O MATIUS 20
20
O hitotero mangale yomomanarama o angguru madumuleoka
1”Nako maorahoka ma Jou Madutu wopareta, madodagi hokä o hitotero nënanga: Womatëngo o angguru madumule madutu, o ngorumino de wohupu wolingiri o nyawa la yomanarama aiangguru madumuleoka. 2Imake temo ünanga wömodeke wäbangu onangika o rupia ribuhu moi o wange moi, ünanga wähuloko önanga yomanarama aiangguru madumuleoka. 3O takoro hiwo o ngorumino, o dumule madutu gënanga woikoli, deʼ wä mäke yamuruono naga yododoaua yogogeruku o paharoka. 4Unanga wätemo onangika, ’Nioiki la ngini nimanarama ahiangguru madumuleoka. Ngohi aha tinï bangu nginika de niahewa niahininga yadäene.’ 5Onangö yoiki. O takoro ngimoi de hinoto o wange ikorona deʼ o takoro hange o bimaoaoli, o dumule madutu gënanga woikoli wohupu, deʼ wodiai kahokogenangoli. 6Deʼ done ho o takoro motoa o bobimaoa, ünanga wohupuoli, deʼ wämäke kanagahi o nyawa manga manarama koiwa. Daha ünanga wäleha onangika, ’Yadodoa hongini o wangeil̄e kanihi gokoino nenangoka deʼ okiaua nidiai?ʼ 7O nyawa ge önanga yohaluhu, ’Moiua imihi manarama ngomi.’ Madumule madutu gënanga wato, ’Nako hoko gënanga, nioiki ngini nimanarama ahi angguru madumuleoka.’
8 #
Im. 19:13; Ul. 24:15 O wange o bimaoaoka, madumule madutu gënanga wïtemo ai mandorika, ’Nä ahoko yomomanarama gënanga deʼ nofangu mangahewa moi-moi, muläenge de yotototuru yowohama hiädono yoho hihira yowohama.’ 9Deʼ yomomanarama muläenge o takoro motoa o bimaoa yohira yaino. Onanga moi-moi yamäke o rupia o ribuhu moi. 10Ipaha yainoli yomomanarama ka o ngorumino monga de wätemo wä hewa. Onanga ima pikiri önanga aha yamäke iholoi. Ena hioko onangö duga-duga wahi döaka kao rupia o ribuhu moi. 11Maöraha yotarima o tiwi gënanga önanga yokurubungu madumule madutuika: 12’Yomomanarama yoböa mabobahaka gënanga yomanarama duga-duga o jam moi. Ho de ngomi mi manarama o wange amomoi o wange mahauku matimiuku, mä Tuanga näbangu manga hewa kaimaketero de ngomi!ʼ 13O angguru madumule madutu gënanga wïbaluhu womatëngo manga hidogoronaka wato, ’Hobata, ngohi tahowonua ngonaika. Mode koigoungua ngona nömödeke notarima o hewa o rupia o ribuhu moi o wange moi mamanarama? 14Hoʼ, nal̄ë ani hewa nënanga deʼ noiki. Ngohi igoungu toigo o nyawa yotototuruika yowohama tahidöaka manga hewa imake tero de ngohi tohidöaka ngonaika. 15Mode nako tongohi ahi arata detakunua todiai imoteke ahimau? Eko ngona notaleana, nako ngohi ahihininga imura?ʼ ”
16 #
Mat. 19:30; Mark. 10:31; Luk. 13:30 Deʼ o Yesus wotemoli, ”Kogenangoli o nyawa yotototuru aha yodadi madodihiraka, deʼ o nyawa madodihiraka aha yodadi yotototuru.”
