ISAYA 12
12
Lwimbu lwi lisandiza
1Lidiku liizaa lwa vandu valimba,
“Nzizominyaa ivi, Yahova!
Ivi waali nu vutima ninzi,
navuzwa uvutima vuvwo vutuli ho,
na kalunu umali koneminya mwoyo.
2Nyasaye aveeye muhonyi wange;
ndamusuuvira, kandi sindatia mba.
Yahova Nyasaye aveeye zinguru ziange
kandi lwimbu lwange;
aveeye muhonyi wange.
3Kuli amazi makindu galetaa uvusangari ku yavo avuvuluhu,
nindio avandu va Nyasaye vasangala lwa avahonyiaa.”
4Lidiku lizaa lwa vandu valimba,
“Musandize Yahova!
Mwanili kuye amukonye!
Muvoolere zihiiri ziosi icha amali kokora!
Muvavolere kuli aveeye munene!
5Mwimbiri Yahova kigira vindu vinene viamali kokora.
Leki lirova liosi lihuliri makuva yaga.
6Vuli mundu woosi umenyaa mu Ziyoni ahanzuki kandi yimbi!
Nyasaye Mutakatifu wa Isiraeli aveeye munene;
kandi amenyaa hagati ha vandu veve.”
©Bible Society of Kenya, 2019