O YEHEZKIEL 21
21
Ma Jou Ai oworo
1Ma Jou wohitemo ngohino, wato, 2”Hei o nyawa nokokakaliua, nalolai o Yerusalem. Nalolai o puji mangï-mangï dokengoka. Nohidoaka o hohininga o Israel matonakoka. 3Ngohi, o Jou, totemo hoko nënanga, ’Ngohi nënanga nia haturu. Ngohi aha tomarahuku Ahi oworo deʼ tinitoma ngini mata-mata, inito-torou deʼ yaoa-oa. 4Deʼ Ahi oworo aha Talawani mata-mata o nyawa o koremie deʼ yail̄e hiädono o koreharail̄e. 5Done o nyawa mata-mata ihiöriki Ngohi, o Jou, tomarahuku Ahi oworo deʼ taharumokauaoli.’
6Hei o nyawa nokokakaliua, notaiana deʼ nopoa-poaka o Israel manyawa manga himangoka, matero-tero ngona ani hininga itobiki deʼ ani nganono itoaka. 7Nako önanga inileha yadodoa ngona nopoa-poaka, nahetongo ngona ani hininga ihuha karana o abari aha iboa. O abari gënanga aha yadiai toönanga manga hininga ihahara, toönanga manga giama yabo le, deʼ toönanga manga buku ihahara, manga kuata ihihanga. Igoungu maöraha yadonoka, deʼ mata-mata gënanga aha idadi. Ngohi o Jou Duru toko Kurutil̄e totemoka.”
8Ma Jou wohitemo ngohino, wato, 9”Hei o nyawa nokokakaliua, nohidemo! Nohingahu hagala o nyawaika Ngohi, o Jou totemo hoko nënanga,
’Naga moi o oworo
o oworo yogiho-gihoroko de, yadoto-dotoka.
10Enanga yadoto-dotoka hupaya yakunu yahonenge,
yanouhoka hupaya kama leto-letongo.
Mangale Ahi umati koiwaka manga morene
hababu hagala o hohininga de, o hukumanga önanga yolegaikaua.
11O oworo gënanga yaihoro hupaya salalu sadia yapake
daha ihilapahi womatengoika wotö toma-toma.
12Hei o nyawa nokokakaliua, nododora deʼ nopoaka!
Hababu o oworo gënanga imahidiaioka yalawani Ahi umati.
O Israeloka manga tutuda imakinïki
o hoana deʼ o berera yongodumu
aha yatopoko o oworo hiädono yobinaha.
Done niapoka nia aluoko deʼ nia hininga ihuha,
13Hababu Ngohi magogiria täuji Ahi umati,
nako önanga yoluku yatiai manga kalakuanga,
mata-mata gënanga aha imadadi onangika.’
14Ah, o nyawa nokokakaliua, nohidodemo. Nopopoka, hokä manonako mangale o oworo gënanga mangale mulaenge yätoma. O oworo gënanga duru yähawana. 15Enanga yadiai Ahi hoana manga barani yahihanga deʼ yopeleke ihidoduruba. Ngohi todobuturungu toönanga manga kota deʼ o oworo gënanga mameletongo hokä o leletongo deʼ isadia mangale yätoma. 16Hei o oworo madoto-doto, no oto o nirakika deʼ o higilika, deʼ ima moteke ani nahihu. 17Ngohi aha topopokaö, daha Ahi dohata aha itouru. Ngohi, o Jou totemoka.”
O Babel manga koano ai oworo
18Ma Jou wohitemo ngohino, wato, 19-20”Hei o nyawa nokokakaliua, natulada o ngekomo o gahumu hinoto wakunu wanonu o Babel manga koano womagö gao-gao ai oworo. O ngekomo hinoto gënanga kiani matiti imaberera moi deʼ yaino; o ngekomo moi mameta o Rabaika, o Amon makota; deʼ moioli o Yerusalemika, o kota dema bebeno o mehele o Yehudaika. Nohipake o papanga ihi dumu-dumutu o ngekomo, okiaka o ngekomo gënanga imu-laenge ijaga.
