Kls 2
2
1Hikusa nirandra leswaku n'witiva akulwa lokukulu loku nilwaka kone ha n'wine, hinkonta ya lavanga Lawodikiya, ni hinkwavu van'wana lavanga ni tiviki hi liso dranga. 2Akuva a timbilu tavu titiyisiwa, ni kuva vatlhanganisiwa kun'we alirandrwini, akuva vava ni kufuya loku kunga ni kudumbeka loku kakutiya, akuva vayingelisisa swinene a kungu dra Xikwembu Nkulukumba, anga Kriste, 3Ku yene kufihliwi tinhlengwe hinkwatu ta vutlhari ni ta kuyingelisisa.
4Nihlaya leswi akuva ni mun'we angan'wikanganyisi hi maritu ya kun'wikokela kun'wikholwisa. 5Hikusa, nambi ninge kone hi miri, ni na n'wine hi moya; na trhava kutiva leswaku n'wine n'wihanya hi nawu wa hombe na n'witiyi kupfumeleni ku Kriste.
Vutomi na Kriste
6Xileswo swanga heswi n'wiyamukeliki Hosi Yesu Kriste, hi ndlela yoleyo n'wifanele kuhanya n'witlhangana na yene, 7n'widzima mitru na n'witiseketela ku yene, n'witiya kupfumeleni kwenu, hi laha n'widondrisiwiki ha kone n'winyika kutlangela Xikwembu Nkulukumba minkama hinkwayu.
8Tivonelani n'wingatitrika n'wikanganyisiwa hi tidondro ta vutlhari bya kukala ndlela, hi kulandra swihena swa vhanu kumbe hiku landra masungulo ya misava, na kunge hi ku tidondro ta Kriste. 9Hikusa Xikwembu Nkulukumba akone hi kuhetiseka ku Kriste, hi Xivumbeko xa miri, 10na n'wine n'wikone ku Yene hi kuhetiseka, hi Yene nhloko mintamu hinkwayu ni vundruna.
11Ku Yene mfuri n'wisokiwile, kunge kusokiwa loku yentxiwaka hi mavoko, kambe hi kusokiwa ka miri kunga ka Kriste, inga ku ntrhunxeka loko kungapfiki nyameni. 12#Lavisa Rm 6:4. Hikusa n'wibabatisiwile, n'wilahliwi kun'we na Yene, n'wipfuxiwi kun'we na Yene, hikupfumela ku ntamu wa Xikwembu Nkulukumba, lweyi angamupfuxa ku lava ku fa. 13A nkama n'wine afaka n'wahafeli swidohweni swenu, ni hi kuka-kusokiwa anyameni yenu, an'winyiki vutomi kun'we na Yene, hi kuhidrivalela a swidoho sweru hinkwaswu, 14asusi a papela ledri afaka kutraliwi ku drone a nandru weru, ledri afaka drihiyavanyisa swanga hi kuramela ka nawu, adrisusi hinkwadru hi kumugongondrela axihambanwini, 15kutani ahluli vundruna ni mintamu, a vatrongahatile livaleni, xikombiso xa kuhlula, ha Kriste.
16Hi swoswo kunga ve na mhunu lweyi atakan'wisola hinkonta ya kuva n'wida kumbe swa kunwa, kumbe hinkonta ya masiku ya nkhuvu, hi masiku ya hweti leyimpswha, kumbe hi savata. 17Hinkwaswu leswo i swintrhuti swa leswifanelaka kuta. A miri i ya Kriste. 18N'wingatitriki, n'wiwutleliwa a hakelo hi vhanu lava tiyentxaka valandreleli kambe na vakhisamelaka ntrumi. A vhanu lavo vakaneta mintxhumu leyi vangiki mivona na vatitata hi kutikulisa hi miyanakanyu ya ntshima ya lirandru dravu. 19Avatitlhanganisanga na Kriste lweyi ayandrisaka miri hinkwayu, amitlhanganisa aswiyengeni swakuhambana, ni kuswiyentxa swiwundleka swanga hi kungu dra Xikwembu Nkulukumba.
Kufa ni kuhanya na Kriste
20Loko n'wifile kun'we na Kriste, ni loko n'wihambanile ni ku swihila swa misava. Hayini n'witinyiketa ku minkhuva swanga va misava? A switsimbo swanga hi leswaku: 21Ungakhumbi leswi, unganampswi leswiya, ungatameli leswo. 22Ku kongomiwa mintxhumu leyi minyamalalaka hi kuyentxa na swinga swileleto ni tidondro ta vhanu ntsena. 23A mintxhumu leyo mini mavonekela ya vutlhari, hikusa swi mi kombisa xiyimu xa vukhongoti kutitrongahateni, ni le kudreleni ka ntshima ya miri. Kambe leswo aswina lisima ni drin'we, ntsena switirela kutrhavisa kurandra.
Currently Selected:
Kls 2: NTX2007
Highlight
Copy
Compare
Share
Want to have your highlights saved across all your devices? Sign up or sign in
Xironga New Testament with Psalms © Bible Society in Mozambique, 2007.
