Iraétanüxü̃arü muxchiga 7
7
Ãmaregü naxca̱x ya Tupanapata
1Rü yexguma Moiché marü yanguxẽẽgu nax naxüaxü̃ ga Tupanapata rü chíxü̃maxã nanamaxcu ga guma Tupanapata wüxigu namaxã ga guxü̃ma ga norü yemaxü̃gü. Rü yexgumarüxü̃ ta chíxü̃maxã nanamaxcu ga yema ãmarearü guruxü̃ norü yemaxü̃gümaxã. Rü yemaacü Tupanana nanana ga guxü̃ma ga yema nax namaxã nüxü̃ yacua̱xüü̃güxü̃ca̱x.
2Rü wüxichigü ga yema Iraétücumügüarü ãẽ̱xgacügü ga Moichéxü̃ rüngü̃xẽẽgüxü̃ ga yexguma yaxugüãgu rü yawǘgüãgu ga Iraétanüxü̃ rü Tupanana nanana ga norü ãmaregü.
3Rü Cori ya Tupanana nanana ga 6 ga carugü ga ixãxátaxü̃ne rü 12 ga wocagü ga puracüruü̃gü. Rü yemaacü ga taxrechigü ga ãẽ̱xgacü rü inanaxã ga wüxi ga caru. Rü wüxichigü ga ãẽ̱xgacü rü inanaxã ga wüxi ga woca ga puracüruxü̃. Rü guxü̃ma ga yemagü rü Tupanapatape̱xegu nayanu.
4Rü yexguma ga nüma ga Tupana rü Moichéxü̃ ñanagürü:
5—¡Rü nade ya yima carugü rü ngẽma wocagü rü Lebítanüxü̃na nana nax namaxã naxügüã̱xü̃ca̱x i ngẽma chopataarü puracü i wüxichigü üxü̃! —ñanagürü.
6Rü nüma ga Moiché rü nanade ga gumá carugü rü yema wocagü rü Lebítanüxü̃xü̃ nayanu.
7Rü Guerchóü̃tanüxü̃na nanana ga taxre ga carugü rü ãgümücü ga wocagü nax namaxã naxügüã̱xü̃ca̱x ga norü puracü.
8Rü Merarítanüxü̃na nanana ga ãgümücü ga carugü rü 8 ga wocagü nax namaxã naxügüã̱xü̃ca̱x ga norü puracü. Rü namaxã icuáxü̃ nixĩ ga Itamá ga chacherdóte ga Aróü̃ nane.
9Natürü ga Queáxtanüxü̃ rü taxúnema ga carugü rü bai ga wocagü nüxna naxã, yerü yema yemaxü̃gü ga üünegüxü̃ ga yangegüxü̃ rü nanaxwa̱xe nax nügüãtügu yangegüãxü̃.
10Rü yexguma Tupanape̱xewa yaxãxü̃chigüãgu ga yema ãmarearü guruxü̃, rü wüxichigü ga yema natücumüarü ãẽ̱xgacü rü yéma nanana ga norü ãmaregü. Rü yema ãmarearü guruü̃pe̱xegu nayanu.
11Rü yexguma ga Tupana rü Moichéxü̃ ñanagürü: —Rü wüxichigü i ngunexü̃gu rü wüxi i ãẽ̱xgacü tá nixĩ i nua nangexü̃ i norü ãmare nax ngẽmaãcü yaxãxü̃chixü̃ca̱x i ãmarearü guruxü̃ —ñanagürü.
12Rü yema nüxíraxü̃xü̃ ga ngunexü̃gu rü Nachóü̃ ga Aminadá nane ga Yudátanüxü̃maxã icuácü nixĩ ga yéma nangecü ga norü ãmare.
13Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü gumá tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
14Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
15Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
16Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
17Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga Nachóü̃ ga Aminadá nanearü ãmaregü.
18Rü norü taxre ga ngunexü̃gu rü yéma nanange ga norü ãmare ga Natanaé ga Chuá nane ga Ichacátanüxü̃maxã icuácü.
19Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
20Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
21Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
22Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
23Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga Natanaé ga Chuá nanearü ãmaregü.
24Rü norü tomaepü̱x ga ngunexü̃gu rü yéma nanange ga norü ãmare ga Eriá ga Eróü̃ nane ga Chaburóü̃tanüxü̃maxã icuácü.
25Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
26Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
27Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
28Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
29Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃ yexmagüxü̃. Rü yema nixĩ ga norü ãmare ga Eriá ga Eróü̃ nane.
30Rü norü ãgümücü ga ngunexü̃gu rü yéma nanange ga norü ãmare ga Erichú ga Chedeú nane ga Rubéü̃tanüxü̃maxã icuácü.
31Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
32Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
33Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
34Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
35Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃ yexmagüxü̃. Rü yema nixĩ ga norü ãmare ga Erichú ga Chedeú nane.
36Rü norü wüxime̱e̱xpü̱x ga ngunexü̃gu rü yéma nanange ga norü ãmare ga Cherumié ga Churichadái nane ga Chimeóü̃tanüxü̃maxã icuácü.
37Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
38Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
39Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
40Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
41Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga norü ãmare ga Cherumié ga Churichadái nane.
