyawa yoleha.
11”Unanga o Yesus ma Nabi, o Nazaretino o Galilea madaeraka,” o nyawa manga ngöe iwinöninïki o Yesus yäbaluhu.
O Yesus wowohama ma Jou ai Tauika
(Mark. 11:15-19; Luk. 19:45-48; Yoh. 2:13-22)
12Ipaha o Yesus wowohama ma Jou ai Tauika, deʼ wäduhu mata-mata o nyawa imahuku-hukunu de yoija-ija genangokadau. O tiwi ihitotagali mameja deʼ o namo dara yohuku-hukunu manga bangku o Yesus walulu momiki de wohikabarihi. 13#Yes. 56:7; Yer. 7:11 Deʼ Unanga wätemo onangika gënanga, ”Ma Jou Ai Demo ma Buku magoronaka i tulihi ma Jou Madutu wotemo, ’Ahi Tau aha yahetongo o Tau o niniata mangï.’ Mä ngini niadiaioka o nyawa yo ora-ora manga igutu!”
14O nyawa yopilo-piloko deʼ yolugu-lugu yaino o Yesusino ma Jou ai Tauoka, deʼ Unanga wahitogumu önanga. 15Mä o imam-imam manga häeke deʼ o agama maguru-guru yongamo yamäke o Yesus wododiai o nonako ihëra-hëranga gënanga. Deʼ onanga yongamoli yoihene o ngoha-ngohaka imä nëre-nëre ma Jou ai Tauoka, ”Nowango o Daud ai Ngohaka!”
16 #
Mzm. 8:3
Onanga yotemo o Yesusika, ”Ngona noihene okia önanga yahetongo gënanga?”
”Ia, Ngohi toihene,” o Yesus wohaluhu. ”Komaiwahi ngininia basa Ma Jou Ai Demo ma Buku maayat nënanga: ’O ngoha-ngohaka kayohühuhuohi deʼ o ngoha-ngohaka magil̄au Ngona nädotokoka la ihi demo o puji magoungu de madiai’?”
17Ipaha o Yesus wämal̄aika önanga deʼ wohupu de o Yerusalem makota de woiki o Betaniaika, deʼ genangoka hiädono yöhutu de imaidu.
O Yesus walolai o ara magota
(Mark. 11:12-14, 20-24)
18Yarehino o ngoru-ngorumino, imakilioro o Yerusalem makotaika, o dodagi mahidogoronaka o Yesus iwihahini. 19Unanga wamäke o ara magota o utu moi o ngëkomo madatekoka. Unanga woiki magotaika gënanga, mä kamoiö de wamäkeua mahohoko, sowaliua kama hoka dika. Ho o Yesus watemo o gotaika gënanga, ”Ngona aha nohohokokaua!” Gila-gila o ara magota gënanga i maai.
20O Yesus iwinö ni nïki yamäke okia idä dadioka gënanga, önanga duru yohëranga. ”Sarakia ho o ara magota gënanga yakunu gila-gila i honenge kamamoi?” önanga yoleha.
21 #
Mat. 17:20; 1Kor. 13:2 ”Igoungu,” o Yesus wohaluhu, ”nako ngini ningaku niagou-goungu, ngini niakunu nidiai hokä okia Ngohi todiai o ara magotaika nënanga. Deʼ kagenangua dika, mä ngini aha yakunu nitemo o tonaka itotoporonika nënanga, ’Igöraka deʼ i umo o ngötuku’: done o hali gënanga idadi. 22Okia dika ngini nigahoko nia hubayanga magoronaka, ngini aha niatarima, iti yakunu ngini ningaku.”
O loleha mangale o Yesus ai haku
(Mark. 11:27-33; Luk. 20:1-8)
23Ipaha o Yesus woikoli ma Jou ai Tauika, deʼ wodotoko genangoka. Maöraha Unanga wodotoko magogiriaka, o imam-imam manga häeke deʼ o Yahudioka manga tutuda yaino o Yesusino deʼ yoleha, ”De okia matiti Ngona nodiai mata-mata nënanga? O nagona inihidöaka o haku gënanga Ngonaika?”
