O PETRUS MAHINOTOKA 3
3
O jaji mangale ma Jou ai böa
1Ahi Roriadodoto tinï hohininga! Nënanga tongohi ahi hurata mahinotoka nginika. O hurata hinoto nënanga magoronaka ngohi tohidailako tamomiki o dibanga itebi-tebini nginioka. 2Ngohi tinihigaro hupaya ngini nio hininga o demo-demo mahira ma Jou Madutu ai nabi-nabi ihidö demo-demo, deʼ o pareta ma Jouino, ma Koano Wohihohalamati, naga ihi ädono nginika de madodagi o rasul-rasul. 3#Yud. 18 Madodihiraka, ngini kokiani nihiöriki ma wange mabö bobahaka, aha yoböa o nyawa manga wowango yäkokuaha to önanga manga nahihu mahirete. Onanga aha inï hohedu ngini, 4deʼ yotemo hoko nënanga, ”Mademo ma Jou wojaji aha woböa! Oraha nënanga ünanga kiaka? O balu-baluhu nanga ete de nanga tohora yohonengoka mä hagala mata-mata kaima keterohi dika, hokä madero o dunia nënanga idadi!” 5#Kej. 1:6-9 Onanga yohangaja yoluku yongaku kahuruonino ma Jou Madutu wohidadi o dihanga deʼ o dunia de to una Ai demo. O dunia ihi dadi o akerino, deʼ de o akere; 6#Kej. 7:11 deʼ de o akerö – enagënanga o nguihi ma amokino – o dunia mahiraino gënanga yabinaha. 7Mä o dihanga deʼ o dunia naga o öraha nënanga, yapaliara de ma Jou Madutuoli ai demo gënanga la dahaö yabinaha de o uku. Oraha nënanga o dihanga deʼ o dunia yapaliaraohi hiädono mawange hagala o nyawa madorou yähukumu deʼ yäbinaha.
8 #
Mzm. 90:4
Mä ahi roriadodoto, o hali moi nënanga ngini uha nia wohanga ma Jou ai lolega magoronaka, o wange moi kaima tero de o taongo o ribuhu moi – Unangika hinotö kaima tero dika. 9Ma Jou wotananaua wohi döaka okia wohijä jajioka ngarokö naga yatakihiri hoko gënanga. I idulu yaino, Unanga wosabari nginika, hababu kao nyawa moio de Unanga woluku yobinaha. Unanga wöigo hupaya o nyawa mata-mata yotoba o baradoha yodiai okaua.
10 #
Mat. 24:43; Luk. 12:39; 1Tes. 5:2; Him. 16:15 Mä ma Jou ai böa ma Wange aha iböa hokä yotohi-tohiki. O Wange gënanga, o dihanga ihihanga de ma ilingi iruruhu, deʼ hagala okia naga o dihangoka aha yöuku, de o dunia de hagala okia naga ma goronaka aha ihihanga. 11Karana mata-mata gënanga aha yawedere de madodagi hoko gënanga, kokiani sarakia ngini niwango? Ngini kokiani niwango itebini maboboloi mangale ma Jou Madutu, 12madëkana de magurutu ngini niododamä deʼ nionahihu de nionganono iböa ma Jou Madutu ai Wange. O Wange gënanga o dihanga mata-mataka yöuku, deʼ karana mahauku, ho okia naga o dihangoka aha iwaro. 13#Yes. 65:17, 66:22; Him. 21:1 Mä ngone hödodamä okia ma Jou Madutu wonahijö jäjajioka, enagënanga o dihanga mahungi deʼ o dunia mahungi, kiaka genangoka yamäke o adili.
14Hababu gënanga, o Roriadodoto tinï hohininga magogiriaka ngini niododamä ma Wange gënanga, nimahi dailako nia gou-goungu la niwango itebini deʼ koiwa mahowono ma Jou Madutu ai himangoka. Deʼ nia paliara nia rimoi yaoa-oa de ma Jou Madutu. 15Niapulono nanga Jou ai sabari hokä o ngëkomo moi inihi döaka nginika hupaya yakunu nihalamati. O Paulus nanga riadodoto hïhohininga, wotulihoka kahoko genangoli nginika. Unanga wotulihi gënanga de o sawaro ma Jou Madutu wihi döa-döaka unangika. 16Ai hurata mata-mata magoronaka, o Paulus salalu wotulihi o hali gënanga. Itiai naga o hali muruono naga ihuha homangarati ai hura-hurata gënanga magoronaka. Deʼ o nyawa okia-kiaua ihi öriki de manga ngongaku ibitumua o hidoku gënanga yaidulu. O hali gënanga hoherangua, karana Ma Jou Ai Demo ma Buku mahidoku mahomoa önanga yadiaioli hoko gënanga. Okia önanga naga yadiai gënanga duga-duga mabaha kato ona mahirete manga bodito.
17Mä ngini, o Roriadodoto tinï hohininga, nihi orikoka mangale o hali gënanga. Hababu gënanga nimä göana nihidodiai, uha hiädono ngini nimahi mote-moteke o nyawa manga kalakuanga i totorou manga ngëkomo ihowo-howonika hi ädono o hidodoko i bobitu-bitumu mangïoka de ngini ini otaka. 18Kokiani ngini idogo-dogo nia mäo o Yesus Kristus ai hayanga de Ai dora, nanga Jou deʼ nanga Koano Wonahiho halamati, deʼ kokiani ngini o idogo-dogo niwinako Unanga. Unanga iwi higiriri, öraha nanga deʼ hiädono kahi ado-adonika! Amin.
Tongomi mia horomati, o Petrus
Currently Selected:
O PETRUS MAHINOTOKA 3: TLB
Highlight
Copy
Compare
Share
Want to have your highlights saved across all your devices? Sign up or sign in
