LEVI 4
4
Vihaanwa viu Vwoni vwa Matava
1Yahova yalaga Musa, 2avolere vandu va Isiraeli ndi niiva mundu woosi alakola vwoni nukuvunanyia lilala ku malago ga Yahova vugira kusaavira kukola ndio, gamuduukira alonde malago yaga.
3Niiva nu Musaalisi Munene, uva naakori vwoni, nukuviika vandu mu vwoni, kuduuka ahaane kisiuviriru chi kemoli kigiriki kitaveeye niimbala kigira vwoni vwivwe ku Yahova kuli kihanwa chu vwoni. 4Alaleeta igiriki zana ha kirivwa chi Lihema liukuvuganira mu na Yahova. Alaviika mukono gwigwe mulungi ku mutwi gwi giriki zana, nokugisinzira hazana yaho imbiri wa Yahova. 5Kunangwa, musaalisi Munene zana alavugula ku masahi gekemoli kigiriki zana ma agaleete mu Lihema. 6Naye aliina kedete chiche mu masahi, nukuguuha haali saba imbiri wi inguvu yakinga hatakatifu huvutakatifu. 7Musaalisi alavugula ku masahi nukugaviika ku zinziga ziu uvwali ahukusambira kimuli mu Lihema. Alasundula masahi gatigaye goosi ku uvwaliru vwu vwukusambira ku visiuviliru, ovoveeye mu vwingiliru vwi Lihema.
8Musaalisi Munene oyo alatuliza itinya yoosi kutura ku kemoli kigiriki, eveeye ku vindu viosi viu munda, 9zimbigu ziombi nitinya eveeye kuzio, ne kedonye, kilahi chi ingudumani.
10Musaalisi alavugula itinya yeyo nokugisambira ku uvwali vwu kusambira ku vihaanwa, kuli itinya itulizwa mu inyama ihaanwa kuli kihanwa chi mirembe. 11Navuzwa kesero chi igiriki ni inyama yayo harara numutwi kandi nivirenge, vindu viu munda viosi harara namala gayo harara novose, 12agaveeye kovora, yoosi itigalaa. Alagiginga nukuhila chova wa hokososa haveeye halahi hokokolera miruka; ahiligoke lisundulwa, hene yaho, ulagisambira ho ku muliru gwi zingu. 13Niiva navandu vosi va Isiraeli vaakora vwoni, nukugwa avahioli ku livunanyia lilala ku malago ga Yahova yavaha vugira kusaavira; 14Nonoho lwu vwoni vwavo vumanyikana, vandu vosi valahaana kemoli kigiriki kuli kihanwa chu vwoni. Valakeleeta imbiri wi Lihema kuvuganira mu na Yahova. 15Aviimiliri va vandu va isiraeli valaviika makono gaavo ku mutwi gwekemoli kigiriki, na kilasinzirwa hene yaho, 16Musaalisi Munene alavugula ku masahi gi giriki zana agahili mu Lihema. 17Aliina kedete chiche mu masahi zana nukuguuha haali saba imbiri wi inguvu kinga hatakatifu, huvutakatifu. 18Alaviika malala ku masahi yago ku zinziga ziuku vwali vwi kimuli ovoveeye mu Lihema. Alasundula masahi gatigaye goosi ku lwaalo lwu uvwali vwi kihanwa chukusambwa ovoveeye ha vwingiliru hi Lihema. 19Alavugula itinya yayo yoosi nukugisambira ku uvwali 20Musaalisi munene oyo alakola ku igiriki yiyi kuli akolaa ku igiriki yi kihanwa chu uvwoni. Munzira yiyi, musaalisi alahaana kisiuviriru chu vwoni vwavo, na avandu yavo valasamifwa. 21Maku alahila vidonye vitigaye vie igiriki zana ichova wa hokososa na avisambiri yo, kuli asambaa igiriki ihaanwa kigira uvwoni vwivwe mwene. Yiki ni kisiuviriru chu kwogiza uvwoni vwa avandu. 22Niiva mwamihi akolaa uvwoni ma anyoleke uvunanyi lilala ku malago ga Yahova yalaga vugira kusaavira, 23na ahene yaho lwa avoolerwa uvwoni vwivwe vwa yakola yivwo, alaleeta imburi ekole itaveeye nimbala kuva kuli kihanwa chiche. 24Alaviika mukono gwigwe mulungi ku mutwi gwi imburi zana, alagisinziri kolovega lwi ivaale uvwali ahi mitugu chu kusambwa jitirwa imbiri wa Yahova. Keveeye kihanwa chu uvwoni. 25Musaalisi aliina kedete chiche mumasaahi gi kihanwa chu vwoni nokugavaka ku zinziga ziu uvwali. Alasundula masahi gatigalaa ku vwaaliru vwu uvwali vwukusamba ku vihaanwa. 26Maku, alasamba itinya yayo yoosi ku uvwali, kuli akolaa ku itinya yi kihanwa chi mirembe. Munzira yiyi, musaalisi alahaana kisiuviriru chu uvwoni vwu mwami naye alasaamifwa.
27Niiva ni mulala ku avandu vandi vosi ukola uvwoni na aduuki kuhiola ku livunanyia lilala ku malago ga Yahova yalaga vugira kusaavira, 28maku yaho lwu uvwoni vwivwe vumanyikana, alahaana imburi isuveni vugira imbara, kigira uvwoni vwivwe vwa yakola. 29Alaviika mukono gwigwe mulungi ku mutwi gwi imburi zana, na alagisinzira kolovega lwi ivaale wu uvwali, hi mitugu ji vihaanwa viukusambwa visinzirwaa 30Musaalisi aliina kedete chiche mu masahi gi imburi zana nokugavaka ku zinziga ziu uvwali. Alasundula masahi gatigaye ku lwaalo lwu uvwali vwi kihanwa chukusambwa. 31Alatuliza itinya yayo yoosi, kuli itinya yi vihaanwa vie mirembe. Alagisambira ku uvwali kunangwa lifunya mwayu gwayo guduuki kuyaanziza Yahova. Nandio, Musaalisi alahaana kisiuviriru kigira uvwoni vwu mundu uyu, kandi alasaamifwa.
32Niiva mundu woosi alaleeta kememe chi ligondi kuli kihanwa chiche chu uvwoni, kuduuka keve kisuveni vugira imbara. 33Alaviika mukono gwigwe mulungi ku mutwi gwacho ma akisinziri ku uvwali hi visiuviliru viu uvwoni visinzirwaa. 34Musaalisi aliina kedete chiche mumasaahi gu mutugu nukugavaka ku zinziga ziu uvwali. Alasundula amasahi gacho gatigaye goosi mu vwaaliru vwu uvwali. 35Maku alatuliza mu itinya yayo yoosi, itinya itulizwa mu ligondi lisinziywi kigira kihanwa chi mirembe. Musaalisi alagisaamba harara ni vihaanwa vie viukulia vihaanwa ku Yahova. Nandio musaalisi alahaana kisiuviriru chu uvwoni vwu mundu kandi naye alasaamifwa.
Currently Selected:
LEVI 4: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
