O YEHEZKIEL 22
22
O Yerusalem mamanarama itotorou
1Ma Jou wohitemo ngohino, wato, 2”Hei o nyawa nokokakaliua, onagonaika iböto ngona najuru hakimi o kota iomanga deʼ o doma gënanga. Nohidumutu onangika hagala mamanarama haö emo-emono.”
3-4Ma Jou Duru woko Kurutil̄e wohihuloko ngohi tohiädono o behehongo nënanga o Yerusalemika, ”Ngona nahowono karana näto-maka ani nyawa duru komanga ngoë, deʼ napesekoka ani diri deʼ nahuba nadodiai mahirete. Hababu gënanga maöraha ini juru hakimi itigioka deʼ ani jarita maöraha dema japati ipaha. Ngona Tonimal̄aika nodadi manga hohedu mangï deʼ manga gie-giete mangale o hoana deʼ o berera deʼ mata-mata o berera. 5Ngona inihohedu hagala o berera magogurutika deʼ madigi-digino karana ngona kaitaurika natilakuru o tita deʼ o datoro. 6Mata-mata o Israeloka manga tutuda yangaku mangakuata mahirete deʼ yodiai o doma. 7#Kel. 20:12, 22:21-22; Ul. 5:16, 24:17 Moiokaua ani nyawaino yahoromati manga dimono. Ngona natipu o nyawa maporetino deʼ nol̄e o utumu o bobao deʼ o ngohaka o gohihi manga huhaino. 8#Im. 19:30, 26:2 O puji mangï-mangï Ngohino nanoda deʼ o Sabat mawange nahaduliua. 9Ani nyawa manga hidogoronaka naga yadofo-dofo yoigo yadiai o romanga madorou o nyawa mahomoa hupaya yahukumu yahohonenge. Nagaö yoigo yaol̄omo ohiode maakeme ihi huba-hubaka o gomangika. Nagali yoigo yodiai yohowono. 10#Im. 18:7-20 Naga yagoda deʼ yahidu manga ayo bau, ongoheka magogiria o mede imidaene, 11o nyawa mahomoa manga hekata ekola ngoi toroa ekola ngoi hiranga o ayo mahomoaka! 12#Kel. 22:25, 23:8; Im. 25:36-37; Ul. 16:19, 23:19 Nagaö yodadi yabangu yotoma, yahï hihihi o nyawa deʼ yateo-teo hagala o nyawa imakohoana moi. Onanga mata-mata ihi wohangoka Ngohi. Ngohi o Jou Duru toko Kurutil̄e totemoka.
13Mä öraha nënanga Ngohi aha tagohara yoö ora-ora deʼ yotö toma-toma. 14Kano baraniohi ekola kano kuatohi ngona, mangale nagoraka ani giama Ngohi tonihukumu ngona ibötino? Ngohi ma Jou Duru toko Kurutil̄e totemoka deʼ Ngohi aha tadiai okia Taheto-hetongoka. 15Ngohi aha tahikabarihi ani nyawa o berera deʼ o hoana mata-mataika, deʼ Ngohi aha tatogumu ani manarama itotorou gënanga. 16Ngona aha ini hikauku o hoana deʼ o berera mahomoa, done ngona nohi öriki Ngohi o Jou.”
O uku ihitö tebi-tebini
17Ma Jou wohitemo ngohino, 18”Hei o nyawa nokokakaliua, hagala o Israeloka manyawa gënanga yobaraguna Ngohino. Onanga hahitotero o gurasi deʼ o haaka mawal̄e maganu, hokä o tabaga, o hori, o behi deʼ o hori itaro-taromo mahou-hou o haaka yauihi ipahaino o uku magoronaka. 19-20Done o öraha nënanga, Ngohi, o Jou Duru toko Kurutil̄e, Tatemo onangika önanga imatero hokä o gurasi deʼ o haaka koibaraguna gënanga. Hoka sarakia mamukulu o haaka, o tabaga, o behi, o hori madaro-daromo deʼ o hori magare-garehe yonoa o uku ma goronauku mangale yauihi, hoko genangoli önanga aha Tatoomu deʼ Ta ao o Yerusalemika. Ahi dohata ikokiria aha yabinaha önanga hokä o uku yauihi o gurasi deʼ o haaka mamukulu. 21Ya, Ngohi aha tatoomu önanga o Yerusalemoka, yätuhuku Ahi dohata mauku toönanga manga timioka, hiädono önanga yowede-wederuku. 22Hokä o haaka yauihi o uku magoronaka, hokogenangoli önanga aha yaharongo o Yerusalemoka. Done önanga ihiöriki Ngohi, o Jou, tadoburaraha Ahi gangamo onanguku.”