21Ma koano Babel womaokoino o aoto ihi dumu-dumutu o ngekomo, madatekoka gënanga. Mangale wohi öriki o ngekomo okia aha wanonu, ünanga wogahoko ohidumutu ai goma-gomangino, womagihoro ai toimi deʼ watailako o aiwani magate dahaö ihi huba-huba. 22Inyata o toimi yal̄e-l̄e ai giama maniraka ihinonako o Yerusalem! Genanga mamangarati ma koano kiani waparangi o Yerusalem makota, ihiböaka o parangi maulili deʼ wahuloko aitentara ihidatoro o pakakaha ihikokilianga, ihipake hagala mangorana ma ago-agomo o Yerusalem, yodoporono o tonaka idadi o bebeno o mehele ihi gogiloliti deʼ yofaiti o baraka. 23O Yerusalem manyawa aha yongakua önanga yaparangi, karana önanga yodiaoka o jaji de o Babel. Mä o hidodemo nënanga aha yahidoäka o hohininga önanga done önanga aha yatagoko karana hagala toönanga manga baradoha. 24Ngohi, o Jou Duru toko Kurutil̄e totemo onangika, ’Hagala nia baradoha ihi örikoka deʼ mata-mata o nyawa ihi öriki ngini niahowono. Niadorou yamake niajojobo magetongo magoronaka. Oraha nënanga yadonoka maöraha ngini tinihukumu deʼ ngini aha Tinihilapahi nia haturuika.’
25Deʼ o Israel manga koanoika Ngohi totemo, ’Hei koano madorou deʼ nosetiaua! Maöraha mangale ani hukumanga mabobaha itigioka. 26Ngohi, o Jou Duru toko Kurutil̄e totemoka. Naiki ani makota deʼ nahohe ani haëke maliliko. Oraha nënanga, mahali ingalioka. Nia gorakil̄e manga gogere o mihikini manyawa deʼ niahidoäka o kuaha! 27O kota nënanga aha tawedere kamamoiuku, hiädono kiaka honanga kama gogilianga. Mä o hali gënanga daha idadi nako o nyawa Tä iri-irikoka mangale yahukumu o kota nënanga iboaka. Unangika aha Tohilapahi o kota nënanga.”
O oworo deʼ o Amon manyawa
28 #
Yer. 49:1-6; Yeh. 25:1-7; Am. 1:3-15; Zef. 2:8-11 Hei o nyawa nokokakaliua, nohidodemo! Nahingahu o Amon manyawaika yahikokaukuoka o Israeloka, Ngohi, o Jou Duru toko Kurutil̄e totemo, ’Moi o oworo ibotukuoka mangale yätoma; o oworo i ihoroka mameletongo hokä o leletongo, hupaya imahidiai mangale yätoma. 29O lolega ngini niamö make-make ganga madutua, deʼ o hidodemo ngini nia heto-hetongo duru ielu-eluku. Ngini initorou ikali nisetiaua, deʼ maöraha mangale inïhibobaha itigioka. O oworo gënanga aha yatobiki nia tomara.
