KUTURA 18
18
Jezero Ageniha Musa
1Kunangwa Jezero, musaalisi wa Midiani, navizara wa Musa, yahulira goosi aga Nyasaye yakolera Musa kandi avandu va Isiraeli ulwa yaavimilira kutura Egebeti. 2Kunangwa yaza ku Musa, naleetana mukali wa Musa Zipora uwaali niyalekwa inyima, 3kandi Gerishomu na Elieza, avayaayi veve vaviri. Musa yaali navooye, “Inzi ndaaveyange mugeni mu kivala kegeni”; kunangwa yaali ni nalangi muyaayi mulala Gerishomu. 4Yaali navooye kandi “Nyasaye wa avaguuga vange yangoonya kandi niyambonyia mburi kwitwa nu mwami wa Egebeti”; kunangwa yaali ni yagulika muyaayi wundi Elieza. 5Jezero yaza harara nu mukali wa Musa na vayaayi veve vaviri mu changalangwi ha Musa yaasoseraa ha kiguru kitakatifu. 6Yaali naatumani likuva ku Musa ndi vazaa, 7kunangwa Musa yatura nazia kumwaganira, niyinama imbiri weve, kandi naamuvusa. Vateevana samulala kigira uvulamu vwavo ma ni vazia ni vingira mu lihema lia Musa. 8Musa yavolera Jezero vindu viosi via Yahova yaali nakoleye Mwami harara na vandu va Egebeti aduuki kosoola vandu va Isiraeli. Yamuvolera kandi uvudinyu vwa avandu vanyoola kunzira kandi kuli Yahova yavahonyia. 9Lwa Jezero yahulira yaga goosi, yayanza 10navoora, “Yahova yizominywi wahonyia ivi ku Mwami harara na vandu va Egebeti! Yahova yizominywi uwahonyia avandu veve kutura mu vutugwa! 11Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.” 12Maku Jezero yaleeta kihanwa chukusambwa choosi nivisiuviliru vindi vihaanwe ku Nyasaye. Haruni na aviimiliri vosi va Isiraeli vazia harara na Navizara Musa ukulia chukulia kitakatifu kuli likora liukusigamira Yahova.
Musa Yatovola Avakalagi Vamukonye
(Liz. 1:9-18)
13Lidiku lilonda ku, Musa yakalaga amakuva hagati ha vandu, kutura mugambazuri kuduuka hamugorova. 14Lwa Jezero yalora goosi ga Musa yaakolera avandu, yateeva, “Inguuva ki yiyi ya okolera avandu? Kigira ki okolaa yaga ivi weng'ine, na avandu nivasingiyi hano kutura mugambazuri kuduuka hamugorova?”
15Musa yativura, “Gandukira kokora yaga kigira avandu vazaa ku inzi koteeva uvulariri vwa Nyasaye. 16Lwa avandu vaviri vamali kuvitaana, vazaa ku inzi, na Inzi ngalaga nukuvavoolera ni uliha kuvo oveeye mulungi, kandi mbavooleraa malago na amigizu ga Nyasaye.”
17Maku Jezero yavoola, “Ivi siokola yaga munzira indahi mba. 18Ivi harara na vandu mulaluha ligali, kigira yaga gaveeye makuva amaliduhu ligali ku ivi kokora weng'ine. 19Kalunu leka ngohe amakuva amalahi gokokokonya, na Nyasaye alava harara nivi. Nivulungi ivi kusingilira avandu imbiri wa Nyasaye nokoleta uvudinyu vwavo kuye. 20Kuduuka uvigizi amalago ga Nyasaye nukuvavoolera kuli vanyara komenya nichavaduukanaa kokora. 21Navuzwa komeeda kugene yago, otovole ku vandu vosi avanyala kuva avuvunyali kandi avatia Nyasaye kandi avasuuvirifu, vatanyala kuvugura viambeti mba. Uvatovole kuva aviimiliri ku zielefu, ku zimia, ku amusini na ku amakomi. 22Leka vatumiki kuli avakalagi va avandu zing'inga ziosi. Na valaleta amakuva gaveeye amadinyu ku ivi, navuzwa yavo aveene valakalaga yago gaveeye amangu. Na ivi ulanyora uvwangu, ulwavagavulana uvulitu vuvwo. 23Niiva ulakola yaga, kuli Nyasaye akulagaa, siulaluha mba, avandu yava vosi vanyara kuzia yengo nivahulirizani.”
24Musa yaavugilira makuva malahi ga Jezero yamuha 25ma natovora avandu vaduukiru kutura mu avandu va Isiraeli. Yavatovola kuli aviimiliri vi miganda ji zielefu, zimia, ku amausini, kandi ku makomi. 26Vatumika kuli avakalagi va avandu kazozo, navaaletaa amakuva madinyu ku Musa, navuzwa madoto vakalagaa aveene.
27Maku Musa yasivulana na Jezero na Jezero yirana yengo mu kivala chiche.
