KUTURA 16
16
Yahova Yahaana ku Vandu Imaana ni Zisindu
1Avandu va Isiraeli vosi vaatura Elimu, na ku lidiku liakomi natano liu mweli gwa kaviri nivamali kutura Egebeti, vaza mu changalangwi cha Sini, ekeveeye hagati ha Elimu na Sinai. 2Mu changalangwi mwene yimwo, vosi vililira ku Musa na Haruni 3ni vavavolera, “Vwali vove vulahi Yahova alakwitira mu Egebeti. Uwene yeyo kwaali kwakikaaye hasi nukulia zinyama ni viukulia vindi vinyingi. Navuzwa munyi mukoleti mu changalangwi yiki kwosi kukuziri mu ninzara?”
4Yahova yavolera Musa, “Henza, kalunu nziza kumuletera viukulia kutura mwigulu kuli imbura. Avandu kuduuka vatuli ichova vuli lidiku kuvungiza viukulia viduukana nilidiku yilio. Mu liiva yili ndavageriza ndore niiva valalonda amalago gange. 5Ku lidiku lia sita valavugula viukulia haali kaviri kuvita via kazozo nukuvilomba.”
6Kunangwa Musa na Haruni vavoolera avandu va Isiraeli; “Mugolova gwa kalunu munyi mulamanya ndi ninzi Yahova wamutuliza mu kivala cha Egebeti. 7Mugambazuri mulalora vukumi vwa Yahova. Kigira umali kuhulira lielilira lienyu; yee, mumuhing'anaa, kigira kunyi kolondaa nokokola vuzwa amalago geege.” 8Maku Musa yavoola, “Ni Yahova ulimuha inyama ya mulia hamugorova kandi migadi josi kuli mwenya lidiku lia mugamba, kigira umali kuhulira lielilira lienyu. Lwa mwiliriraa ku kunyi, mwiliriraa ku Yahova.”
9Musa yavolera Haruni, “Volera avandu vosi va Isiraeli vaze kusingira imbiri wa Yahova, kigira umali kuhulira lielilira liavo.” 10Lwa Haruni yamoloma kulivugana liosi lia avandu va Isiraeli, vagirung'ana nivahenza mu changalangwi, kandi uvukumi vwa Yahova vwaloleka mu malesi. 11Yahova yavolera Musa, 12“Mali kuhulira lielilira lia avandu va Isiraeli. Vavoolere ndi hamugorova, liuva niliyeraa, valalia inyama na mugambazuri valanyora migadi josi ja venya. Maku valamanya ndi, Inzi Yahova, mbeeye Nyasaye wavo.”
13Kunangwa ing'inga ya hamugorova zisindu zinyingi ziaza nizigwa kali zikunika ahokososa haavo hoosi, na mugambazuri lime liali linyingi nilikumberiza hokososa haavo. 14Lwi lime liali niliakakamuluka, haali ho nikindu keng'erere kuli mugadi muhuhu ku changalangwi. 15Lwa vandu va Isiraeli vakelora, sivakimanya mba, na vateevana aveene na aveene, “Ni kindu ki yiki?”
Musa yavavolera, “Yiki keveeye chukulia cha Yahova amali kuhana ku munyi mulie. 16Yahova umali kulaga ndi sa mulala ku munyi avungizi vinyingi kuli ayaanza, na mulavugula vigero viviri kutura ku vandu vinyumba ya vuli mulala oveeye nayo.”
17Avandu va Isiraeli vaakora ndio, valala vavungiza vinyingi navandi vikekeke. 18Lwa vakegera, yavo avavungiza vinyingi sivali nivinyingi mba, kandi yavo avavungiza vikekeke sivali navio vikekeke mba. Vuli mundu yaali navungizi via yaduukanaa navio. 19Musa yavavolera, “Mundu woosi ataleka ku kitigale kuduuka mugamba mba.” 20Navuzwa valala kuvo sivenya kuhulira Musa mba na vaviika vilala ku kedonye. Mugamba gwalonda ku zing'ende ziali ni zizura mu nivifunya vugundu, na Musa yaali nu vutima navo. 21Vuli mugambazuri vuli mundu yavungiza kuli ivia yenya; lwi liuva liaka, iviatigala kumalova viakamuluka.