30Hei o Amon manyawa, nia harumokali nia oworo! Ngini aha Ti nï juru hakimi ngini inihidö dadadi deʼ inihi ngoha-ngohaka mangïoka. 31Ngohi aha tidoburaraha nginiuku Ahi gangamo ihö hiru-hiru. deʼ ngini aha Tinihilapahi hagala o nyawa manga hayanga koiwa-iwaika imadotoko imahibiaha inibinaha. 32Ngini aha o uku ini ol̄omo inimata. Nia awunu aha ikopoa niabereraka mahirete, deʼ o nyawa kaima tengö ma koiwa ini hininga nginika. Ngohi o Jou totemoka.’ ”
Currently Selected:
O YEHEZKIEL 21: TLB
Highlight
Copy
Compare
Share
Want to have your highlights saved across all your devices? Sign up or sign in
O YEHEZKIEL 21
21
Ma Jou Ai oworo
1Ma Jou wohitemo ngohino, wato, 2”Hei o nyawa nokokakaliua, nalolai o Yerusalem. Nalolai o puji mangï-mangï dokengoka. Nohidoaka o hohininga o Israel matonakoka. 3Ngohi, o Jou, totemo hoko nënanga, ’Ngohi nënanga nia haturu. Ngohi aha tomarahuku Ahi oworo deʼ tinitoma ngini mata-mata, inito-torou deʼ yaoa-oa. 4Deʼ Ahi oworo aha Talawani mata-mata o nyawa o koremie deʼ yail̄e hiädono o koreharail̄e. 5Done o nyawa mata-mata ihiöriki Ngohi, o Jou, tomarahuku Ahi oworo deʼ taharumokauaoli.’
6Hei o nyawa nokokakaliua, notaiana deʼ nopoa-poaka o Israel manyawa manga himangoka, matero-tero ngona ani hininga itobiki deʼ ani nganono itoaka. 7Nako önanga inileha yadodoa ngona nopoa-poaka, nahetongo ngona ani hininga ihuha karana o abari aha iboa. O abari gënanga aha yadiai toönanga manga hininga ihahara, toönanga manga giama yabo le, deʼ toönanga manga buku ihahara, manga kuata ihihanga. Igoungu maöraha yadonoka, deʼ mata-mata gënanga aha idadi. Ngohi o Jou Duru toko Kurutil̄e totemoka.”
8Ma Jou wohitemo ngohino, wato, 9”Hei o nyawa nokokakaliua, nohidemo! Nohingahu hagala o nyawaika Ngohi, o Jou totemo hoko nënanga,
’Naga moi o oworo
o oworo yogiho-gihoroko de, yadoto-dotoka.
10Enanga yadoto-dotoka hupaya yakunu yahonenge,
yanouhoka hupaya kama leto-letongo.
Mangale Ahi umati koiwaka manga morene
hababu hagala o hohininga de, o hukumanga önanga yolegaikaua.
11O oworo gënanga yaihoro hupaya salalu sadia yapake
daha ihilapahi womatengoika wotö toma-toma.
12Hei o nyawa nokokakaliua, nododora deʼ nopoaka!
Hababu o oworo gënanga imahidiaioka yalawani Ahi umati.
O Israeloka manga tutuda imakinïki
o hoana deʼ o berera yongodumu
aha yatopoko o oworo hiädono yobinaha.
Done niapoka nia aluoko deʼ nia hininga ihuha,
13Hababu Ngohi magogiria täuji Ahi umati,
nako önanga yoluku yatiai manga kalakuanga,
mata-mata gënanga aha imadadi onangika.’
14Ah, o nyawa nokokakaliua, nohidodemo. Nopopoka, hokä manonako mangale o oworo gënanga mangale mulaenge yätoma. O oworo gënanga duru yähawana. 15Enanga yadiai Ahi hoana manga barani yahihanga deʼ yopeleke ihidoduruba. Ngohi todobuturungu toönanga manga kota deʼ o oworo gënanga mameletongo hokä o leletongo deʼ isadia mangale yätoma. 16Hei o oworo madoto-doto, no oto o nirakika deʼ o higilika, deʼ ima moteke ani nahihu. 17Ngohi aha topopokaö, daha Ahi dohata aha itouru. Ngohi, o Jou totemoka.”
O Babel manga koano ai oworo
18Ma Jou wohitemo ngohino, wato, 19-20”Hei o nyawa nokokakaliua, natulada o ngekomo o gahumu hinoto wakunu wanonu o Babel manga koano womagö gao-gao ai oworo. O ngekomo hinoto gënanga kiani matiti imaberera moi deʼ yaino; o ngekomo moi mameta o Rabaika, o Amon makota; deʼ moioli o Yerusalemika, o kota dema bebeno o mehele o Yehudaika. Nohipake o papanga ihi dumu-dumutu o ngekomo, okiaka o ngekomo gënanga imu-laenge ijaga.
