ZING'ANO 30
30
Zing'ano zia Aga
1Yaga na makuva ga Aga mwana wa Jake kutura ku Maasa, gayavoolera Izieli na Ukali:
“Nyasaye siaveeye ninzi mba, Nyasaye siaveeye ninzi mba
kandi simbeeye winyaliza mba.
2Mbeeye kuli inyama yu muvulimu simbeeye mundu mba;
simbeeye ni zing'anagani kuli mundu mba.
3Si ndayiga ovogeri vwosi mba,
kandi simanyi kindu choosi kigira Nyasaye mba.
4Nivwaha unyala kumanyiriza vogeri vwu mwigulu?
Nivwaha wagumira ku vukindu mu makono geege:
anoho nivwaha wavohera ku amazi mu zinguvu zizie?
Nivwaha walomba keheri choosi chi lirova?
Lieta lilie nivwaha kandi lieta liu mwana weve ni vwaha?
Mbolera niiva umumanyi!
5“Nyasaye adukizaa goosi ga alaangaa. Aveeye kuli ikuuti ku vosi avenyaa likingwa lilie. 6Niiva ovoora ndi yavoola kindu cha yavula kuvoola, alakugondokera nu kukumanyia ndi uveeye mugadi.”
Zing'ano zindi zinyingi
7Ngoteva Nyasaye, uhaane ku inzi vindu viviri ningikiri kukuza: 8undulizi mu vovehi kandi vugadi, kandi uleke mburi kuva mutugi anoho mudaka. Ombe vuzwa chukulia kidukanaa ninze. 9Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange. 10Utadula mutumikiri imbiri wu mwami weve mba. Ulalaamwa kandi usaliri kigira yaga. 11Koveeye ho na vandu valama vababa vaavo kandi sivasandizaa vamama vaavo mba. 12Vaveeye ho na vandu valala avaganaganaa ndi vaveeye valahi lwavafunyaa vugundu. 13Vaveeye ho na vandu valala avaganaganaa ndi vaveeye valahi ligali oh, henza kuli vaganagana vaveeye valahi ligali! 14Vaveeye ho na vandu valala avatumikiraa vululu kolegelera vadaka kandi vandu vaveeye nilienya linene; nindio vanyoola limenya liavo. 15Mundu muhuvaali wiyanzizaa aveeye na vakana vaviri na vombi valangwa “Ombe!” Kuveeye ho ne vindu vivaga vitigutaa na vine vitavoola “Gaduuki”.
16Kivala cha vakuzu, mukali mugumba lirova liumu lienya imbura
kandi muliru gwaduukaa gutasimaa.
17Mundu woosi ohenyahenyeraa baba weve anoho uchayaa mama weve mu vokeere vwivwe vwakaveeye vulahi zisoti ziamulia anaho majikoro gavoze zimoni zizie.
18Viveeye ho ni vindu vine viveeye viokogenyia ku inzi ku vimanya:
19Kihungu kuburukaa mu vwerefu, enzoka emoraa ku lwanda, emeli yenyeleriza inzira yayo mu inyanza, kandi musaza nu mukali kuva harara:
20Mukali oveeye muheyi akolaa kuli ndi: akolaa voheyi, ma yisinga, kandi avoora, “Ngoli kindu kidamanu mba!”
21Viveeye ho nivindu vine viekivala kinyala kuvula kwikuzira kuvio;
22Mutugwa ugwizaa mwami,
mundu musiru oveeye nivindu viosi viayenyaa kulia,
23mukali wasuulwa uzizaa lukali,
kandi mutumikiri wikikali uvugura
vwiyangu vwu munene weve wikikali.
24Ziveeye ho zinyama zine mukivala ziveeye zingekeke ligali,
navuzwa ziveeye no vogeri ligali.
25Amage: sigaveeye ne zinguru navuzwa gavungiza viukulia viago muing'inga yumbasu.
26Makinieli sigaveeye nezingulu,
navuzwa galombaa vomenyo vwago muzinyanda.
27Zisigi: siziveeye numwami, navuzwa zigenda harara.
28Masiagali: unyala kudiira lilala mumukono gugwo,
navuzwa ulaganyola muzinyumba ziuvwami.
29Viveeye ho vindu vine viu kuyaanziza kuvilola lwa vigenda:
30Zisimba ziveeye ni zinguru kuvita zinyama zindi ziosi,
kandi sizitizaa zinyama zindi mba.
31Zimburi zikole, zidaywa zielola, kandi mwami nasingiyi imbiri wa vandu veve.
32Niiva waveyaange musiru ligali kuva ni kirage kandi kulohiza kokora vudamanu, uleke ma uganagane! 33No seza maveere, onyoora maguta. Nuduya mundu ku liulu, masahi galatula. Niiva ulava nu vutima, ulava mu vudinyu.
©Bible Society of Kenya, 2019