22Lidiku lia sita vavungiza viukulia haali kaviri kuvita, vuli mundu yadoola kegero chi zilita zine. Aviimiliri vosi va avandu vaza nivavolera Musa amakuva goosi; 23naye yavavolera, “Yahova umali kulaga ndi, mugamba ni lidiku litakatifu liokososa, liviikiywi halovega kigira ye. Mwuminyi kalunu cha mwenya kwuminya kandi mudeeke cha mwenya kodeka. Choosi ikitigala kiviikwi halovega kuduuka mugamba.” 24Vaviika chatigara kuduuka lidiku lialonda ku, kuli Musa yaali nalagi, si choneka mba kandi zing'ende siziali mu mba. 25Musa yavoola, “Mulie lidiku linu, kigira kalunu ni lisabato, lidiku lio kososa liviikiywi ku Yahova, kandi simulanyora viukulia kutura ichova wi lihema mba. 26Gamuduukira muvungizi iviukulia viduuka amadiku sita, navuzwa ku lidiku lia saba, liveeye liokososa, sihalava ho nikindu mba.”
27Kulidiku lia saba avandu valala akuvo vazia ichova kuvungiza viukulia, navuzwa sivavinyoola mba. 28Maku Yahova yavolera Musa, “Avandu munyi mulasuura kugumira amalago gange kuduuka ng'inga ki? 29Mwizurizi ndi Inzi, Yahova mali kuhaana ku munyi lidiku liokososa, na nicho kigira ku lidiku lia sita ndamuha iviukulia vimuduuka ku madiku gaviri. Kunangwa mundu woosi alava vuzwa ahaveeye kulidiku lia saba vugira kutura hango hehe.” 30Kunangwa avandu vasoosa kokora miyinzi kulidiku lia saba.
31Avandu va Isiraeli valanga chukulia zana mana. Chafwanana kuli uvuguza vokekeeke uvulavu, vwali kuli visikuti vialombwa nu vwuki. 32Musa yavoola, “Yahova umali kukulaga kuviiki ku kegero kilala chi mana, engekeeke ivikirwi visukululwi vietu, kunangwa valaduuki kolola viukulia via yakuha kulie mu changalangwi ulwayakutuliza mu kivala cha Egebeti.” 33Musa yavolera Haruni, “Vugula isiongo na uviiki mu zilita ziviri ziemaana, na ugiviki imbiri wa Yahova ivikirwi visukululwi vietu.” 34Kuli Yahova yalaga Musa, Haruni yagiviika imbiri wilisandugu lia malago, ku iduuki kuvikwa. 35Avandu va Isiraeli valia imaana ku mihiga arubaini, kuduuka lwa vaduuka mu kivala cha Kanaani wa vamenya.
36Ligera zana liadukanaa no voleng'ani vwi zilita silini.
Currently Selected:
KUTURA 16: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 16
16
Yahova Yahaana ku Vandu Imaana ni Zisindu
1Avandu va Isiraeli vosi vaatura Elimu, na ku lidiku liakomi natano liu mweli gwa kaviri nivamali kutura Egebeti, vaza mu changalangwi cha Sini, ekeveeye hagati ha Elimu na Sinai. 2Mu changalangwi mwene yimwo, vosi vililira ku Musa na Haruni 3ni vavavolera, “Vwali vove vulahi Yahova alakwitira mu Egebeti. Uwene yeyo kwaali kwakikaaye hasi nukulia zinyama ni viukulia vindi vinyingi. Navuzwa munyi mukoleti mu changalangwi yiki kwosi kukuziri mu ninzara?”
4Yahova yavolera Musa, “Henza, kalunu nziza kumuletera viukulia kutura mwigulu kuli imbura. Avandu kuduuka vatuli ichova vuli lidiku kuvungiza viukulia viduukana nilidiku yilio. Mu liiva yili ndavageriza ndore niiva valalonda amalago gange. 5Ku lidiku lia sita valavugula viukulia haali kaviri kuvita via kazozo nukuvilomba.”
6Kunangwa Musa na Haruni vavoolera avandu va Isiraeli; “Mugolova gwa kalunu munyi mulamanya ndi ninzi Yahova wamutuliza mu kivala cha Egebeti. 7Mugambazuri mulalora vukumi vwa Yahova. Kigira umali kuhulira lielilira lienyu; yee, mumuhing'anaa, kigira kunyi kolondaa nokokola vuzwa amalago geege.” 8Maku Musa yavoola, “Ni Yahova ulimuha inyama ya mulia hamugorova kandi migadi josi kuli mwenya lidiku lia mugamba, kigira umali kuhulira lielilira lienyu. Lwa mwiliriraa ku kunyi, mwiliriraa ku Yahova.”
9Musa yavolera Haruni, “Volera avandu vosi va Isiraeli vaze kusingira imbiri wa Yahova, kigira umali kuhulira lielilira liavo.” 10Lwa Haruni yamoloma kulivugana liosi lia avandu va Isiraeli, vagirung'ana nivahenza mu changalangwi, kandi uvukumi vwa Yahova vwaloleka mu malesi. 11Yahova yavolera Musa, 12“Mali kuhulira lielilira lia avandu va Isiraeli. Vavoolere ndi hamugorova, liuva niliyeraa, valalia inyama na mugambazuri valanyora migadi josi ja venya. Maku valamanya ndi, Inzi Yahova, mbeeye Nyasaye wavo.”
