O YEHEZKIEL 23
23
Yahinoto o riadodoto yobaradoha
1Ma Jou wohitemo ngohino, wato, 2”Hei o nyawa nokokakaliua, naga yahinoto ongoheka, o riadodoto. 3Maöraha imä göikahi, önanga yogogere o Mesiroka. Dokengoka önanga ihihanga manga moholehe maboro, daha önanga yodadi manga roëhe yahuku-hukunu. 4Mariaka ami romanga ongo Ohola; munanga ihinonako o Samaria. Ngomi dodoto ami romanga ongo Oholiba; munanga ihinonako o Yerusalem. Ngohi tokawingi dede önanga deʼ tamake o ngohaka yaborihinotöino. 5Ngaroka ongo Ohola modadioka Ngohi hekata, munanga kahirahi ami roëhe mahuku-hukunu, deʼ ami nahihu kohagiria maleleani hagala ami mamane o Asyurino. 6Onanga gënanga o tentara manga pakeanga kaorupa moi madokara magoguhurungu, o nyawa yomomulia deʼ o pangka-pangkati magogurutil̄e; mata-mata o kudauku yobare-barene manga duduono mabalu-baluhu manga biono mahohailoa. 7De o nyawa yolago-agomo gënanga ongo Ohola mohowono. Ikali karana duru ami nahihu magiria, munanga mapeseke ami diri deʼ mahuba toönanga manga goma-gomanga. 8Munanga hoko genangika dika mahukunu ami roëhe hokä mahira madodiai o Mesiroka, kiaka munanga ihihanga ami moholehe maboro. Maöraha kamietetekohi, munanga imihiduoka deʼ imidiai hokä manga roëhe yahuku-hukunu. 9Hababu gënanga Tomihilapahi munanga ami momamaneika, hagala o Asyur manyawa duru maö igo-igo gënanga.
10Munanga imihekono önanga de mabuturungu, daha imitoma de o oworo, deʼ ami ngoha-ngohaka yaora. Kiaka hononga amiwowango gënanga idadi ongongoheka kamanga uru makaioka.
11O ngo Oholiba, ngomi dodoto mamake idödadadi gënanga, mä munanga iholoi monahihu madiai o howono ngaro deʼ o ngo Ohola. 12O ngo Oholibaö duru mänahihu hagala o Asyur manyawa gënanga, enagënanga o gogoduru yohö hailoa o kudauku yobare-barene manga duduonino, o nyawa yomomulia deʼ manga pangkati magogurutil̄e, ikali o tentara manga pakeanga o rupa moi madokara magoguhurungu. 13Ngohi tamake ongo Oholiba gënanga igoungu ami kalakuanga itorou, imatero hokä ngomi riaka.
14-15Iholoi itedekana iholoi itorou ami kalakuanga o ngo Oholiba. Munanga duru ami hininga yatauru o dulada-duladaika gogarade o bebenoika, deʼ ihi rupa deʼ o cat imadaene mamodokara o awunu. O dulada-dulada gënanga ihinonako o Babel manga tentara manga balu-baluhu deʼ manga gorona maninikutu mahohailoa deʼ manga haëke maninikutu o hohihiaruku. 16O ngo Oholiba mamake o dulada-dulada gënanga, ami nahihu irama deʼ munanga mohidingoto o gogahoko o tentara manga balu-balu hika gënanga o Babeloka. 17Done önanga yoboa deʼ imaidu dede munanga. Onanga iminoda hoko gënanga marupa hiädono mabaha munanga idadi mä emono dede önanga. 18Iböto gënanga de mohi totararonuku munanga mahukunu ami roëhe deʼ mohitomina ami diri o kawahaika. Ngohi tomi emono tomi make munanga, hokä Ngohi tomi emono ngomi riaka. 19Iholoi itedekana iholoi mamoi-mamoi munanga mohowono, ima howo nua hokä maöraha momagö ikahi maöraha munanga mahukunu ami roëhe o Mesiroka. 20Munanga ami nahihu kohagiria o nau-naurika ami nahihu ihebu-hebulu, deʼ ami nahihu irama kaimatero maamoko o kuda manauru manahihu. (21Hei Oholiba, ngona noigo nogilioli o peseke nadodiai maöraha nomagö ikahi, maöraha o Mesir manyawa nimä tekenahihu dede ngona.)”
