O ULANGAN 25
25
1O demo ma ade yahinoto o Israeloka yoiki o juruhakimika mangale imakalaki moi o perekara, deʼ womatengo ihi nyata wahowonua deʼ mahomoa wahowono. 2Nako wahowo-howono iwï gelenga o hukumanga iwi gohara, kokiani o hakimi iwi huloko ünanga woma motumutu. Ma ngöe magegetongo magogohara ima moteke deʼ o dorou wadodiai, 3#2Kor. 11:24 mä yakunua iholoi deʼ ihigali mamoruata. Nako iholoi ma mangarati o nyawa gënanga iwi hikauku o nyawa manga himangoka.
4 #
1Kor. 9:9; 1Tim. 5:18 Uha nia hökumu o hapi mauru magogiriaka o gandum ihidoro.”
Kokiani yadiai womatengo manga riadodotika wohone-honengoka
5 #
Mat. 22:24; Mark. 12:19; Luk. 20:28 ”Nako o nyawa o roriadodoto imako gogere moi, deʼ onangoka womatengo wohonenge deʼ koiwa aingohaka o nauru, done ngoi fao yakunua mokawingi deʼ o nyawa mahomoa ami rokata wohone-honenge ai tau ma nyawaua. Wohone-honenge ai riadodoto kokiani wokawingi de o bobao gënanga. 6Toönanga manga ngohaka o nauru o riaka kokiani iwi pulono ai riadodoto wohone-honenge gënanga aingohaka, hupaya ünanga deʼ aingohaka deʼ ai danongo o Israeloka manga hidogoronaka. 7#Rut 4:7-8 Nako o nyawa gënanga woluku wokawingi deʼ ai riadodoto wo hone-honenge ngoi fao, o ngoheka gënanga kokiani moiki mä himanga o berera mabalu-baluhu deʼ motemo, ’Tongohi ahi geri woluku wadiai okia kokiani wadiai wohidöaka ai riadodotika wo matengo aidifauku o Israeloka manga hidogoronaka.’ 8Daha o berera mabalu-baluhu kokiani iwi ahoko o nyawa gënanga deʼ imake temo dede ünanga. Nako ünanga kahirahi woluku, 9ai riadodoto ngoi fao kokiani momahi tigi-tigika unangika o berera mabalu-baluhu manga himangoka, mahuputu o nyawa gënanga ai sandal, ma öbiri ai bionoko deʼ motemo, ’Hoko nënanga kokiani hahidiai o nyawa yolu-oluku ihi döaka o ngohaka ai riadodotika.’ 10O nyawa gënanga ai tau manyawa aha yanako o Israel ma tonakoka hokä ’O nyawa yahupu-huputu ai sandal ai tau manyawa.’ ”
O dätoro-o dätoro ma homoa
11”Nako o nauru yahinoto magogiriaka ima ngamo deʼ woma tengo ngoi hekata mohidailako mïriwo ami rokata deʼ mi goobe ami ami rokata ai lawani, 12nia tobiki o ngoheka gënanga ami giama deʼ uha nimï dora munanga.
13-14 #
Im. 19:35-36
Uha nia tipu de nia pake ihi tiba-tibanga deʼ o duduga i tiaiua. 15Nia pake ihi tiba-tibanga deʼ o duduga madiai hupaya ngini nia umuru ikurutu o bereraka ma Jou nia Jou Madutu winihi döa-döaka nginika. 16Ma Jou nia Jou Madutu wä dohata o nyawa yoigo yotipu.”
O pareta mangale niä toma o Amalek manyawa
17 #
Kel. 17:8-14; 1Sam. 15:2-9 ”Niö hohininga sarakia o Amalek manyawa inï hidiai ngini maöraha ngini nia dodagi magoronaka o Mesiroka deni hupu. 18Onanga iwï modongua ma Jou Madutuika deʼ inï parangi ngini nia poretino yoböa maöraha ngini inï bole-boleoka, de nia kuata koiwaka, deʼ yätoma mata-mata nia nyawa deʼ ma huha imä dagi nia poretino. 19Mangale mahababu gënanga, nako ma Jou nia Jou Madutu winihi döakoka o berera gënanga nginika de mata-mata nia haturu inihi gogilolitino ini ruëua ngini, mata-mata o Amalek manyawa kokiani ngini niä toma hiädono önanga yahininga okaua. Uha ini wohanga!”
Currently Selected:
O ULANGAN 25: TLB
Highlight
Copy
Compare
Share
Want to have your highlights saved across all your devices? Sign up or sign in
