KUTURA 17
17
Amazi kutura ku lwanda
(Liv. 20:1-13)
1Avandu vosi va Isiraeli vaatura mu changalangwi cha Sini, nivageenda kutura havundu harara kuduuka ahandi kuli Yahova yavalaga. Valomba lisosa liavo ha Refidimu, navuzwa sihaali ho na amazi gukunwa mba. 2Kunangwa avandu vililira ku Musa ni vavoola, “Okohe amazi kunwi.”
Musa yavativulira, “Kigira ki munyi mudulaa? Kigira ki mugerizaa Yahova?”
3Navuzwa avandu vaali nuvuluhu vwa mazi ligali kandi vazizagilira kwililira ku Musa nivamudula. Vavoola, “Kigira ki ivi nukutuliza Egebeti, kukwita harara, na vana viitu kandi ni mitugu jietu nuvuluhu?”
4Musa yasaala nu mwoyo gwosi ku Yahova navoora, “Nyara kokolera ki avandu yava? Vaveeye ahimbi kundasa na magina.”
5Yahova yavolera Musa, “Vugula valala ku aviimiliri va Isiraeli harara niivi, na muzie imbiri wa vandu. Vugula imbimbu yawakuyira ku mugera gwa Naili uzie nayo. 6Inzi ndasingira imbiri woovo ku lwanda ha Kiguru cha Sinai. Uduyi kulwanda zana, na amazi galasinuka kulwo ma avandu vanwi.” Musa yakola ndio imbiri wa aviimiliri va Isiraeli.
7Havundu hazana halangwa Maasa na Meriba#17:7 Maasa na Meriba: Amita yaga mu Luheburaina gaveeye kovora, “Kogeriza” kandi “Lielilira.”, kigira avandu va Isiraeli vililira kandi vageriza Yahova lwa vateva, “Yahova aveeye nikunyi anoho mba?”
Uvulwani na vandu va Maleki
8Avandu va Maleki vaza nivingilira kulwaana avandu va Isiraeli ha Refidimu. 9Musa yavolera Joshua, “Tovola vasaza valala vazie kulwaana vandu va Maleki mugamba. Inzi nasingili kondogozi kwi kiguru ningumiyi imbimbu ya Nyasaye yambolera ng'ingi.” 10Joshua yakola kuli Musa yaali naamulagi ma yaziia kulwana avandu vamaleki, na Musa, Haruni na Huru vazia kondongozi kwi kiguru. 11Lwa Musa yaginga amakono geege igulu, vandu va Isiraeli vaguuta, navuzwa lwa yikizaa amakono hasi, vandu va Maleki vatanga kuguuta. 12Lwa makono ga Musa galuhaa, Haruni na Huri vamuletera ligina yikare ku, navo nivasingiyi mulala kolovega lulala na wundi kolovega Lundi kudinyiriza amakono geege kusingira kuduuka lwi liuva liayera. 13Munzira yiyi Joshua yalwana ligali vandu va Maleki ni kivavi, kuduuka navaguuta ligali.
14Maku Yahova yavolera Musa, “Ng'oda amakuva gi liguuta yili kunangwa galizurizwi. Volera Joshua ndi ndadiviza vandu va Maleki ligali.” 15Musa yumbaka uvwali, navulanga lieta “Yahova aveeye ebendera yange.” 16Yavoola, “Mugiingi igulu ligali ebendera ya Yahova! Yahova alazizagilira kumulwaanira avandu va Maleki ku makura na makura.”
Currently Selected:
KUTURA 17: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 17
17
Amazi kutura ku lwanda
(Liv. 20:1-13)
1Avandu vosi va Isiraeli vaatura mu changalangwi cha Sini, nivageenda kutura havundu harara kuduuka ahandi kuli Yahova yavalaga. Valomba lisosa liavo ha Refidimu, navuzwa sihaali ho na amazi gukunwa mba. 2Kunangwa avandu vililira ku Musa ni vavoola, “Okohe amazi kunwi.”
Musa yavativulira, “Kigira ki munyi mudulaa? Kigira ki mugerizaa Yahova?”
3Navuzwa avandu vaali nuvuluhu vwa mazi ligali kandi vazizagilira kwililira ku Musa nivamudula. Vavoola, “Kigira ki ivi nukutuliza Egebeti, kukwita harara, na vana viitu kandi ni mitugu jietu nuvuluhu?”
4Musa yasaala nu mwoyo gwosi ku Yahova navoora, “Nyara kokolera ki avandu yava? Vaveeye ahimbi kundasa na magina.”
5Yahova yavolera Musa, “Vugula valala ku aviimiliri va Isiraeli harara niivi, na muzie imbiri wa vandu. Vugula imbimbu yawakuyira ku mugera gwa Naili uzie nayo. 6Inzi ndasingira imbiri woovo ku lwanda ha Kiguru cha Sinai. Uduyi kulwanda zana, na amazi galasinuka kulwo ma avandu vanwi.” Musa yakola ndio imbiri wa aviimiliri va Isiraeli.
7Havundu hazana halangwa Maasa na Meriba#17:7 Maasa na Meriba: Amita yaga mu Luheburaina gaveeye kovora, “Kogeriza” kandi “Lielilira.”, kigira avandu va Isiraeli vililira kandi vageriza Yahova lwa vateva, “Yahova aveeye nikunyi anoho mba?”
Uvulwani na vandu va Maleki
8Avandu va Maleki vaza nivingilira kulwaana avandu va Isiraeli ha Refidimu. 9Musa yavolera Joshua, “Tovola vasaza valala vazie kulwaana vandu va Maleki mugamba. Inzi nasingili kondogozi kwi kiguru ningumiyi imbimbu ya Nyasaye yambolera ng'ingi.” 10Joshua yakola kuli Musa yaali naamulagi ma yaziia kulwana avandu vamaleki, na Musa, Haruni na Huru vazia kondongozi kwi kiguru. 11Lwa Musa yaginga amakono geege igulu, vandu va Isiraeli vaguuta, navuzwa lwa yikizaa amakono hasi, vandu va Maleki vatanga kuguuta. 12Lwa makono ga Musa galuhaa, Haruni na Huri vamuletera ligina yikare ku, navo nivasingiyi mulala kolovega lulala na wundi kolovega Lundi kudinyiriza amakono geege kusingira kuduuka lwi liuva liayera. 13Munzira yiyi Joshua yalwana ligali vandu va Maleki ni kivavi, kuduuka navaguuta ligali.
14Maku Yahova yavolera Musa, “Ng'oda amakuva gi liguuta yili kunangwa galizurizwi. Volera Joshua ndi ndadiviza vandu va Maleki ligali.” 15Musa yumbaka uvwali, navulanga lieta “Yahova aveeye ebendera yange.” 16Yavoola, “Mugiingi igulu ligali ebendera ya Yahova! Yahova alazizagilira kumulwaanira avandu va Maleki ku makura na makura.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019