Ma Jou Madutu womi juru hakimi o ngo Oholiba
22Ma Jou Duru woko Kurutil̄e wotemo, ”Hei Oholiba, ngona nagihounoka deʼ ani mamane-mamane, mä Ngohi aha tadofo-dofo önanga hupaya önanga iningamo ngonaika deʼ ini higiloliti. 23Ngohi aha tatoomu deʼ Taao ngonaika mata-mata ani mamane o Babelino, o Pekod, o Soa, o Koa, o Asyur, ikali o Kaldea manyawa. Taao ngonaika o gogoduru yohohailoa manga pangkati magogurutil̄e, o nyawa yomomulia, o pangkati yolago-agomo de o kudauku yobare-barene manga duduono manga kapita. 24Onanga aha iniparangi dau o koremieil̄e deʼ o tentara kamanga ngoë, deʼ o kereta ihi poparangi deʼ o kereta ihi ao-ao o bilaono. Deʼ yatatokino deʼ o dadatoko deʼ o sapeo o waja, önanga aha inihigiloliti. Aha Tamal̄aika önanga ini juru hakimi imamoteke toönanga manga tita mahirete. 25Karana Ngohi toningamo ngonaika, Tä mal̄aika önanga ini hidiai dema hayanga koiwa. Ani ngunungu deʼ ani ngauku önanga aha yaluiti deʼ ani ngoha-ngohaka yal̄e deʼ yatuhuku yahingangoika. 26Ngona aha ini hekono deʼ hagala ani poromu aha yaora. 27Hoko gënanga Ngohi aha tatogumu ani nahihu nimakoröehe moi deʼ hagala o hudali nadodiai maöraha ngona naga o Mesir mabereraka. Ngona aha nonganonokauaoli o gomangika okianö ekola nahininga o Mesirika.”
28Ma Jou Duru woko Kurutil̄e wotemo, ”Ngohi aha toni hilapahi ngona o nyawa ini emo-emonika nadö doha-dohata. 29Karana önanga inïdohata ngonaika, hagala ani kangela mahasili aha önanga yaora. Ngona aha ini dogumal̄aika kani heko-noka ani bululunoka hokä manga roëhe yahuku-hukunu deʼ idadi yawuningi o kawaha. Ani nahihu nimakoroëhe moi deʼ ani hudali 30ini dotagao o wowango itotorou nënanga ngonaika. Ngona nodadi manga roëhe yahuku-hukunu mangale o hoana deʼ o berera, deʼ napeseke ani diri de toönanga manga goma-gomanga. 31Ngona nanïki ami manarama ngoni riaka, hababu gënanga ngona aha Toni hukumu de o hukumanga kaimatero.”
32Ma Jou Duru woko Kurutil̄e wotemo,
”Ngoni riaka ami belu-belu madol̄a kokiani ngona nalahiri.
O belu-belu gënanga ipako deʼ iluku.
Madol̄a iomanga ima higogule deʼ o hohedu,
kokiani natagongo moi-moi o nyawaino.
33-34Ngoni riaka o Samaria ami belu-belu,
madol̄a o hawana deʼ o binaha.
Naokere ibötino madol̄a mata-mata
ngona aha inidaluku deʼ nohangihara.
Deʼ mabela-belaka o belu-belu gënanga
ngona aha yakakakihi ani alu mangunungu
Ngohi, o Jou Duru toko Kurutil̄e totemoka.”
35Ma Jou Duru woko Kurutil̄e wotemo, ”Karana ngona nohi wohangoka Ngohi deʼ nohï poretoka Ngohi, ngona aha nohangihara mahasili ani nahihu nimakoroëhe moi deʼ ani hudali.”
Ma Jou Madutu Ai hukumanga yahinotoika mariadodoto
36Ma Jou wohitemo ngohino, ”Hei o nyawa nokokakaliua, ngona noma hidiaioka nä juru hakimi o ngo Ohola deʼ o ngo Oholiba? Nahidaaere önanga yakorona odorou önanga yododiaioka. 37Onanga yadiaioka o hudali deʼ o doma; önanga yohudaloka de hagala o gomanga deʼ yatoma Ahi ngoha-ngohaka önanga yahi ngoha-ngohaka. O ngoha-ngohaka gënanga önanga yahihubaka toönanga manga goma-gomangika. 38Deʼ kagenangua dika. Onangö yapeseke Ahi Tau deʼ o Sabat mawange Tohi totatapuoka gënanga. 39Mawange önanga yatoma Ahi ngoha-ngohaka deʼ yahihuba hagala o gomangika, o riadodoto yahinoto gënanga yoboa Ahi Tauika deʼ yapeseke!
