O YOHANIS MADODIHIRAKA 1
1
O demo mangango
1 #
Yoh. 1:1
O hurata nënanga madol̄a yakorona o Demo ihi döaka o ngango, enagënanga o Demo nagaka kao dunia mahirahi. Ngomi mi ihenoka, deʼ mia mäkeoka de tongomi mia lako mahirete. Ngomi mia pulonoka, deʼ miasö oka de tongomi mia giama. 2#Yoh. 1:14 Maöraha o ngango gënanga ihimatoko, ngomi mia mäke. Hababu gënanga imakorona ënanga ngomi mihi döaka o hakihi. Ngomi mihingahu nginika mangale o ngango madutu deʼ ikakali, naga de o Ama, deʼ wohimatokoka ngomino. 3Okia ngomi mia mäkeoka deʼ mi ihene, ngomiö mihingahu gënanga nginika, laʼ ngini de ngomi hamäke o ngango kamoi de o Ama de ai Ngohaka o Yesus Kristus. 4Ngomi mitulihi nënanga laʼ tongone nanga hininga igou-goungu imörene.
Ma Jou Madutu ganga o dararono
5O abari nënanga ngomi mi ihenoka ai Ngohakino deʼ ngomi mihi adonoka nginika: ma Jou Madutu gënanga o dararono, deʼ Unangoka hakali-kali koiwa o huhutu. 6Nako ngone hotemo ngone howango kamoi dede Unanga, ena hioko ngone howango o huhutu magoronaka, mangone hoeluku yaoa de nanga demo-demo ya oa de nanga manarama. 7Mä nako ngone howango o dararono ma goronaka hokä sarakia ma Jou Madutu naga o dararono magoronaka, ngone howango ikekete, homakao yaoa moi de moi, deʼ o Yesus, ai Ngohaka, Ai awunu ihi tebini hagala tongone nanga baradoha.
8Nako ngone hotemo ngone hobaradohaua, ngone hatipu nanga diri mahirete; deʼ ma Jou Madutu koiwiwa tongone nanga hininga magoronaka. 9Mä nako ngone homangaku hagala nanga baradoha ma Jou Madutuika, Unanga aha wohi ganapu Ai jaji de okia wodiai iadili. Unanga aha wohi apongo hagala nanga baradoha de wonahi tebini ngone hagala nanga manarama ihowo-howonino. 10Mä nako ngone hotemo ngone hobaradohaua, ngone hapulono matero-tero ma Jou Madutu woelu-eluku de ngone hagogonua ma Jou Madutu ai demo nanga hiningaka.
Currently Selected:
O YOHANIS MADODIHIRAKA 1: TLB
Highlight
Copy
Compare
Share
Want to have your highlights saved across all your devices? Sign up or sign in
