VARUMI 3

1Muyuda aveeye na ki chavitilaa avandu vi zihiiri? Anoho, ilikevwa liveeye na vukala ki? 2Yee, koveeye ho nu vukala ligali mu goosi. Kutanga, Nyasaye yahaana ku Avayuda uvulindi vwi likuva lilie. 3Navuzwa galava ki niiva valala kuvo sivaali vasuuvirifu? Livula kuva nu vusuuvirifu liavo, linyala kutulizaho vusuuvirifu vwa Nyasaye? 4Awa! Siganyalika mba. Kuduuka Nyasaye ave wiligali kazozo kali niiva avandu vosi vaveeye vavehi. Kuli Mang'oda Matakatifu gavoora,

“Gakuduukiraa ove wagiligali lwa ovola makuva googo;

gakuduukiraa uguuti kiyaalo lwa uyaalwa.”

5Navuzwa, niiva vudamanu vwitu vumanyia ndi Nyasaye akolaa vulungi, kovora ki? Kovoole Nyasaye aveeye nu vudamanu lwakohezaa amageri? Mboraa yaga kuli umundu. 6Si gaveeye ndio mba! Niiva, Nyasaye avula kuva umulungi, yaali unyala kuva ndi mukalagi wi lirova?

7“Navuzwa niiva ovovehi vwange vumanyia havulavu ndi Nyasaye aveeye wagiligali kandi wukukuminywa, kigira ki inzi ngalagilwa kuli mwoni?” 8Kunangwa kigira ki kutavoola, “Leki kokole uvudamanu kuduuki konyoora uvulahi!” Avandu valala vamali konyega nu kunzala nokovoora makuva malala meele valakalagilwa kuli gaduukanaa.

Siaveeyeho nu mulungi kali mulala

9Kunangwa kovoole ki'? Avayuda koveeye valahi kuvita vandu Avizihiiri? Awa, Sigaveeye ndio mba! Inzi mali kumanyia kutura mu litanga ndi Avayuda na vandu Avizihiiri, vosi harara vaveeye voni. 10Kuli Mang'oda Matakatifu gavoora:

“Siaveeyeho nu mulungi, kali mulala,

11siaveeyeho nu mugeri, anoho usigamiraa Nyasaye.

12Vosi vamali kugirung'ana kutura ku Nyasaye,

vosi harara vamali kogotizwa;

siaveeyeho nokoraa malungi,

siaveeyeho kali mulala.

13Amakuva gaavo gaizula uvugadi vwitaa

ovovehi vuturaa vuzwa mu minwa jaavo,

iminwa jaavo jivoolaa makuva gu kwita

kuli vusungu vwenzoka.

14Iminwa jaavo jiizuyi ivilaamo vilulu.

15Vaveeye vwangu kusaliriza kandi kwita.

16Hoosi ha vazizaa valekaa ho uvwoneku kandi kivi.

17Si vagimanyi inzira yi mirembe mba,

18anoho siaveeye ni liitia Nyasaye mba.”

19Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye. 20Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

Nyasaye akolaa kunyi kuva valungi imbiri weve

21Navuzwa kalunu, inzira ya Nyasaye kokora avandu kuva valungi imbiri weve vugira Lilaga imali kololeka. Sigaveeye kigira Lilaga, kali niiva Lilaga lia Musa liamanyia ndio harara na vaporofeti. 22Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza. 23Avandu vosi vaakora vwoni, kandi vavura kuduuka ku vukumi vwa Nyasaye. 24Navuzwa ku zimbavasi zia Nyasaye, avandu vosi vakolwa valungi imbiri weve kuvitira mu Kristo Yeso uvavoholoraa. 25Nyasaye yahaana Kristo aduuki kuva ichu kwisayasayira ku kigira vwoni kuvitira mu lisuuvira ku masahi geege. Yakola ndio kumanyia uvulungi vwa Nyasaye, kigira mu vwikuziri vwu vunyasaye vwivwe si yavaliza ku vandu uvwoni vwi imbiri mba. 26Gaali kololekiza ku ing'inga ya lero ndi, Nyasaye mwene aveeye mulungi, kandi akolaa uyu oveeye ni lisuuvira mu Yeso kuva mulungi.

27Kunangwa kindiki kinyala kokolomba kwiyizominye? Kindu mba! Kandi yaga gaveeye ku kivuni ki? Ni kigira kunyi kutizaa Lilaga? Awa! Navuzwa kigira Lisuuvira. 28Kunangwa kololaa ndi, mundu akolwaa kuva mulungi imbiri wa Nyasaye kuvitira mu lisuuvira lienyine; sigaveeye ku likora miyinzi ji Lilaga mba. 29Anoho, Nyasaye aveeye Nyasaye wa Vayuda venyine? Siaveeye Nyasaye wa Avizihiiri zindi kandi? Yee, aveeye wa avandu vi zihiiri zindi kandi. 30Nyasaye aveeye mulala, kandi alakola Avayuda kuva avalungi imbiri weve kolondekana ku lisuuvira liavo, na vandu vizihiiri kolondekana ku lisuuvira liavo kandi. 31Kunangwa gaduukanaa kwononyie Lilaga kigira lisuuvira yili? Awa! Si gaveeye ndio kali hakuzu. Navuzwa kudinyirizaa Lilaga.

Aburahamu yakolwa mulungi Kijira Lisuuvira

Currently Selected:

VARUMI 3: LOGOOLI

Highlight

Copy