40Onanga koaholi ihi dingingoto o gogahoko hagala o nau-naurika o berera-berera magogurutika, o riadodoto yahinoto gënanga imaohiki, yapake o lakoino magegehe deʼ yapake hagala o poromu. 41Daha önanga yogogeruku manga ngidu-ngidu mangï marorahai mal̄okuoka. Mahimangoka naga o meja iomanga de o inomo ihi dodiaiuku, idogoika o dupa deʼ o zaitun maminya Tahi doä-doäka onangika. 42Maporetino toihene manga ilingi yogigoro o nyawa manga ngoë imahi sosanangi. Hagala o nyawa gënanga yä ahoko o tonaka makokakahaka deyaino. Onanga imahinoa o gogoli manga giamoko o riadodoto gënanga, deʼ imahitamunu hagala o makota mahohailoa manga haëkuku. 43Daha Tapikiri, ’Kayomodekohi hagala o nyawa gënanga yomane de hagala manga roëhe yahuku-hukunu yomomaiuku karana o hudali?ʼ 44De madodagi ima teketagali hagala o nyawa yadotoboa o ngo Ohola deʼ o ngo Oholiba, yahinoto manga roëhe yahuku-hukunu itotorouoka gënanga. 45Mä hagala o nyawa yotebi-tebini aha yä juruhakimi o riadodoto gënanga de mahababu o hudali deʼ o doma, hababu önanga igoungu yahowono.”
46Ma Jou Duru woko Kurutil̄e wotemo, ”Nä ahoko o nyawa o doomu moi mangale yahangihara deʼ yäora yahinoto manga roëhe yahuku-hukunu gënanga. 47Mal̄aika önanga yakaweli de o helewo deʼ yaparangi de o oworo. Mal̄aika toönanga mangangoha-ngohaka yätoma deʼ hagala manga tau yatuhuku. 48O berera yamode-modekika aha Tahohihanga o dorou hokä hoko gënanga. Ahi jojobo gënanga aha idadi o hohininga mangale o ngongoheka magetongo hupaya uha yohudali hokä yahinoto o riadodoto gënanga. 49Hei o Ohola deʼ o Oholiba, Ngohi aha tinihukumu ngini karana ngini nihudali deʼ niahuba o gomanga. Done nihi öriki ngini Ngohila o Jou Duru toko Kurutil̄e.”
Currently Selected:
O YEHEZKIEL 23: TLB
Highlight
Copy
Compare
Share
Want to have your highlights saved across all your devices? Sign up or sign in
O YEHEZKIEL 23
23
Yahinoto o riadodoto yobaradoha
1Ma Jou wohitemo ngohino, wato, 2”Hei o nyawa nokokakaliua, naga yahinoto ongoheka, o riadodoto. 3Maöraha imä göikahi, önanga yogogere o Mesiroka. Dokengoka önanga ihihanga manga moholehe maboro, daha önanga yodadi manga roëhe yahuku-hukunu. 4Mariaka ami romanga ongo Ohola; munanga ihinonako o Samaria. Ngomi dodoto ami romanga ongo Oholiba; munanga ihinonako o Yerusalem. Ngohi tokawingi dede önanga deʼ tamake o ngohaka yaborihinotöino. 5Ngaroka ongo Ohola modadioka Ngohi hekata, munanga kahirahi ami roëhe mahuku-hukunu, deʼ ami nahihu kohagiria maleleani hagala ami mamane o Asyurino. 6Onanga gënanga o tentara manga pakeanga kaorupa moi madokara magoguhurungu, o nyawa yomomulia deʼ o pangka-pangkati magogurutil̄e; mata-mata o kudauku yobare-barene manga duduono mabalu-baluhu manga biono mahohailoa. 7De o nyawa yolago-agomo gënanga ongo Ohola mohowono. Ikali karana duru ami nahihu magiria, munanga mapeseke ami diri deʼ mahuba toönanga manga goma-gomanga. 8Munanga hoko genangika dika mahukunu ami roëhe hokä mahira madodiai o Mesiroka, kiaka munanga ihihanga ami moholehe maboro. Maöraha kamietetekohi, munanga imihiduoka deʼ imidiai hokä manga roëhe yahuku-hukunu. 9Hababu gënanga Tomihilapahi munanga ami momamaneika, hagala o Asyur manyawa duru maö igo-igo gënanga.
10Munanga imihekono önanga de mabuturungu, daha imitoma de o oworo, deʼ ami ngoha-ngohaka yaora. Kiaka hononga amiwowango gënanga idadi ongongoheka kamanga uru makaioka.