O Yesus wohi ade-ade mahi gali mahangeoka mangale Ai honenge
(Mark. 10:32-34; Luk. 18:31-34)
17Maöraha o Yesus wotagi wödumutu o Yerusalemika, o ngëkomo mahoanoka Unanga wä ahoko iwinöninïki yangimoi de yahinoto imatoomu, moi-moiua mahomoa. Deʼ o Yesus wätemo onangika, 18”Ni ihene! Ngone o örahanënanga nanga dumutu o Yerusalemika. Dokengoka o Nyawa manga Ngohaka aha iwi hilapahi o imam-imam manga häekika, deʼ o agama maguru-guruika. Deʼ Unanga aha iwihukumu iwihohonenge, 19ipaha iwihi lapahi o Yahudi manyawaikaua. Onanga aha iwihohedu, iwihangihara, deʼ iwisalib. Mä o wange hangeoka, Unanga aha iwihimomikoli.”
O Yakobus deʼ o Yohanis manga ayo ami gogahoko
(Mark. 10:35-45)
20Ipaha o Zebedeus ngoi hekata de ami ngoha-ngohaka yaino o Yesusino. O Yesus aihimangoka muna momarukuku la mogahoko okia naga moi.
21”Ayo nomau okia?” o Yesus womi leha.
O ayo gënanga mohaluhu, ”Ngohi tönahihu ahingohaka yahinoto nënanga yogogere anihigili deʼ aninirakoka Bapa, nako ma orahoka Bapa nodadi o Koano.”
22”Ngini nianäkoua okianaga ngini nigahoko,” o Yesus wätemo onangika. ”O hangihara magalahi kokiani genangoko to ngokere, kani akunu ngini nio ngokere?”
Onanga yohaluhu, ”Kami akunu.”
23O Yesus wätemo, ”Igoungu nginiö aha kanio ngokere Ahi galahioko. Mä mangale o nagona aha yogogere ahihigili deʼ Ahi nirakoka, gënanga Ngohiua Ahi kuaha tohigogere. O ngï-o ngï gënanga yögogere, o nyawa nagona Ahi Ama wohigogeroka.”
24De yangimoi iwinöninïki mahomoa yoihene o hali gënanga önanga yängamo mariadodoto yahinoto gënanga. 25#Luk. 22:25-26 Hababu gënanga o Yesus wäahoko önanga mata-mata de wätemo, ”Ngini nihiöriki o kawaha o negara magoronaka matutuda iwinäko-näkoua ma Jou Madutu, önanga yahikauku manga kawaha. De o gikiri yo ago-agomo yätuku manga kawaha. 26#Mat. 23:11; Mark. 9:35; Luk. 22:26 Mä ngini yakunua hoko gënanga, o nagona yomau yodadi yolamoko niahidogoronaka, kokiani yodadi yolöleleani nginika. 27Deʼ o nagona yomau yodadi yohohihira, kokiani yodadi niagilaongo. 28Hokä o Nyawa manga Ngohakoli; Unanga woböa wonahihuua iwï leleani, mä Unanga wäleleani, deʼ wohi döaka ai nyawa, la o nyawa manga ngöe wätuhuhu.”
O Yesus wahi togumu yopilo-piloko yahinoto
(Mark. 10:46-52; Luk. 18:35-43)
29Maöraha önanga yamal̄a o Yerikho makota, o nyawa manga ngöe iwinïki o Yesus. 30Yahinoto yopilo-piloko yogogeruku o ngëkomo madatekoka. Onanga yoihene o Yesus wakaino, önanga yopöaka, ”Daud ai Ngohaka, nomï dora ngomi!”
31O nyawa manga ngöe genangoka yängamo önanga deʼ yähuloko, önanga imarïdi. Mä onanga yopöaka iholoi ikuatil̄e, ”Jou o Daud ai Ngohaka, nomï dora ngomi.”
32Deʼ o Yesus womatogumu deʼ wäahoko önanga, de wäleha, ”Ngini okia nionahihu Todiai nginika?”
33Onanga yohaluhu, ”Tuanga, ngomi mionahihu mimahiöriki!”
34O Yesus wädora önanga, deʼ wapal̄anga manga lako. O öraha gënanga dika önanga yakunu imahiöriki. Deʼ onanga iwinïki o Yesus.
