O YOHANIS MAHANGEOKA 1
1
1 #
Kis. 19:29; Rm. 16:23; 1Kor. 1:14 Riadodoto Gayus tonihohininga!
Ngohi, o jemaat matutuda, igou-goungu tonidora, 2toma niata tanu Riadodoto kanototumuloa de mata-mata kaya oa-oa dede ngona, matero hokä ani jiwa kaya oa-oa dika. 3Ngohi duru tosanangi maöraha o riadodoto o Haranioka yamuruono naga yoböa deʼ ihihingahu ngohino hokokia ani setia Riadodoto ma Jou Madutu wototiai ika, hababu igoungu Riadodoto hoko genangika nowango imamoteke ma Jou Madutu ai dodötoko. 4Koiwa naga yakunu ihidiai ngohi iholoi tomörene, de toihene tongohi ahi ngoha-ngohaka yowango imamoteke ma Jou Madutu ai dodötoko.
I wi hi giriri o Gayus
5Ahi Riadodoto! Riadodoto hoko gënanga ani setia ani manarama ma goronaka Ria dodoto na diai oka ani dodiawo nimahiteke ho Harani okaika; ngaroka o Haranioka manyawa Riadodoto nanakouahi, Riadodoto naleleani. 6Onanga ihi ngahuoka o jemaatika tongomi mia ngïoka imakorona ani dora. Nariwo önanga laʼ yakunu to önanga manga dodagi ihi gila-gila deʼ de hoko gënanga ma Jou Madutu ai hininga yasanangi, 7hababu manga dodagi magoronaka mangale iwi leleani o Kristus, önanga yamäkeua o roriwo okia dika o nyawa iwi näko-näkoua ma Jou Madutu. 8Hababu gënanga, ngone o Haranioka manyawa kiani hariwo nanga dodiawo homahi teke ho Harani hoko gënanga, laʼ ngone hakunu hanïki to önanga manga hidailako magoronaka mangale ihi gerewoto o dodötoko madiai ma Jou Madutuino.
O Diotrefes deʼ o Demetrius
9Ngohi totulihoka o hurata madodipoko o jemaatika, mä o Diotrefes wonahihu wodadi o tutuda o jemaat magoronaka, woluku wohihimoteke ngohi. 10Damä nako ngohi toböa, ngohi aha takilianga hagala moi-moi wadodiaioka, enagënanga mangale o hali-o hali itotorou deʼ o tengeluku ünanga wohidemoka mangale ngomi! Mä mata-mata gënanga ingodumuahi mangale ünanga. Maöraha ünanga ai dodiawo imahiteke ho Harani gënanga yoböa, ünanga wätarimaua önanga. Kaidogoli ünanga waduhunu o nyawa yomau yatarima o roriadodoto gënanga, deʼ unanga wahuloko o nyawa gënanga yohupu o jemaatino!
11Roriadodoto tinihohininga, uha nimaduru okia itotorou. Nioduru okia maoa-oa. O nyawa yodiai maoa-oa ganga toma Jou Madutu. Deʼ o nyawa yododiai o dorou iwi nako uahi ma Jou Madutu.
12Mata-mata o nyawa iwihigiriri o Demetrius. I goungu ma Jou Madutuö iwihigiriri. Ngomiö miwihigiriri, deʼ Riadodoto nihiöriki okia ngomi mihi ädono yakunu nia ngaku.
O hurata mabobaha matabea
13Kaha ngöeohi iparalu ngohi totemo nginika, mä ngohi tamäo iholoi irahai ngarouha de o hurata. 14Ngohi to nganono itedekanokaua aha homakamäke dede ngini, deʼ ngone aha gila-gila homä teke ade-ade.
15Tanu ma Jou winihi barakati o Roriadodoto.
Nia dodiawo tongohi ahi ngïoka nënanga ihi dingoto manga tabea nginika. Nihi adonikahi ahi tabea tongone nanga dodiawoika mata-mata moi de moi.
Currently Selected:
O YOHANIS MAHANGEOKA 1: TLB
Highlight
Copy
Compare
Share
Want to have your highlights saved across all your devices? Sign up or sign in