11O ngo Oholiba, ngomi dodoto mamake idödadadi gënanga, mä munanga iholoi monahihu madiai o howono ngaro deʼ o ngo Ohola. 12O ngo Oholibaö duru mänahihu hagala o Asyur manyawa gënanga, enagënanga o gogoduru yohö hailoa o kudauku yobare-barene manga duduonino, o nyawa yomomulia deʼ manga pangkati magogurutil̄e, ikali o tentara manga pakeanga o rupa moi madokara magoguhurungu. 13Ngohi tamake ongo Oholiba gënanga igoungu ami kalakuanga itorou, imatero hokä ngomi riaka.
14-15Iholoi itedekana iholoi itorou ami kalakuanga o ngo Oholiba. Munanga duru ami hininga yatauru o dulada-duladaika gogarade o bebenoika, deʼ ihi rupa deʼ o cat imadaene mamodokara o awunu. O dulada-dulada gënanga ihinonako o Babel manga tentara manga balu-baluhu deʼ manga gorona maninikutu mahohailoa deʼ manga haëke maninikutu o hohihiaruku. 16O ngo Oholiba mamake o dulada-dulada gënanga, ami nahihu irama deʼ munanga mohidingoto o gogahoko o tentara manga balu-balu hika gënanga o Babeloka. 17Done önanga yoboa deʼ imaidu dede munanga. Onanga iminoda hoko gënanga marupa hiädono mabaha munanga idadi mä emono dede önanga. 18Iböto gënanga de mohi totararonuku munanga mahukunu ami roëhe deʼ mohitomina ami diri o kawahaika. Ngohi tomi emono tomi make munanga, hokä Ngohi tomi emono ngomi riaka. 19Iholoi itedekana iholoi mamoi-mamoi munanga mohowono, ima howo nua hokä maöraha momagö ikahi maöraha munanga mahukunu ami roëhe o Mesiroka. 20Munanga ami nahihu kohagiria o nau-naurika ami nahihu ihebu-hebulu, deʼ ami nahihu irama kaimatero maamoko o kuda manauru manahihu. (21Hei Oholiba, ngona noigo nogilioli o peseke nadodiai maöraha nomagö ikahi, maöraha o Mesir manyawa nimä tekenahihu dede ngona.)”
Ma Jou Madutu womi juru hakimi o ngo Oholiba
22Ma Jou Duru woko Kurutil̄e wotemo, ”Hei Oholiba, ngona nagihounoka deʼ ani mamane-mamane, mä Ngohi aha tadofo-dofo önanga hupaya önanga iningamo ngonaika deʼ ini higiloliti. 23Ngohi aha tatoomu deʼ Taao ngonaika mata-mata ani mamane o Babelino, o Pekod, o Soa, o Koa, o Asyur, ikali o Kaldea manyawa. Taao ngonaika o gogoduru yohohailoa manga pangkati magogurutil̄e, o nyawa yomomulia, o pangkati yolago-agomo de o kudauku yobare-barene manga duduono manga kapita. 24Onanga aha iniparangi dau o koremieil̄e deʼ o tentara kamanga ngoë, deʼ o kereta ihi poparangi deʼ o kereta ihi ao-ao o bilaono. Deʼ yatatokino deʼ o dadatoko deʼ o sapeo o waja, önanga aha inihigiloliti. Aha Tamal̄aika önanga ini juru hakimi imamoteke toönanga manga tita mahirete. 25Karana Ngohi toningamo ngonaika, Tä mal̄aika önanga ini hidiai dema hayanga koiwa. Ani ngunungu deʼ ani ngauku önanga aha yaluiti deʼ ani ngoha-ngohaka yal̄e deʼ yatuhuku yahingangoika. 26Ngona aha ini hekono deʼ hagala ani poromu aha yaora. 27Hoko gënanga Ngohi aha tatogumu ani nahihu nimakoröehe moi deʼ hagala o hudali nadodiai maöraha ngona naga o Mesir mabereraka. Ngona aha nonganonokauaoli o gomangika okianö ekola nahininga o Mesirika.”
28Ma Jou Duru woko Kurutil̄e wotemo, ”Ngohi aha toni hilapahi ngona o nyawa ini emo-emonika nadö doha-dohata. 29Karana önanga inïdohata ngonaika, hagala ani kangela mahasili aha önanga yaora. Ngona aha ini dogumal̄aika kani heko-noka ani bululunoka hokä manga roëhe yahuku-hukunu deʼ idadi yawuningi o kawaha. Ani nahihu nimakoroëhe moi deʼ ani hudali 30ini dotagao o wowango itotorou nënanga ngonaika. Ngona nodadi manga roëhe yahuku-hukunu mangale o hoana deʼ o berera, deʼ napeseke ani diri de toönanga manga goma-gomanga. 31Ngona nanïki ami manarama ngoni riaka, hababu gënanga ngona aha Toni hukumu de o hukumanga kaimatero.”