Currently Selected:
O MATIUS 20: TLB
Highlight
Copy
Compare
Share
Want to have your highlights saved across all your devices? Sign up or sign in
O MATIUS 20
20
O hitotero mangale yomomanarama o angguru madumuleoka
1”Nako maorahoka ma Jou Madutu wopareta, madodagi hokä o hitotero nënanga: Womatëngo o angguru madumule madutu, o ngorumino de wohupu wolingiri o nyawa la yomanarama aiangguru madumuleoka. 2Imake temo ünanga wömodeke wäbangu onangika o rupia ribuhu moi o wange moi, ünanga wähuloko önanga yomanarama aiangguru madumuleoka. 3O takoro hiwo o ngorumino, o dumule madutu gënanga woikoli, deʼ wä mäke yamuruono naga yododoaua yogogeruku o paharoka. 4Unanga wätemo onangika, ’Nioiki la ngini nimanarama ahiangguru madumuleoka. Ngohi aha tinï bangu nginika de niahewa niahininga yadäene.’ 5Onangö yoiki. O takoro ngimoi de hinoto o wange ikorona deʼ o takoro hange o bimaoaoli, o dumule madutu gënanga woikoli wohupu, deʼ wodiai kahokogenangoli. 6Deʼ done ho o takoro motoa o bobimaoa, ünanga wohupuoli, deʼ wämäke kanagahi o nyawa manga manarama koiwa. Daha ünanga wäleha onangika, ’Yadodoa hongini o wangeil̄e kanihi gokoino nenangoka deʼ okiaua nidiai?ʼ 7O nyawa ge önanga yohaluhu, ’Moiua imihi manarama ngomi.’ Madumule madutu gënanga wato, ’Nako hoko gënanga, nioiki ngini nimanarama ahi angguru madumuleoka.’
8 #
Im. 19:13; Ul. 24:15 O wange o bimaoaoka, madumule madutu gënanga wïtemo ai mandorika, ’Nä ahoko yomomanarama gënanga deʼ nofangu mangahewa moi-moi, muläenge de yotototuru yowohama hiädono yoho hihira yowohama.’ 9Deʼ yomomanarama muläenge o takoro motoa o bimaoa yohira yaino. Onanga moi-moi yamäke o rupia o ribuhu moi. 10Ipaha yainoli yomomanarama ka o ngorumino monga de wätemo wä hewa. Onanga ima pikiri önanga aha yamäke iholoi. Ena hioko onangö duga-duga wahi döaka kao rupia o ribuhu moi. 11Maöraha yotarima o tiwi gënanga önanga yokurubungu madumule madutuika: 12’Yomomanarama yoböa mabobahaka gënanga yomanarama duga-duga o jam moi. Ho de ngomi mi manarama o wange amomoi o wange mahauku matimiuku, mä Tuanga näbangu manga hewa kaimaketero de ngomi!ʼ 13O angguru madumule madutu gënanga wïbaluhu womatëngo manga hidogoronaka wato, ’Hobata, ngohi tahowonua ngonaika. Mode koigoungua ngona nömödeke notarima o hewa o rupia o ribuhu moi o wange moi mamanarama? 14Hoʼ, nal̄ë ani hewa nënanga deʼ noiki. Ngohi igoungu toigo o nyawa yotototuruika yowohama tahidöaka manga hewa imake tero de ngohi tohidöaka ngonaika. 15Mode nako tongohi ahi arata detakunua todiai imoteke ahimau? Eko ngona notaleana, nako ngohi ahihininga imura?ʼ ”
16 #
Mat. 19:30; Mark. 10:31; Luk. 13:30 Deʼ o Yesus wotemoli, ”Kogenangoli o nyawa yotototuru aha yodadi madodihiraka, deʼ o nyawa madodihiraka aha yodadi yotototuru.”