21Ma koano Babel womaokoino o aoto ihi dumu-dumutu o ngekomo, madatekoka gënanga. Mangale wohi öriki o ngekomo okia aha wanonu, ünanga wogahoko ohidumutu ai goma-gomangino, womagihoro ai toimi deʼ watailako o aiwani magate dahaö ihi huba-huba. 22Inyata o toimi yal̄e-l̄e ai giama maniraka ihinonako o Yerusalem! Genanga mamangarati ma koano kiani waparangi o Yerusalem makota, ihiböaka o parangi maulili deʼ wahuloko aitentara ihidatoro o pakakaha ihikokilianga, ihipake hagala mangorana ma ago-agomo o Yerusalem, yodoporono o tonaka idadi o bebeno o mehele ihi gogiloliti deʼ yofaiti o baraka. 23O Yerusalem manyawa aha yongakua önanga yaparangi, karana önanga yodiaoka o jaji de o Babel. Mä o hidodemo nënanga aha yahidoäka o hohininga önanga done önanga aha yatagoko karana hagala toönanga manga baradoha. 24Ngohi, o Jou Duru toko Kurutil̄e totemo onangika, ’Hagala nia baradoha ihi örikoka deʼ mata-mata o nyawa ihi öriki ngini niahowono. Niadorou yamake niajojobo magetongo magoronaka. Oraha nënanga yadonoka maöraha ngini tinihukumu deʼ ngini aha Tinihilapahi nia haturuika.’
25Deʼ o Israel manga koanoika Ngohi totemo, ’Hei koano madorou deʼ nosetiaua! Maöraha mangale ani hukumanga mabobaha itigioka. 26Ngohi, o Jou Duru toko Kurutil̄e totemoka. Naiki ani makota deʼ nahohe ani haëke maliliko. Oraha nënanga, mahali ingalioka. Nia gorakil̄e manga gogere o mihikini manyawa deʼ niahidoäka o kuaha! 27O kota nënanga aha tawedere kamamoiuku, hiädono kiaka honanga kama gogilianga. Mä o hali gënanga daha idadi nako o nyawa Tä iri-irikoka mangale yahukumu o kota nënanga iboaka. Unangika aha Tohilapahi o kota nënanga.”
O oworo deʼ o Amon manyawa
28 #
Yer. 49:1-6; Yeh. 25:1-7; Am. 1:3-15; Zef. 2:8-11 Hei o nyawa nokokakaliua, nohidodemo! Nahingahu o Amon manyawaika yahikokaukuoka o Israeloka, Ngohi, o Jou Duru toko Kurutil̄e totemo, ’Moi o oworo ibotukuoka mangale yätoma; o oworo i ihoroka mameletongo hokä o leletongo, hupaya imahidiai mangale yätoma. 29O lolega ngini niamö make-make ganga madutua, deʼ o hidodemo ngini nia heto-hetongo duru ielu-eluku. Ngini initorou ikali nisetiaua, deʼ maöraha mangale inïhibobaha itigioka. O oworo gënanga aha yatobiki nia tomara.
30Hei o Amon manyawa, nia harumokali nia oworo! Ngini aha Ti nï juru hakimi ngini inihidö dadadi deʼ inihi ngoha-ngohaka mangïoka. 31Ngohi aha tidoburaraha nginiuku Ahi gangamo ihö hiru-hiru. deʼ ngini aha Tinihilapahi hagala o nyawa manga hayanga koiwa-iwaika imadotoko imahibiaha inibinaha. 32Ngini aha o uku ini ol̄omo inimata. Nia awunu aha ikopoa niabereraka mahirete, deʼ o nyawa kaima tengö ma koiwa ini hininga nginika. Ngohi o Jou totemoka.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in