13Kunangwa ing'inga ya hamugorova zisindu zinyingi ziaza nizigwa kali zikunika ahokososa haavo hoosi, na mugambazuri lime liali linyingi nilikumberiza hokososa haavo. 14Lwi lime liali niliakakamuluka, haali ho nikindu keng'erere kuli mugadi muhuhu ku changalangwi. 15Lwa vandu va Isiraeli vakelora, sivakimanya mba, na vateevana aveene na aveene, “Ni kindu ki yiki?”
Musa yavavolera, “Yiki keveeye chukulia cha Yahova amali kuhana ku munyi mulie. 16Yahova umali kulaga ndi sa mulala ku munyi avungizi vinyingi kuli ayaanza, na mulavugula vigero viviri kutura ku vandu vinyumba ya vuli mulala oveeye nayo.”
17Avandu va Isiraeli vaakora ndio, valala vavungiza vinyingi navandi vikekeke. 18Lwa vakegera, yavo avavungiza vinyingi sivali nivinyingi mba, kandi yavo avavungiza vikekeke sivali navio vikekeke mba. Vuli mundu yaali navungizi via yaduukanaa navio. 19Musa yavavolera, “Mundu woosi ataleka ku kitigale kuduuka mugamba mba.” 20Navuzwa valala kuvo sivenya kuhulira Musa mba na vaviika vilala ku kedonye. Mugamba gwalonda ku zing'ende ziali ni zizura mu nivifunya vugundu, na Musa yaali nu vutima navo. 21Vuli mugambazuri vuli mundu yavungiza kuli ivia yenya; lwi liuva liaka, iviatigala kumalova viakamuluka.
22Lidiku lia sita vavungiza viukulia haali kaviri kuvita, vuli mundu yadoola kegero chi zilita zine. Aviimiliri vosi va avandu vaza nivavolera Musa amakuva goosi; 23naye yavavolera, “Yahova umali kulaga ndi, mugamba ni lidiku litakatifu liokososa, liviikiywi halovega kigira ye. Mwuminyi kalunu cha mwenya kwuminya kandi mudeeke cha mwenya kodeka. Choosi ikitigala kiviikwi halovega kuduuka mugamba.” 24Vaviika chatigara kuduuka lidiku lialonda ku, kuli Musa yaali nalagi, si choneka mba kandi zing'ende siziali mu mba. 25Musa yavoola, “Mulie lidiku linu, kigira kalunu ni lisabato, lidiku lio kososa liviikiywi ku Yahova, kandi simulanyora viukulia kutura ichova wi lihema mba. 26Gamuduukira muvungizi iviukulia viduuka amadiku sita, navuzwa ku lidiku lia saba, liveeye liokososa, sihalava ho nikindu mba.”
27Kulidiku lia saba avandu valala akuvo vazia ichova kuvungiza viukulia, navuzwa sivavinyoola mba. 28Maku Yahova yavolera Musa, “Avandu munyi mulasuura kugumira amalago gange kuduuka ng'inga ki? 29Mwizurizi ndi Inzi, Yahova mali kuhaana ku munyi lidiku liokososa, na nicho kigira ku lidiku lia sita ndamuha iviukulia vimuduuka ku madiku gaviri. Kunangwa mundu woosi alava vuzwa ahaveeye kulidiku lia saba vugira kutura hango hehe.” 30Kunangwa avandu vasoosa kokora miyinzi kulidiku lia saba.
31Avandu va Isiraeli valanga chukulia zana mana. Chafwanana kuli uvuguza vokekeeke uvulavu, vwali kuli visikuti vialombwa nu vwuki. 32Musa yavoola, “Yahova umali kukulaga kuviiki ku kegero kilala chi mana, engekeeke ivikirwi visukululwi vietu, kunangwa valaduuki kolola viukulia via yakuha kulie mu changalangwi ulwayakutuliza mu kivala cha Egebeti.” 33Musa yavolera Haruni, “Vugula isiongo na uviiki mu zilita ziviri ziemaana, na ugiviki imbiri wa Yahova ivikirwi visukululwi vietu.” 34Kuli Yahova yalaga Musa, Haruni yagiviika imbiri wilisandugu lia malago, ku iduuki kuvikwa. 35Avandu va Isiraeli valia imaana ku mihiga arubaini, kuduuka lwa vaduuka mu kivala cha Kanaani wa vamenya.
36Ligera zana liadukanaa no voleng'ani vwi zilita silini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019