Kls 4
4
1 # Lavisa Ef 5:21—6:9. Venyi, hanyani hi kululama ni vunene ku swikarawa swenu, na n'witiva leswaku n'wine n'wini Hosi yin'we tilweni.
Akukhinyela akukhongoteni
2Khinyelani aku khongoteni, na n'wihiteka hi mitlangelo. 3N'wihikhongotela na hine mfuri, akuva Hosi yi ta hipfulela nyangwa ya kurera ritu, akuva hikota ku vulavula hi kungu dra Kriste, xileswo mfuri ningabohelweni hinkonta ya drone. 4Khongotani-ke leswaku nikota kudrivonekisa swanga hileswi inga mfanelo yanga kuvulavula.
5 # Lavisa Ef 5:16. Fambani hi vutlhari ku lava ngeke vapfumeli, na n'wilondrovota swinene a minkama. 6Akukhanela kwenu akuve loku ka kunyoxisa minkama hinkwayu, na kulungiwile hi munyu, tivani kuyangula loku kufanekelaka mun'wana-ni-mun'wana.
Madrungula ya vugamu
7Tikiko a makweru lweyi arandriwaka, lweyi angamutirikulori lweyi wa kudumbeka Hosini atan'winyika madrungula hinkwawu ha mine. 8#Lavisa Mnt 20:4; Ef 6:21-22; II Tmt 4:12. Lweyi ni murumeliki ku n'wine ni nkongometo mun'we wa kun'witivisa leswaku hi trhamisi ku yini, ni kun'witisela ntxhavelelo, 9ni murumela kun'we na Onesimo, a makweru lweyi wa ku dumbeka, lweyi anga mun'we wa kwenu. Vone vatan'widrungulela hinkwaswu leswi humelelaka halenu.
10 # Lavisa Mnt 19:29; 27:2. Aristariko, lweyi a bohiwiki kun'we na mine, awa n'widrungula, na Marka a makwavu wa Barnabasi, lweyi n'wiyamukeliki swileleto ha yene; loko yene ata n'wiyendrela muyamukelani ha hombe. 11Na yene Yesu, lweyi vamu hlayaka Yustu, wa n'widrungula, lava vahumaka kusokiweni, hi vone ntsena lava vatirisanaka na mine a swa Mfumu wa Xikwembu Nkulukumba, hi vone vanitxhavelelaka.
12Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba. 13Ni mboni ya leswaku yene awatikarata ha n'wine, ni hi lava vanga mutini wa Lawodikiya, ni le Hiyerapolisi. 14#Lavisa II Tmt 4:11; Flm 1:24. Luka, lweyi wa n'anga a murandriwa weru, na Demasi na vone va n'widrungula.
15Drungulani vamakweru va-le-Lawodikiya, na Nimfa ni kereke ledringa ndlwini yake. 16Ntrhaku ka kuva n'wihlayi papela ledri drirumelani driya hlayiwa a kerekeni dra Lawodikiya, na n'wine hlayani ledri dritaka rumeliwa hi kereke dra Lawodikiya. 17Kutani hlayani leswo ku Arkipo n'wiku: djulisisa kuhetisisa swinene a ntiro lowu a uyamukeliki ku Hosi.
18I madrungula ya voko dranga, mine Pawulosi. N'wingavi drivala leswaku ni bohiwile. A Xikwembu Nkulukumba an'witovokise. Amen!
Currently Selected:
Kls 4: NTX2007
Highlight
Copy
Compare
Share
Want to have your highlights saved across all your devices? Sign up or sign in
Xironga New Testament with Psalms © Bible Society in Mozambique, 2007.
