IBRANI 6
6
1Kerno'o, maroba ite melakeak moi pelajaran-pelajaran tetang kehidupan Kristen de dewasa, jibeak cuma kemliak syari'ah ajaran agamo ite. Jibeak ite mulang igai pelajaran dasar bahwo tun harus bedan menea hal-hal de coa ade gunone, harus pecayo ngen Allah, 2atau tetang mpek tangen das tun, atau idup igai kunei matei atau hukuman de kekal. 3Insya Allah, ite melakeak moi pelajaran-pelajaran tetang kehidupan Kristen de dewasa!
4Sebab, tun-tun de sudo murtad, coa mukin najea igai. Tobo'o bel'o bi ade neak lem te'ang kunei Allah, bi mbuk pelei-Ne. Tobo'o kulo bi kenuaso Roh Allah. 5Tobo'o namen kunei pengalaman tobo'o bahwo kecek Allah o baik, tobo'o bi meding karunio-karunio de penuak kuaso kunei zaman de bakea teko. 6Tapi sesudo'o tobo'o murtad! Coa mukin majea tobo'o igai utuk tobat igai kunei duso-duso tobo'o. Sebab tobo'o gi dong menea Anok Allah semalib ngen menea Si nino neak adep tun dau.
7Pitok de mesep bioa ujen de cet tu'un moi dasne, lajau idup tanem-tanem de beguno utuk tun de temanemne, pitok o diberkati Allah. 8#Kej. 3:17-18 Tapi amen neak o pitok idup lalang ngen sekejut, mako pitok o coa ade gunone, be bakea keno kutuk Allah ngen akhirne nembem sapei abis.
9Tapi Saudaro-saudaro de tercito, kunyau keme madeak awei o, tapi keme yakin tetang udi. Keme yakin bahwo udi bi temimo hal-hal de baik, adeba berkat-berkat de adeba bagian kunei keselamatannu. 10Allah iso Allah de coa adea. Si tep minget jano de udi nea utuk-Ne, kasih de udi kemten ngen Si sewaktau temulung saudaro-saudaro do imen, bel'o sapei uyo. 11Keme lok nien supayo udi masing-masing terus semangat sapei akhir, sehinggo udi temimo jano de udi ma'ep o. 12Keme coa lok udi jijai malas. Tapi keme lok supayo udi idup awei tun-tun de temimo jano de jenanjai Allah, kerno pecayo ngen Si, kerno udi sabar.
Janjai Allah coa nam bubeak
13Ketiko Allah melei janjai ngen Abraham, Si besupeak bahwo Si bakea menea jano de sudo jenanjai-Ne. Ngen kerno coa ade de lebiak lekat kunei Allah, mako Si besupeak das gen-Ne suang. 14#Kej. 22:16-17 Si madeak, “Uku janjai bakea memberkati ko ngen menea keturunannu jijai dau.” 15Abraham mbot ngen sabar, mako si temimo jano de jenanjai Allah ngen si. 16Amen tun besupeak, si besupeak das gen tun luyen de lebiak lekat kunei si, mako supeak o mapus kute bantahan. 17Allah lok jemlas ngen tun-tun de temimo janjai-Ne, bahwo Si coa bakea mubeak rencano-Ne. Do'oba sebabne Si besupeak igai ngen janjai-Ne o. 18Duai hal o coa dapet bubeak: Allah coa mukin mike tetang janjai ngen supeak-Ne. Kerno o, ite de sudo belindung ngen Allah, kenuet supayo bepegong teguh pado harapan de tebetang neak adep ite. 19#Im. 16:2 Harapan ite o awei jangkar de tetanem kembiak lem, adeba pegongan de kuet ngen aman utuk idup ite. Harapan o tembus tabir Ruang Mahasucai neak Umeak Tuhan neak surgo. 20#Mzm. 110:4 Yesus bi meretes dalen moi penan o utuk ite, ngen bi masuk moi mindi jijai Imem Lai ite utuk selamo-lamone, awei Imem Melkisedek.
Currently Selected:
IBRANI 6: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