24O Yesus wohaluhu, ”Ngohiö tomau toleha nginika. Deʼ nako ngini niobaluhu, Ngohi aha tahetongo nginika de o nagona manga haku Ngohi takunu todiai o hali nënanga. 25O Yohanis wo ohiki de o nagona manga haku? Ma Jou Madutu ekola o nyawa?”
Ho o imam-imam manga häeke deʼ o Yahudioka manga tutuda, yomuläenge imaki tibanga dehi ade-ade manga hidogoronaka, ”Nako ngone hato, ’De ma Jou Madutu aihaku’, Unanga aha wotemo, ’Nako hokogënanga yadodoa hongini ningakuua Unangika?ʼ 26Mä nako ngone hato, ’De o nyawa manga haku’, ngone hämodongo o nyawa manga ngöe, hababu imoteke önanga o Yohanis o nabi moi.” 27Hoʼ onanga yohaluhu, ”Ngomi mihi orikua.”
Ho o Yesus wätemo onangika, ”Nako hokogënanga Ngohiö ma aha tahetongua nginika, de o nagona manga haku Ngohi todiai mata-mata nënanga.”
O hitotero mangale o ngohaka yahinoto
28”O öraha nënanga sarakia niadamäke mangale o hali nënanga?” o Yesus wotemo wohi gila-gila. ”Naga o ama womatëngo aingohaka yahinoto o nauru. O ama gënanga woiki ai ngohaka mariakika deʼ wïtemo, ’Ngohaka, o wange nënanga noiki nokarajanga o angguru madumuleoka.’ 29’Ngohi toluku,’ mangohaka gënanga wohaluhu. Mä i paha ünanga wangali aidibanga gënanga deʼ woiki maangguru madumuleika. 30Ipaha ma ama gënanga woiki ai ngohaka madodotika, deʼ wïtemo, hokä mariakika wïtemo. ’Kayaoa toiki, Ama,’ mangohaka madodoto wohaluhu. Mä unanga woikua. 31Aa, yahinoto o ngohaka nënanga, o nagona yadiai manga ama aimau?”
”Mariaka,” o imam-imam manga häeke deʼ o Yahudioka manga tutuda yohaluhu.
Ho o Yesus wätemo onangika, ”Ningaku: O soungu yogaho-gahoko deʼ o ngoheka o huhutu yaninïki, aha ihira yodadi ma Jou Madutu aiumati done ngini kanituru. 32#Luk. 3:12, 7:29-30 Karana o Yohanis Wo ohi-ohiki woböaino, deʼ wohi matoko nginika madodagi sarakia niawowango hupaya imamoteke de ma Jou Madutu aimau, mä ngini niangakuua aidodötoko; mä o soungu yogaho-gahoko deʼ o ngoheka o huhutu yaninïki yangaku toünanga aidodötoko. Mä ngarokö ngini niamäkeoka mata-mata gënanga, niadibanga ingaliua deʼ ningakuua ma Jouika.”
