2 KORINTUS 10
10
Paulus mbela pelayanan
1Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah. 2Uku minoi ngen udi: Jibeak udi makso uku kemten kebinaiku kunei pa'ok, Sebab niatku utuk bertidak teges teadep tun-tun de madeak bahwo keme kerjo ngen tujuan-tujuan duniawi. 3Keme memang masiak idup neak lem dunio, tapi keme berjuang das dasar tujuan duniawi. 4Senatai-senatai keme lem perjuangan iso senjato duniawi, meluyen senjato de lengkap ngen kuaso Allah, de sanggup utuk mubuak benteng-benteng. 5Keme matiak tiep siasat tun ngen mubuak tiep klopok de tegok ngen keangkuhan manusio utuk temtang pengenalan Allah. Keme temaen pekeran tun-tun ngen menea tobo'o takluk ngen Kristus. 6Ngen amen udi bi taat ngen sepenuakne, keme siap utuk mukum kute tun de coa taat.
7Lokba udi sadar ngen keadaan de sebeneane. Amen suang tun yakin bahwo si de Kristus temuan, lokba si tinget diraine suang ngen sadar bahwo keme kulo de Kristus temuan awei si. 8Uku coa selek amen uku harus lebiak dau mbangga ngen kuaso de sudo nelei Tuhan ngen keme, sebab kuaso o nelei utuk temgok udi, iso utuk mubuak udi. 9Uku coa lok udi meraso bahwo uku nyaben udi ngen su'et-su'et ku. 10Tun madeak, “Su'et-su'et Paulus o tegas ngen berwibawa, tapi amen si suang ade neak tengeak-tengeak ite, pribadinya lemah ngen kecek-kecekne coa ade taine!” 11Lokne tun de awei o sadar bahwo amen keme ade neak tengeak-tengeak udi, tindakan keme tepat awei jano de keme tulis lem su'et-su'et keme.
12Paset bae keme coa binai mbanding atau semrai dirai keme sederajat ngen tun-tun de manggap diraine lekat. Padeak bodongne tobo'o! Tobo'o o menea ukuran suang ngen menilai suang ngen ukuran o. 13Sebelekne keme coa lok mbangga keliwet batas, meluyen tep neak lem batas-batas penan kerjo de tentau Allah bagiak keme, de tesebea sapei ngen udi kulo. 14Sebab lem melei namen Bito Baik tetang Kristus keme bi sapei ngen udi, sehinggo keme coa liwet batas penan kerjo keme, seolah-olah keme ati sapei ngen udi. 15Keme coa mujai dirai das pekerjaan de nea tun luyen neak penan kerjo de coa ade batas utuk keme. Tapi keme ma'ep bahwo amen imennu tambeak, keme bakea dapet hormat lebiak lai igai neak antaro udi, amen mbanding ngen penan kerjo de mbatas utuk keme. 16Ngen awei o, keme dapet melei namen Bito Baik neak daerah-daerah de lebiak uak kuneipado daerahnu ngen coa mujai das asea-asea de tun luyen dapet neak penan kerjo de mbatas utuk tobo'o.
17 #
Yer. 9:24
“Tapi api bae de mbangga, lokba si mbangga neak lem Tuhan.” 18Sebab iso tun de mujai dirai de taen cenubo, meluyen tun de nujai Tuhan.
Currently Selected:
2 KORINTUS 10: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
