MIKA LITANGILIRA
LITANGILIRA
Muporofeti Mika, yamenya ku ing'inga ndala ya Isaya yaali muporofeti. Yaatulaa mu kadaala ka Moreshezi mu kivala chi Ivuyuda ichaali mu vwamihi vwu Isavaalu. Yamanya ndi Ivuyuda eveeye ahimbi konyoora maduywa malala mere aga Amosi yaali na porofeti ndi galekoleka ku uvwami vwi ivaale. Ku kivuni kilala chere, Nyasaye alahaana mageri ku vandu vataveeye nilikalaga litaveeye lirungi. Ovoporofeti vwa Mika vwamanyia havulavu vilolekizu vie lisuuvirizwa lia madiku gaaza.
Zimbaso zinene ziduukanaa zimanyikane ni: mirembe ja Nyasaye jiliduka ku lirova liosi 4:1-4, ilivulwa lwu mwami munene ligali ulitula mu kisukururwi cha Daudi nokoleta mirembe ku ihiiri 5:2-4: kandi muluvaso lulala, uvwimbi vwa makuva gavaporofeti va Isiraeli vaduukana vavoola: “Aga yenya kutura ku kunyi ni yaga, kokole agaveeye malungi, kumanyia uvuyanzi vutaveeye nekeheri, kandi komenya mu liegehiza harara na Nyasaye wiitu.” (6:8)
Kitabu yiki chang'odwa hagati hu muhiga gwa 750 B.C. na 686 BC. Lieta Mika liveeye uvwimbi vwi lieta Mikaya iliveeye kovora, “Oveeye kuli Yahova.”
Agaveeye mu kitabu yiki
Likalaga ku vwami vwi Isavaalu nu vwamihi vwa Ivaale 1:1—3:12
Likolwa vuhia kandi mirembe 4:1—5:15
Makuva gi lieganihiza kandi lisuuvirizwa 6:1—7:20
Currently Selected:
MIKA LITANGILIRA: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019