O Israel manga tutuda manga baradoha
23Ma Jou wohitemo ngohino, wato, 24”Hei o nyawa nokokakaliua, nahetongo o Israel manyawaika toönanga manga tonaka ipeseke, deʼ hababu gënanga Ngohi tongamo deʼ tahukumu. 25Manga tutuda-tutuda hokä o singa ipoa-poaka mainomo yagoli ibötino. Onanga yätoma o kawaha, yaora mata-mata o arata o kaya yamö make-make deʼ idadi hababu o ngongoheka mangangoë yodadi o babao. 26#Im. 10:10 O Israeloka manga imam-imam yatilakuru hagala Ahi tita deʼ yapeseke o bara-baranga ihi tinga-tingakoka mangale Ngohi. Onanga ihilihowonua kiaka ihalali kiaka iharamu. Onanga yadotokua o kawaha mangale ihilihowono madebi-debini deʼ kiaka ipese-peseke imamoteke o agama madatoro. Onanga yolegaikaua o Sabat mawange. Deʼ hoko gënanga o Israeloka ihihikauku Ngohi. 27Manga popareta yopangka-pangkati hokä o serigala yakakahi mainomo. Onanga yodiai o doma duga-duga mangale yolingiri o utumu. 28O nabi-nabi yaiunu hagala o boradoha gënanga; önanga hokä o nyawa yakapuru o bebeno o mehele mapese-peseke. Toönanga manga lolega-lolega madutua, hoko gënanga toönanga manga hidodemo-hidodemo. Onanga imangaku o behehongo önanga ihi ado-adono ganga önanga yatarima o Jou Duru woko Kurutil̄eino, enahioko Ngohi hakali-kali tatemoua onangika. 29Hagala o kaya manyawa yotipu deʼ yoora. Onanga yahidiai o mihikini manyawa deʼ manga hininga mahuka deʼ yol̄e o utumu o nyawa maporetinoika. 30O Israel manyawa manga hidogoronaka gënanga, Ngohi tolingiri o nyawa yakunu ihigoko o bebeno o mehele, ekola imaoko hagala o ngïoka mabebeno ikokilianga yatumungu o berera gënanga nako Ngohi tomau tabinaha Ahi gangamo ihebu-hebulu magoronaka; mä moiuaö Tämake. 31Hababu gënanga o öraha nënanga Tadipidili Ahi gangamo onangika, deʼ hokä o uku Ngohi aha tabinaha önanga karana hagala toönanga manga manarama. Ngohi Jou Duru toko Kurutil̄e totemoka.”
Currently Selected:
O YEHEZKIEL 22: TLB
Highlight
Copy
Compare
Share
Want to have your highlights saved across all your devices? Sign up or sign in
O YEHEZKIEL 22
22
O Yerusalem mamanarama itotorou
1Ma Jou wohitemo ngohino, wato, 2”Hei o nyawa nokokakaliua, onagonaika iböto ngona najuru hakimi o kota iomanga deʼ o doma gënanga. Nohidumutu onangika hagala mamanarama haö emo-emono.”
3-4Ma Jou Duru woko Kurutil̄e wohihuloko ngohi tohiädono o behehongo nënanga o Yerusalemika, ”Ngona nahowono karana näto-maka ani nyawa duru komanga ngoë, deʼ napesekoka ani diri deʼ nahuba nadodiai mahirete. Hababu gënanga maöraha ini juru hakimi itigioka deʼ ani jarita maöraha dema japati ipaha. Ngona Tonimal̄aika nodadi manga hohedu mangï deʼ manga gie-giete mangale o hoana deʼ o berera deʼ mata-mata o berera. 5Ngona inihohedu hagala o berera magogurutika deʼ madigi-digino karana ngona kaitaurika natilakuru o tita deʼ o datoro. 6Mata-mata o Israeloka manga tutuda yangaku mangakuata mahirete deʼ yodiai o doma. 7#Kel. 20:12, 22:21-22; Ul. 5:16, 24:17 Moiokaua ani nyawaino yahoromati manga dimono. Ngona natipu o nyawa maporetino deʼ nol̄e o utumu o bobao deʼ o ngohaka o gohihi manga huhaino. 8#Im. 19:30, 26:2 O puji mangï-mangï Ngohino nanoda deʼ o Sabat mawange nahaduliua. 9Ani nyawa manga hidogoronaka naga yadofo-dofo yoigo yadiai o romanga madorou o nyawa mahomoa hupaya yahukumu yahohonenge. Nagaö yoigo yaol̄omo ohiode maakeme ihi huba-hubaka o gomangika. Nagali yoigo yodiai yohowono. 10#Im. 18:7-20 Naga yagoda deʼ yahidu manga ayo bau, ongoheka magogiria o mede imidaene, 11o nyawa mahomoa manga hekata ekola ngoi toroa ekola ngoi hiranga o ayo mahomoaka! 12#Kel. 22:25, 23:8; Im. 25:36-37; Ul. 16:19, 23:19 Nagaö yodadi yabangu yotoma, yahï hihihi o nyawa deʼ yateo-teo hagala o nyawa imakohoana moi. Onanga mata-mata ihi wohangoka Ngohi. Ngohi o Jou Duru toko Kurutil̄e totemoka.