Currently Selected:
KUTURA 18: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 18
18
Jezero Ageniha Musa
1Kunangwa Jezero, musaalisi wa Midiani, navizara wa Musa, yahulira goosi aga Nyasaye yakolera Musa kandi avandu va Isiraeli ulwa yaavimilira kutura Egebeti. 2Kunangwa yaza ku Musa, naleetana mukali wa Musa Zipora uwaali niyalekwa inyima, 3kandi Gerishomu na Elieza, avayaayi veve vaviri. Musa yaali navooye, “Inzi ndaaveyange mugeni mu kivala kegeni”; kunangwa yaali ni nalangi muyaayi mulala Gerishomu. 4Yaali navooye kandi “Nyasaye wa avaguuga vange yangoonya kandi niyambonyia mburi kwitwa nu mwami wa Egebeti”; kunangwa yaali ni yagulika muyaayi wundi Elieza. 5Jezero yaza harara nu mukali wa Musa na vayaayi veve vaviri mu changalangwi ha Musa yaasoseraa ha kiguru kitakatifu. 6Yaali naatumani likuva ku Musa ndi vazaa, 7kunangwa Musa yatura nazia kumwaganira, niyinama imbiri weve, kandi naamuvusa. Vateevana samulala kigira uvulamu vwavo ma ni vazia ni vingira mu lihema lia Musa. 8Musa yavolera Jezero vindu viosi via Yahova yaali nakoleye Mwami harara na vandu va Egebeti aduuki kosoola vandu va Isiraeli. Yamuvolera kandi uvudinyu vwa avandu vanyoola kunzira kandi kuli Yahova yavahonyia. 9Lwa Jezero yahulira yaga goosi, yayanza 10navoora, “Yahova yizominywi wahonyia ivi ku Mwami harara na vandu va Egebeti! Yahova yizominywi uwahonyia avandu veve kutura mu vutugwa! 11Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.” 12Maku Jezero yaleeta kihanwa chukusambwa choosi nivisiuviliru vindi vihaanwe ku Nyasaye. Haruni na aviimiliri vosi va Isiraeli vazia harara na Navizara Musa ukulia chukulia kitakatifu kuli likora liukusigamira Yahova.
Musa Yatovola Avakalagi Vamukonye
(Liz. 1:9-18)
13Lidiku lilonda ku, Musa yakalaga amakuva hagati ha vandu, kutura mugambazuri kuduuka hamugorova. 14Lwa Jezero yalora goosi ga Musa yaakolera avandu, yateeva, “Inguuva ki yiyi ya okolera avandu? Kigira ki okolaa yaga ivi weng'ine, na avandu nivasingiyi hano kutura mugambazuri kuduuka hamugorova?”
15Musa yativura, “Gandukira kokora yaga kigira avandu vazaa ku inzi koteeva uvulariri vwa Nyasaye. 16Lwa avandu vaviri vamali kuvitaana, vazaa ku inzi, na Inzi ngalaga nukuvavoolera ni uliha kuvo oveeye mulungi, kandi mbavooleraa malago na amigizu ga Nyasaye.”
17Maku Jezero yavoola, “Ivi siokola yaga munzira indahi mba. 18Ivi harara na vandu mulaluha ligali, kigira yaga gaveeye makuva amaliduhu ligali ku ivi kokora weng'ine. 19Kalunu leka ngohe amakuva amalahi gokokokonya, na Nyasaye alava harara nivi. Nivulungi ivi kusingilira avandu imbiri wa Nyasaye nokoleta uvudinyu vwavo kuye. 20Kuduuka uvigizi amalago ga Nyasaye nukuvavoolera kuli vanyara komenya nichavaduukanaa kokora. 21Navuzwa komeeda kugene yago, otovole ku vandu vosi avanyala kuva avuvunyali kandi avatia Nyasaye kandi avasuuvirifu, vatanyala kuvugura viambeti mba. Uvatovole kuva aviimiliri ku zielefu, ku zimia, ku amusini na ku amakomi. 22Leka vatumiki kuli avakalagi va avandu zing'inga ziosi. Na valaleta amakuva gaveeye amadinyu ku ivi, navuzwa yavo aveene valakalaga yago gaveeye amangu. Na ivi ulanyora uvwangu, ulwavagavulana uvulitu vuvwo. 23Niiva ulakola yaga, kuli Nyasaye akulagaa, siulaluha mba, avandu yava vosi vanyara kuzia yengo nivahulirizani.”
24Musa yaavugilira makuva malahi ga Jezero yamuha 25ma natovora avandu vaduukiru kutura mu avandu va Isiraeli. Yavatovola kuli aviimiliri vi miganda ji zielefu, zimia, ku amausini, kandi ku makomi. 26Vatumika kuli avakalagi va avandu kazozo, navaaletaa amakuva madinyu ku Musa, navuzwa madoto vakalagaa aveene.
27Maku Musa yasivulana na Jezero na Jezero yirana yengo mu kivala chiche.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019