32Ma Jou Duru woko Kurutil̄e wotemo,
”Ngoni riaka ami belu-belu madol̄a kokiani ngona nalahiri.
O belu-belu gënanga ipako deʼ iluku.
Madol̄a iomanga ima higogule deʼ o hohedu,
kokiani natagongo moi-moi o nyawaino.
33-34Ngoni riaka o Samaria ami belu-belu,
madol̄a o hawana deʼ o binaha.
Naokere ibötino madol̄a mata-mata
ngona aha inidaluku deʼ nohangihara.
Deʼ mabela-belaka o belu-belu gënanga
ngona aha yakakakihi ani alu mangunungu
Ngohi, o Jou Duru toko Kurutil̄e totemoka.”
35Ma Jou Duru woko Kurutil̄e wotemo, ”Karana ngona nohi wohangoka Ngohi deʼ nohï poretoka Ngohi, ngona aha nohangihara mahasili ani nahihu nimakoroëhe moi deʼ ani hudali.”
Ma Jou Madutu Ai hukumanga yahinotoika mariadodoto
36Ma Jou wohitemo ngohino, ”Hei o nyawa nokokakaliua, ngona noma hidiaioka nä juru hakimi o ngo Ohola deʼ o ngo Oholiba? Nahidaaere önanga yakorona odorou önanga yododiaioka. 37Onanga yadiaioka o hudali deʼ o doma; önanga yohudaloka de hagala o gomanga deʼ yatoma Ahi ngoha-ngohaka önanga yahi ngoha-ngohaka. O ngoha-ngohaka gënanga önanga yahihubaka toönanga manga goma-gomangika. 38Deʼ kagenangua dika. Onangö yapeseke Ahi Tau deʼ o Sabat mawange Tohi totatapuoka gënanga. 39Mawange önanga yatoma Ahi ngoha-ngohaka deʼ yahihuba hagala o gomangika, o riadodoto yahinoto gënanga yoboa Ahi Tauika deʼ yapeseke!
40Onanga koaholi ihi dingingoto o gogahoko hagala o nau-naurika o berera-berera magogurutika, o riadodoto yahinoto gënanga imaohiki, yapake o lakoino magegehe deʼ yapake hagala o poromu. 41Daha önanga yogogeruku manga ngidu-ngidu mangï marorahai mal̄okuoka. Mahimangoka naga o meja iomanga de o inomo ihi dodiaiuku, idogoika o dupa deʼ o zaitun maminya Tahi doä-doäka onangika. 42Maporetino toihene manga ilingi yogigoro o nyawa manga ngoë imahi sosanangi. Hagala o nyawa gënanga yä ahoko o tonaka makokakahaka deyaino. Onanga imahinoa o gogoli manga giamoko o riadodoto gënanga, deʼ imahitamunu hagala o makota mahohailoa manga haëkuku. 43Daha Tapikiri, ’Kayomodekohi hagala o nyawa gënanga yomane de hagala manga roëhe yahuku-hukunu yomomaiuku karana o hudali?ʼ 44De madodagi ima teketagali hagala o nyawa yadotoboa o ngo Ohola deʼ o ngo Oholiba, yahinoto manga roëhe yahuku-hukunu itotorouoka gënanga. 45Mä hagala o nyawa yotebi-tebini aha yä juruhakimi o riadodoto gënanga de mahababu o hudali deʼ o doma, hababu önanga igoungu yahowono.”
46Ma Jou Duru woko Kurutil̄e wotemo, ”Nä ahoko o nyawa o doomu moi mangale yahangihara deʼ yäora yahinoto manga roëhe yahuku-hukunu gënanga. 47Mal̄aika önanga yakaweli de o helewo deʼ yaparangi de o oworo. Mal̄aika toönanga mangangoha-ngohaka yätoma deʼ hagala manga tau yatuhuku. 48O berera yamode-modekika aha Tahohihanga o dorou hokä hoko gënanga. Ahi jojobo gënanga aha idadi o hohininga mangale o ngongoheka magetongo hupaya uha yohudali hokä yahinoto o riadodoto gënanga. 49Hei o Ohola deʼ o Oholiba, Ngohi aha tinihukumu ngini karana ngini nihudali deʼ niahuba o gomanga. Done nihi öriki ngini Ngohila o Jou Duru toko Kurutil̄e.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in