13Mä öraha nënanga Ngohi aha tagohara yoö ora-ora deʼ yotö toma-toma. 14Kano baraniohi ekola kano kuatohi ngona, mangale nagoraka ani giama Ngohi tonihukumu ngona ibötino? Ngohi ma Jou Duru toko Kurutil̄e totemoka deʼ Ngohi aha tadiai okia Taheto-hetongoka. 15Ngohi aha tahikabarihi ani nyawa o berera deʼ o hoana mata-mataika, deʼ Ngohi aha tatogumu ani manarama itotorou gënanga. 16Ngona aha ini hikauku o hoana deʼ o berera mahomoa, done ngona nohi öriki Ngohi o Jou.”
O uku ihitö tebi-tebini
17Ma Jou wohitemo ngohino, 18”Hei o nyawa nokokakaliua, hagala o Israeloka manyawa gënanga yobaraguna Ngohino. Onanga hahitotero o gurasi deʼ o haaka mawal̄e maganu, hokä o tabaga, o hori, o behi deʼ o hori itaro-taromo mahou-hou o haaka yauihi ipahaino o uku magoronaka. 19-20Done o öraha nënanga, Ngohi, o Jou Duru toko Kurutil̄e, Tatemo onangika önanga imatero hokä o gurasi deʼ o haaka koibaraguna gënanga. Hoka sarakia mamukulu o haaka, o tabaga, o behi, o hori madaro-daromo deʼ o hori magare-garehe yonoa o uku ma goronauku mangale yauihi, hoko genangoli önanga aha Tatoomu deʼ Ta ao o Yerusalemika. Ahi dohata ikokiria aha yabinaha önanga hokä o uku yauihi o gurasi deʼ o haaka mamukulu. 21Ya, Ngohi aha tatoomu önanga o Yerusalemoka, yätuhuku Ahi dohata mauku toönanga manga timioka, hiädono önanga yowede-wederuku. 22Hokä o haaka yauihi o uku magoronaka, hokogenangoli önanga aha yaharongo o Yerusalemoka. Done önanga ihiöriki Ngohi, o Jou, tadoburaraha Ahi gangamo onanguku.”
O Israel manga tutuda manga baradoha
23Ma Jou wohitemo ngohino, wato, 24”Hei o nyawa nokokakaliua, nahetongo o Israel manyawaika toönanga manga tonaka ipeseke, deʼ hababu gënanga Ngohi tongamo deʼ tahukumu. 25Manga tutuda-tutuda hokä o singa ipoa-poaka mainomo yagoli ibötino. Onanga yätoma o kawaha, yaora mata-mata o arata o kaya yamö make-make deʼ idadi hababu o ngongoheka mangangoë yodadi o babao. 26#Im. 10:10 O Israeloka manga imam-imam yatilakuru hagala Ahi tita deʼ yapeseke o bara-baranga ihi tinga-tingakoka mangale Ngohi. Onanga ihilihowonua kiaka ihalali kiaka iharamu. Onanga yadotokua o kawaha mangale ihilihowono madebi-debini deʼ kiaka ipese-peseke imamoteke o agama madatoro. Onanga yolegaikaua o Sabat mawange. Deʼ hoko gënanga o Israeloka ihihikauku Ngohi. 27Manga popareta yopangka-pangkati hokä o serigala yakakahi mainomo. Onanga yodiai o doma duga-duga mangale yolingiri o utumu. 28O nabi-nabi yaiunu hagala o boradoha gënanga; önanga hokä o nyawa yakapuru o bebeno o mehele mapese-peseke. Toönanga manga lolega-lolega madutua, hoko gënanga toönanga manga hidodemo-hidodemo. Onanga imangaku o behehongo önanga ihi ado-adono ganga önanga yatarima o Jou Duru woko Kurutil̄eino, enahioko Ngohi hakali-kali tatemoua onangika. 29Hagala o kaya manyawa yotipu deʼ yoora. Onanga yahidiai o mihikini manyawa deʼ manga hininga mahuka deʼ yol̄e o utumu o nyawa maporetinoika. 30O Israel manyawa manga hidogoronaka gënanga, Ngohi tolingiri o nyawa yakunu ihigoko o bebeno o mehele, ekola imaoko hagala o ngïoka mabebeno ikokilianga yatumungu o berera gënanga nako Ngohi tomau tabinaha Ahi gangamo ihebu-hebulu magoronaka; mä moiuaö Tämake. 31Hababu gënanga o öraha nënanga Tadipidili Ahi gangamo onangika, deʼ hokä o uku Ngohi aha tabinaha önanga karana hagala toönanga manga manarama. Ngohi Jou Duru toko Kurutil̄e totemoka.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in