VAHEBURAINA LITANGILIRA
LITANGILIRA
Ibarwa Ya Vaheburaina yang'oderwa muganda gwa Vakrisitayo, vanyoola lihing'ana linyingi ligali kandi yaali mu vuhimwa vwokoleka lisuuvira liu Vukristayo. Mung'odi wi Ibarwa yiyi avadinyiriza mu lisuuvira liavo liu kutanga mu livamanyia ndi, Yeso Kristo niyie wi ligali kandi wu kumaliriza, wi livuula lia Nyasaye.
Mulikola yaga, mung'odi adinyiriza vindu vivaga via giligali: (1) Yeso aveeye mwana wa Nyasaye wi mihiga ni mihiga, wiga liitia lia giligali lia Nyasaye kuvitira mu liekuzira liu vusaliri. Aveeye munene kuvita vaporofeti vi Lilaga Likulu, zingelosi kandi kuvita Musa. (2) Nyasaye yamala kulandiza Yeso kuva musaalisi wi mihiga ni mihiga, kuvita vasaalisi vi Lilaga Likulu. (3) Kuvitira mu Yeso, mundu wasuuvira umali kohonywa kutura mu vwoni, vuti kandi likuza. Yeso kuli musaalisi munene, ahaanaa lihonywa lia giligali, livitaa miima kandi visiuviliru vie zinyama zie idini ya Vaheburaina.
Mung'odi amanyia kelolero chilisuuvira cha vandu valala vamanyikana mu limenya lia vandu va Isiraeli, (soma muliango gwa 11). Mung'odi ateeva vandu vasoma Kitabu yiki vazizagiliri kuva vasuuvirifu. Avanigaa vazizagiliri kuva vasuuvirifu ku Yeso kuduuka kokeheri. Kandi vikuziri ku vusaliri kandi lidambizwa lie zing'ano ziosi vunyala kuvaduukira. Kitabu yiki kimalirizaa na makuva gi liegiza kandi lieganihiza.
Agaveeye mu kitabu yiki
Litangilira: Kristo aveeye livuula lidukiru lia Nyasaye 1:1-3
Kristo aveeye Munene ligali kuvita zingelosi 1:4—2:18
Kristo aveeye Munene kuvita Musa na Joshua 3:1—4:13
Ovonene vwu vusaalisi vwa Kristo 4:14—7:28
Ovonene vwi lilagana lia Kristo 8:1—9:28
Ovonene vwi kisiuviriru cha Kristo 9:23—10:39
Uvudukiru vwi Lisuuvira 11:1—12:29
Liyaanziza Nyasaye 13:1-19
Lisaala liu kumaliriza 13:20-21
Amakuva gukumaliriza 13:22-25
Currently Selected:
VAHEBURAINA LITANGILIRA: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019