O hitotero mangale yomanarama o angguru madumuleoka
(Mark. 12:1-12; Luk. 20:9-19)
33 #
Yes. 5:1-2
”Ni ihene o hitotero moiohi nënanga,” o Yesus wotemo. ”Womatëngo o tonaka madutu wodatomo o angguru o dumule moi. Unanga wohibeloho o pagara ikilolitino, deʼ wohaiti o guhu la genanguku yateo maangguru, ipaha wohigoko o tau o gahumu moi magögurutil̄e, la genangokadau önanga yogöana. Iböto de gënanga ünanga wohihewa o angguru madumule gënanga yomomanaramika, deʼ ipaha ünanga woiki o berera mahomoaika. 34Maöraha yadonoka o angguru mahohoko gënanga ipagele, o tonaka madutu gënanga wahidingoto iwïlöleleani o dumule yomomanaramika, la ya tarima aihidoku. 35Mä o dumule yomomanarama gënanga yätagoko o tonaka madutu iwïlöleleani gënanga: Womatëngo iwi gohara, mahomoa yätoma, deʼ mahomoaohi yäkaweli de o helewo. 36O tonaka madutu gënanga wahidingotoli yolöleleani mahomoa, iholoi yowöe de madodihiraka. Mä onanga yädiai hokä yohira-hiraoli. 37Mabobaha o tonaka madutu gënanga wihi dingoto ai ngohaka mahirete onangika. ’Marai ahingohaka aha iwihoromati,’ aihiningaka. 38Mä o dumule yomomanarama gënanga de iwimäke o tonaka madutu aingohaka gënanga, önanga imake temo, ʼAa, nënanga ünanga o puhaka madutu. Niaino ngone hïtoma ünanga, hupaya ngone hamäke aipuhaka!ʼ 39Ho mangohaka gënanga iwitagoko, de iwiumo maporetika, deʼ iwi toma.”
40O Yesus wäleha, ”Aa, nako maangguru madumule madutu wolioino, ünanga aha okia wodiai o dumule yomomanaramika gënanga?”
41Onanga yohaluhu, ”Marai ünanga aha wätoma o nyawa madorou gënanga, dahaö o angguru madumule gënanga wahi hewa o nyawa mahomoaika, kiaka önanga yomodeke ihidöaka matonaka mahasili mahidoku kade yadono maöraha.”
42 #
Mzm. 118:22-23
De o Yesus wätemo onangika, ”Komaiwahi ngini niabasa Ma Jou Ai Demo ma Buku magoronaka i tulihi?
’O helewo yapäke-päkeua o tau yododiai
i dadioka o helewo yairi-irikika.
Nënanga ma Jou wadiai;
hokokia toënanga mahailoa!ʼ ”
43”Hoʼ niohininga,” o Yesus wätemo, ”mata-mata o haku ma Jou Madutu aiumati aha warahuku onangoka deʼ wahidöaka moi o hoana mahomoa manyawaika kiaka aha ihidagi yadiai ma Jou Madutu aipareta mata-mata. [44O nyawa yäotaka de yotifa o helewouku gënanga, aha yowedere; deʼ o nyawa yäbänga o helewo gënanga aha yatapal̄u yodadi o kafo.]”
45Maöraha o imam-imam manga häeke deʼ o Farisi manyawa yoihene o Yesus aihitotero-hitotero gënanga, önanga yanäko o Yesus woade-ade mangale önanga. 46Hoʼ onanga ihidailako iwitagoko. Mä onanga yämodongo o nyawa mangangöe, hababu o nyawa manga ngöe gënanga yanako o Yesus o nabi moi.
Currently Selected:
O MATIUS 21: TLB
Highlight
Copy
Compare
Share
Want to have your highlights saved across all your devices? Sign up or sign in
O MATIUS 21
21
O Yesus wowohama o Yerusalemika hokä o koano
(Mark. 11:1-11; Luk. 19:28-40; Yoh. 12:12-19)
1Maöraha yotigioka o Yerusalemika, önanga imahi ädono o Betfage makotaika o Zaitun ma Doporonoka. Genangokadau o Yesus wähuloko yahinoto iwinöninïki imädagi yohira. 2”O kapongo nanga himangoka gënanga, genangika nioiki,” o Yesus wahibehehongo onangika. ”Itedekanua ngini aha niamäke moi o keledai ilikoika dema ngohaka. Niahohe hinotoö de niao nengino. 3Nako naga o nyawa okianaga inïleha, nihingahu madutuika, ’Ma Jou woparalu wapäke’, done o nyawa gënanga de majapati aha wohigumal̄a makeledai gënanganiao.”
4O hali gënanga hokogënanga hupaya idadi okia manabi wotemoka hokä hoko nënanga,
5 #
Za. 9:9
”Nihi ngahu o Sion mamomoholehika,
nia Koano naga winïädono ngini.