42Rü norü 6 ga ngunexü̃gu rü yéma nanange ga norü ãmare ga Ereachá ga Reué nane ga Gáxtanüxü̃maxã icuácü.
43Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
44Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
45Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
46Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
47Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga norü ãmare ga Ereachá ga Reué nane.
48Rü norü 7 ga ngunexü̃gu rü yéma nanange ga norü ãmare ga Erichamá ga Amiúx nane ga Efraíü̃tanüxü̃maxã icuácü.
49Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
50Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
51Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
52Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
53Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga norü ãmare ga Erichamá ga Amiúx nane.
54Rü norü 8 ga ngunexü̃gu rü yéma nanange ga norü ãmare ga Gamarié ga Pedachú nane ga Manachétanüxü̃maxã icuácü.
55Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
56Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
57Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
58Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
59Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga norü ãmare ga Gamarié ga Pedachú nane.
60Rü norü 9 ga ngunexü̃gu rü yéma nanange ga norü ãmare ga Abidáü̃ ga Yedeoní nane ga Bẽyamíü̃tanüxü̃maxã icuácü.
61Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
62Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
63Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
64Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
65Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga norü ãmare ga Abidáü̃ ga Yedeoní nane.
66Rü norü 10 ga ngunexü̃gu rü yéma nanange ga norü ãmare ga Aiéche ga Amichadái nane ga Dáü̃tanüxü̃maxã icuácü.
67Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
68Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
69Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
70Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
71Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga norü ãmare ga Aiéche ga Amichadái nane.
72Rü norü 11 ga ngunexü̃gu rü yéma nanange ga norü ãmare ga Paguié ga Ocráü̃ nane ga Achétanüxü̃maxã icuácü.
73Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
74Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
75Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
76Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
77Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga norü ãmare ga Paguié ga Ocráü̃ nane.
78Rü norü 12 ga ngunexü̃gu rü yéma nanange ga norü ãmare ga Airá ga Enáü̃ nane ga Netarítanüxü̃maxã icuácü.
79Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.
80Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.
81Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.
82Rü wüxi ga chíbu ga yatüxü̃ inamu norü chixexü̃ ga naxüxü̃arü ütanüruxü̃.
83Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga norü ãmare ga Airá ga Enáü̃ nane.
84Rü yexguma Tupanaca̱x yaxãxü̃chigüãgu ga yema ãmarearü guruxü̃, rü yema 12 ga Iraétanüxü̃tücumügüarü ãẽ̱xgacügü rü yema ngunexü̃gu inanaxãgü ga 12 ga bachía ga diẽrumünaxca̱x, rü 12 ga tacháũgü ga diẽrumünaxca̱x, rü 12 ga taxü̃ ga cuyeragü ga úirunaxca̱x.
85Rü wüxichigü ga guma bachíagu rü 1,430 gramu naya, rü wüxichigü ga guma tacháũgü rü 770 gramu nixĩ ga nayaxü̃ ga yexguma Tupanapataarü yáruü̃wa inayaxgu. Rü guxü̃wama ga guma bachíagu rü tacháũgü ga diẽrumünaxca̱x ixĩgüxü̃ rü 26 quíru rü naétü 400 gramu nixĩ ga norü ya.
86Rü guma cuyeragü ga úirunaxca̱x ga pumarate̱xemaxã ixããcucü rü wüxichigü rü 110 gramu nixĩ ga nayaxü̃ ga yexguma Tupanapataarü yáruxü̃wa inayaxgu. Rü yemaacü guxü̃wama rü 1,320 gramu nixĩ ga norü ya.
87Rü yema naxü̃nagü ga inamugüxü̃ nax Tupanaca̱x ínaguãxü̃ca̱x rü ñaãcü nixĩ: 12 ga wocaxacügü ga iyatüxü̃, rü 12 ga carnérugü ga iyatüxü̃, rü 12 ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema ãmaregümaxã inanaxãgü ga ãmaregü ga ãte̱xexü̃. Rü yemaétü ga yema ãẽ̱xgacügü rü inanamugü ga 12 ga chíbu ga iyatüxü̃ norü chixexü̃arü ütanüruxü̃.
88Rü Tupanaarü ngüxmüxẽẽruü̃ca̱x yéma nanagagü ga 24 ga wocaxacü ga iyatüxü̃, rü 60 ga carnérugü ga iyatüxü̃, rü 60 ga chíbugü ga iyatüxü̃, rü ñu̱xũchi 60 ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü nawena nax chíxü̃maxã nabaétügüãxü̃ ga yema ãmarearü guruxü̃ nax Tupanana naxããxü̃ca̱x, rü yema nixĩ ga norü ãmaregü ga inaxãgüxü̃ naxca̱x ga yema ãmarearü guruxü̃arü ãxü̃chi.
89Rü yemawena ga nüma ga Moiché rü Tupanapatagu naxücu nax Cori ya Tupanamaxã yadexaxü̃ca̱x. Rü yema baú ga Tupanaarü mugüpane nagu nuxü̃xã́taü̃wa ga yema taxre ga daxũcüã̱xchicüna̱xã ichigüxü̃wa nüxü̃ naxĩnü nax Tupana namaxã idexaxü̃.
Currently Selected:
Iraétanüxü̃arü muxchiga 7: tcaP
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