O Yesus wohi ade-ade mahi gali mahangeoka mangale Ai honenge
(Mark. 10:32-34; Luk. 18:31-34)
17Maöraha o Yesus wotagi wödumutu o Yerusalemika, o ngëkomo mahoanoka Unanga wä ahoko iwinöninïki yangimoi de yahinoto imatoomu, moi-moiua mahomoa. Deʼ o Yesus wätemo onangika, 18”Ni ihene! Ngone o örahanënanga nanga dumutu o Yerusalemika. Dokengoka o Nyawa manga Ngohaka aha iwi hilapahi o imam-imam manga häekika, deʼ o agama maguru-guruika. Deʼ Unanga aha iwihukumu iwihohonenge, 19ipaha iwihi lapahi o Yahudi manyawaikaua. Onanga aha iwihohedu, iwihangihara, deʼ iwisalib. Mä o wange hangeoka, Unanga aha iwihimomikoli.”
O Yakobus deʼ o Yohanis manga ayo ami gogahoko
(Mark. 10:35-45)
20Ipaha o Zebedeus ngoi hekata de ami ngoha-ngohaka yaino o Yesusino. O Yesus aihimangoka muna momarukuku la mogahoko okia naga moi.
21”Ayo nomau okia?” o Yesus womi leha.
O ayo gënanga mohaluhu, ”Ngohi tönahihu ahingohaka yahinoto nënanga yogogere anihigili deʼ aninirakoka Bapa, nako ma orahoka Bapa nodadi o Koano.”
22”Ngini nianäkoua okianaga ngini nigahoko,” o Yesus wätemo onangika. ”O hangihara magalahi kokiani genangoko to ngokere, kani akunu ngini nio ngokere?”
Onanga yohaluhu, ”Kami akunu.”
23O Yesus wätemo, ”Igoungu nginiö aha kanio ngokere Ahi galahioko. Mä mangale o nagona aha yogogere ahihigili deʼ Ahi nirakoka, gënanga Ngohiua Ahi kuaha tohigogere. O ngï-o ngï gënanga yögogere, o nyawa nagona Ahi Ama wohigogeroka.”
24De yangimoi iwinöninïki mahomoa yoihene o hali gënanga önanga yängamo mariadodoto yahinoto gënanga. 25#Luk. 22:25-26 Hababu gënanga o Yesus wäahoko önanga mata-mata de wätemo, ”Ngini nihiöriki o kawaha o negara magoronaka matutuda iwinäko-näkoua ma Jou Madutu, önanga yahikauku manga kawaha. De o gikiri yo ago-agomo yätuku manga kawaha. 26#Mat. 23:11; Mark. 9:35; Luk. 22:26 Mä ngini yakunua hoko gënanga, o nagona yomau yodadi yolamoko niahidogoronaka, kokiani yodadi yolöleleani nginika. 27Deʼ o nagona yomau yodadi yohohihira, kokiani yodadi niagilaongo. 28Hokä o Nyawa manga Ngohakoli; Unanga woböa wonahihuua iwï leleani, mä Unanga wäleleani, deʼ wohi döaka ai nyawa, la o nyawa manga ngöe wätuhuhu.”
O Yesus wahi togumu yopilo-piloko yahinoto
(Mark. 10:46-52; Luk. 18:35-43)
29Maöraha önanga yamal̄a o Yerikho makota, o nyawa manga ngöe iwinïki o Yesus. 30Yahinoto yopilo-piloko yogogeruku o ngëkomo madatekoka. Onanga yoihene o Yesus wakaino, önanga yopöaka, ”Daud ai Ngohaka, nomï dora ngomi!”
31O nyawa manga ngöe genangoka yängamo önanga deʼ yähuloko, önanga imarïdi. Mä onanga yopöaka iholoi ikuatil̄e, ”Jou o Daud ai Ngohaka, nomï dora ngomi.”
32Deʼ o Yesus womatogumu deʼ wäahoko önanga, de wäleha, ”Ngini okia nionahihu Todiai nginika?”
33Onanga yohaluhu, ”Tuanga, ngomi mionahihu mimahiöriki!”
34O Yesus wädora önanga, deʼ wapal̄anga manga lako. O öraha gënanga dika önanga yakunu imahiöriki. Deʼ onanga iwinïki o Yesus.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in