I poluluku Unanga aihininga, deʼ wöbarene o keledai,
magö o keledai mangohaka.”
6Ipaha yahinoto o Yesus iwinöninïki gënanga yoiki deʼ yadiai hokä o Yesus wahibehehongo onangika. 7Onanga yao o keledai gënanga de mangohaka. Dahao önanga o keledai-keledai gënanga maporetuku yönao de toona mangajuba. Ipaha o Yesus wodöa makeledaiil̄e. 8Manga ngöe dokengoka ihihohe manga juba o ngekomika, utuoli mahomoa yatobiki o gota mararaga, de hibarihi o ngëkomo mahoanika. 9#Mzm. 118:26 O nyawa manga ngöe imädagi mahimangoka deʼ o Yesus aiporetino yopöa-pöaka, ”Nowango o Daud ai Ngohaka! Unanga woböa-böa de ma Jou airomanga wamäke o barakati! Niwipuji ma Jou Madutu woko Kurutil̄e!”
10Deʼ maöraha o Yesus wowohama o Yerusalemika, o kota gënanga mata-mataika iburakituku. ”Ne Unanga o naguna?” o kota manyawa yoleha.
11”Unanga o Yesus ma Nabi, o Nazaretino o Galilea madaeraka,” o nyawa manga ngöe iwinöninïki o Yesus yäbaluhu.
O Yesus wowohama ma Jou ai Tauika
(Mark. 11:15-19; Luk. 19:45-48; Yoh. 2:13-22)
12Ipaha o Yesus wowohama ma Jou ai Tauika, deʼ wäduhu mata-mata o nyawa imahuku-hukunu de yoija-ija genangokadau. O tiwi ihitotagali mameja deʼ o namo dara yohuku-hukunu manga bangku o Yesus walulu momiki de wohikabarihi. 13#Yes. 56:7; Yer. 7:11 Deʼ Unanga wätemo onangika gënanga, ”Ma Jou Ai Demo ma Buku magoronaka i tulihi ma Jou Madutu wotemo, ’Ahi Tau aha yahetongo o Tau o niniata mangï.’ Mä ngini niadiaioka o nyawa yo ora-ora manga igutu!”
14O nyawa yopilo-piloko deʼ yolugu-lugu yaino o Yesusino ma Jou ai Tauoka, deʼ Unanga wahitogumu önanga. 15Mä o imam-imam manga häeke deʼ o agama maguru-guru yongamo yamäke o Yesus wododiai o nonako ihëra-hëranga gënanga. Deʼ onanga yongamoli yoihene o ngoha-ngohaka imä nëre-nëre ma Jou ai Tauoka, ”Nowango o Daud ai Ngohaka!”
16 #
Mzm. 8:3
Onanga yotemo o Yesusika, ”Ngona noihene okia önanga yahetongo gënanga?”
”Ia, Ngohi toihene,” o Yesus wohaluhu. ”Komaiwahi ngininia basa Ma Jou Ai Demo ma Buku maayat nënanga: ’O ngoha-ngohaka kayohühuhuohi deʼ o ngoha-ngohaka magil̄au Ngona nädotokoka la ihi demo o puji magoungu de madiai’?”
17Ipaha o Yesus wämal̄aika önanga deʼ wohupu de o Yerusalem makota de woiki o Betaniaika, deʼ genangoka hiädono yöhutu de imaidu.
O Yesus walolai o ara magota
(Mark. 11:12-14, 20-24)
18Yarehino o ngoru-ngorumino, imakilioro o Yerusalem makotaika, o dodagi mahidogoronaka o Yesus iwihahini. 19Unanga wamäke o ara magota o utu moi o ngëkomo madatekoka. Unanga woiki magotaika gënanga, mä kamoiö de wamäkeua mahohoko, sowaliua kama hoka dika. Ho o Yesus watemo o gotaika gënanga, ”Ngona aha nohohokokaua!” Gila-gila o ara magota gënanga i maai.
