O YEHEZKIEL 12
12
Ma Nabi Yehezkiel hokä womahi dito-ditoko
1Ma Jou wohitemoli ngohino, wato, 2#Yes. 6:9-10; Yer. 5:21; Mark. 8:18 ”Hei o nyawa nokokakaliua, ngona nogogere o nyawa yototalawani manga hidogoronaka. Toönanga deʼ manga lakoka mä imahi orikua; de manga ngaukka, mä imahihenua, hababu önanga yoigo imalawani.
3-6Hababu gënanga hei o nyawa nokokakaliua, kai wangeohi, nohidiai ani kiahonanga moi ohahawo magoronaka hokä biaha o yadodiai o nyawa yototabuanga. O hutu iboauahi, namal̄a ani tau nomahi totararonuku hokä o nyawa yä ao o tabuangika. Nodiai o pidaha ani tau mabebenoika de yahakihi o nyawa yolawa-lawani gënanga deʼ nao ani hahawo madol̄a ani kiahonanga gënanga nohupu nanonu o pidaha gënanga. Namoku o hahawo gënanga ani belekaka. Noma goraka o hutu mahohuhutu magoronaka; natamunu ani lako hïadono ngona namakeua o ngekomo nanönonu. Mal̄aika o Israel manyawa yongodumu yamake mata-mata nadodiai gënanga, hupaya idadi ohohininga onangika. Mudukua önanga aha yamao önanga gënanga yolawa-lawani.”
7Daha tadiai ma Jou Ai pareta ngohino. Mawange genangö, maöraha o wangeohi, tohidiai ahi kiahonanga moi o hahawo magoronaka, hokä biaha yadodiai o nyawa imahi dito-ditoko. Maöraha o wange mulaenge yohutu, ngohi todiai o pidaha deʼ ahi giama ahi tau mabebeno o mehelika, daha tohupu tanonu o pidaha gënanga. De kaihi totailako mata-mata o nyawa, o hahawo gënanga tamokuino ahi belekaka, ipaha ngohi tomä jobo.
8Iyarehino mawange ma Jou wohitemo ngohino, wato, 9”Hei o nyawa nokokakaliua, o Israel manyawa, o nyawa ima lawa-lawani gënanga ini lehaka ngonaika okia magogiria nakarajanga. 10Karana gënanga nahiadono onangika okia Ngohi, o Jou Duru Tokokurutil̄e Totemo onangika. Ahi behehongo gënanga mameta ma koanoika o Yerusalemoka, deʼ o kota gënanga manyawa yongodumu. 11Nohitararono okia nadodiai gënanga nagala manonako okia aha idadi mangale önanga, enagënanga: Onanga aha yodadi o nyawa yototabuanga deʼ yatagokino. 12O hutu mahohuhutu magoronaka toönanga manga koano aha wamoku ai hahawo ai beleka mal̄okuoka daha womäjobo. Hagala o nyawa aha imadiai o pidaha bebeno o mehelika, hupaya ünanga wakunu wohupu. Unanga aha watamunoko ai lako hiädono wamakeua o ngekomo ünanga wanönonu. 13#2Kok. 25:7; Yer. 52:11 Mä Ngohi aha tihiparono Ahi jä mangale Titagoko ünanga. Dahao Tiao ünanga o Babel ma kotaika, deʼ dokengoka ünanga aha wohonenge komaiwahi wamake o kota gënanga. 14Mata-mata o kadatoka yogogore, yodogoika yononasihati deʼ ma koano ai diri yogoa-goana aha Tahikabarihi hagala o ngï. Onanga Taginïki deʼ Tatoma.
15Maöraha önanga Tahikabarihi o hoana deʼ o berera mahomoaino manga hidogoronaika hagala o berea maporetino, önanga aha ihi öriki Ngohi ma Jou. 16Ohidoku mahuhutulu onangino aha oparangioka deʼ Tahihalamati, o habirokatino, deʼ opanyake o bobaku, hupaya o hoana deʼ o berera maporetino manga hidogoronaka gënanga aha yamao önanga yodiaioka duru kohamodorou. Done önanga aha ihigoungu Ngohi ma Jou.”
Ma nabi wohaharoka
17Ma Jou wohitemo ngohino, 18”Hei o nyawa nokokakaliua, nohahara maöraha ngona nol̄omo, deʼ nohawana noma hidahaharuku maöraha ngona nokere. 19Nahiadono o hoana deʼ bereraika yongodumu okia Ngohi o Jou Duru Tokokurutil̄e Totemo o Yerusalem manyawaika kayo gogogerohi toönanga manga tonakoka. Onanga aha yohahara maöraha önanga yol̄omo, deʼ yohawana kaima hidahaharuku maöraha yokere. Toönanga manga tonaka aha idadi itoongoro, hababu mata-mata o nyawa yogogogere genangoka hokogenangika yatilakuru o tita. 20Hagala o kota o öraha nënanga iomanga de manyawa aha yobinaha deʼ hagala o dumule aha idadi kama doongoro. La ihi öriki önanga Ngohi ma Jou.”
Odolabololo yoigo-igo deʼ o behehengo yoigo-igoua
21Ma Jou wohitemo ngohino, 22”Hei o nyawa nokokakaliua yadodoa o Israel manyawa yoigo yaheto-hetongo o dolabololo nënanga: ’O öraha imateketagali, mä hagala ohidodemo komaiwa idadi’? 23Aa, nohiadono onangika Ngohi o Jou Duru Tokokurutil̄e, Tohidöaka obobaluhu nënanga: Odolabololo gënanga aha Taehe, hiädono o Israeloka ihi demokauaoli. Hokä madagali nahetongo onangika maöraha imahi adonoka, deʼ ohidodemo magetongo aha idadi.
24O Israel madaeraoka aha koiwakaoli ololega ekola ohidodemo madutua, 25Ngohi ma Jou Duru Tokokurutil̄e aha Totemo o Israel manyawaika, deʼ mata-mata Totö temo-temo marai aha idadi, koituda-tuda okauaoli. Nï ihene, o hoana deʼ o berera nima lawa-lawani! Maöraha nia wowango aha Tadiai hagala Tohi döa-döaka o hohininga nginika. Ngohi, ma Jou Duru Tokokurutil̄e totemoka.”
26Ma Jou wato ngohino, 27”Hei o nyawa nokokakaliua, hagala o Israeloka manyawa yotemo o lolega deʼ nia hidodemo dahao aha idadi magurutika o wange duruino. 28Hababu gënanga, nahetongo onangika Ngohi, ma Jou Duru Tokokurutil̄e, totemo: Mata-mata Tototemo-temo maraioka aha idadi, ituda-tudaokauaoli. Ngohi, ma Jou Duru Tokokurutil̄e totemoka!”
Currently Selected:
O YEHEZKIEL 12: TLB
Highlight
Copy
Compare
Share
Want to have your highlights saved across all your devices? Sign up or sign in