20O Yesus iwinö ni nïki yamäke okia idä dadioka gënanga, önanga duru yohëranga. ”Sarakia ho o ara magota gënanga yakunu gila-gila i honenge kamamoi?” önanga yoleha.
21 #
Mat. 17:20; 1Kor. 13:2 ”Igoungu,” o Yesus wohaluhu, ”nako ngini ningaku niagou-goungu, ngini niakunu nidiai hokä okia Ngohi todiai o ara magotaika nënanga. Deʼ kagenangua dika, mä ngini aha yakunu nitemo o tonaka itotoporonika nënanga, ’Igöraka deʼ i umo o ngötuku’: done o hali gënanga idadi. 22Okia dika ngini nigahoko nia hubayanga magoronaka, ngini aha niatarima, iti yakunu ngini ningaku.”
O loleha mangale o Yesus ai haku
(Mark. 11:27-33; Luk. 20:1-8)
23Ipaha o Yesus woikoli ma Jou ai Tauika, deʼ wodotoko genangoka. Maöraha Unanga wodotoko magogiriaka, o imam-imam manga häeke deʼ o Yahudioka manga tutuda yaino o Yesusino deʼ yoleha, ”De okia matiti Ngona nodiai mata-mata nënanga? O nagona inihidöaka o haku gënanga Ngonaika?”
24O Yesus wohaluhu, ”Ngohiö tomau toleha nginika. Deʼ nako ngini niobaluhu, Ngohi aha tahetongo nginika de o nagona manga haku Ngohi takunu todiai o hali nënanga. 25O Yohanis wo ohiki de o nagona manga haku? Ma Jou Madutu ekola o nyawa?”
Ho o imam-imam manga häeke deʼ o Yahudioka manga tutuda, yomuläenge imaki tibanga dehi ade-ade manga hidogoronaka, ”Nako ngone hato, ’De ma Jou Madutu aihaku’, Unanga aha wotemo, ’Nako hokogënanga yadodoa hongini ningakuua Unangika?ʼ 26Mä nako ngone hato, ’De o nyawa manga haku’, ngone hämodongo o nyawa manga ngöe, hababu imoteke önanga o Yohanis o nabi moi.” 27Hoʼ onanga yohaluhu, ”Ngomi mihi orikua.”
Ho o Yesus wätemo onangika, ”Nako hokogënanga Ngohiö ma aha tahetongua nginika, de o nagona manga haku Ngohi todiai mata-mata nënanga.”
O hitotero mangale o ngohaka yahinoto
28”O öraha nënanga sarakia niadamäke mangale o hali nënanga?” o Yesus wotemo wohi gila-gila. ”Naga o ama womatëngo aingohaka yahinoto o nauru. O ama gënanga woiki ai ngohaka mariakika deʼ wïtemo, ’Ngohaka, o wange nënanga noiki nokarajanga o angguru madumuleoka.’ 29’Ngohi toluku,’ mangohaka gënanga wohaluhu. Mä i paha ünanga wangali aidibanga gënanga deʼ woiki maangguru madumuleika. 30Ipaha ma ama gënanga woiki ai ngohaka madodotika, deʼ wïtemo, hokä mariakika wïtemo. ’Kayaoa toiki, Ama,’ mangohaka madodoto wohaluhu. Mä unanga woikua. 31Aa, yahinoto o ngohaka nënanga, o nagona yadiai manga ama aimau?”
”Mariaka,” o imam-imam manga häeke deʼ o Yahudioka manga tutuda yohaluhu.
Ho o Yesus wätemo onangika, ”Ningaku: O soungu yogaho-gahoko deʼ o ngoheka o huhutu yaninïki, aha ihira yodadi ma Jou Madutu aiumati done ngini kanituru. 32#Luk. 3:12, 7:29-30 Karana o Yohanis Wo ohi-ohiki woböaino, deʼ wohi matoko nginika madodagi sarakia niawowango hupaya imamoteke de ma Jou Madutu aimau, mä ngini niangakuua aidodötoko; mä o soungu yogaho-gahoko deʼ o ngoheka o huhutu yaninïki yangaku toünanga aidodötoko. Mä ngarokö ngini niamäkeoka mata-mata gënanga, niadibanga ingaliua deʼ ningakuua ma Jouika.”
O hitotero mangale yomanarama o angguru madumuleoka
(Mark. 12:1-12; Luk. 20:9-19)
33 #
Yes. 5:1-2
”Ni ihene o hitotero moiohi nënanga,” o Yesus wotemo. ”Womatëngo o tonaka madutu wodatomo o angguru o dumule moi. Unanga wohibeloho o pagara ikilolitino, deʼ wohaiti o guhu la genanguku yateo maangguru, ipaha wohigoko o tau o gahumu moi magögurutil̄e, la genangokadau önanga yogöana. Iböto de gënanga ünanga wohihewa o angguru madumule gënanga yomomanaramika, deʼ ipaha ünanga woiki o berera mahomoaika. 34Maöraha yadonoka o angguru mahohoko gënanga ipagele, o tonaka madutu gënanga wahidingoto iwïlöleleani o dumule yomomanaramika, la ya tarima aihidoku. 35Mä o dumule yomomanarama gënanga yätagoko o tonaka madutu iwïlöleleani gënanga: Womatëngo iwi gohara, mahomoa yätoma, deʼ mahomoaohi yäkaweli de o helewo. 36O tonaka madutu gënanga wahidingotoli yolöleleani mahomoa, iholoi yowöe de madodihiraka. Mä onanga yädiai hokä yohira-hiraoli. 37Mabobaha o tonaka madutu gënanga wihi dingoto ai ngohaka mahirete onangika. ’Marai ahingohaka aha iwihoromati,’ aihiningaka. 38Mä o dumule yomomanarama gënanga de iwimäke o tonaka madutu aingohaka gënanga, önanga imake temo, ʼAa, nënanga ünanga o puhaka madutu. Niaino ngone hïtoma ünanga, hupaya ngone hamäke aipuhaka!ʼ 39Ho mangohaka gënanga iwitagoko, de iwiumo maporetika, deʼ iwi toma.”
40O Yesus wäleha, ”Aa, nako maangguru madumule madutu wolioino, ünanga aha okia wodiai o dumule yomomanaramika gënanga?”
41Onanga yohaluhu, ”Marai ünanga aha wätoma o nyawa madorou gënanga, dahaö o angguru madumule gënanga wahi hewa o nyawa mahomoaika, kiaka önanga yomodeke ihidöaka matonaka mahasili mahidoku kade yadono maöraha.”
42 #
Mzm. 118:22-23
De o Yesus wätemo onangika, ”Komaiwahi ngini niabasa Ma Jou Ai Demo ma Buku magoronaka i tulihi?
’O helewo yapäke-päkeua o tau yododiai
i dadioka o helewo yairi-irikika.
Nënanga ma Jou wadiai;
hokokia toënanga mahailoa!ʼ ”
43”Hoʼ niohininga,” o Yesus wätemo, ”mata-mata o haku ma Jou Madutu aiumati aha warahuku onangoka deʼ wahidöaka moi o hoana mahomoa manyawaika kiaka aha ihidagi yadiai ma Jou Madutu aipareta mata-mata. [44O nyawa yäotaka de yotifa o helewouku gënanga, aha yowedere; deʼ o nyawa yäbänga o helewo gënanga aha yatapal̄u yodadi o kafo.]”
45Maöraha o imam-imam manga häeke deʼ o Farisi manyawa yoihene o Yesus aihitotero-hitotero gënanga, önanga yanäko o Yesus woade-ade mangale önanga. 46Hoʼ onanga ihidailako iwitagoko. Mä onanga yämodongo o nyawa mangangöe, hababu o nyawa manga ngöe gënanga yanako o Yesus o nabi moi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in