KUTURA 15
15
Lwimbu lwa Musa
1Maku Musa na avandu va Isiraeli vimbira Yahova ulwimbu yilu:
“Ndimbira Yahova, kigira umali kuguuta liguuta liu vukumi:
Umali kusiuva zibarasi harara navahili vazio munyanza.
2Yahova aveeye mukingi wange wi zinguru;
niyie yenyine umali kombonyia.
Aveeye Nyasaye wange, nainzi ndamwizominya,
aveeye Nyasaye wa vaguuga vange,
kandi ndimba kigira ovonene vwivwe
3Yahova aveeye wuvulwaani;
Lieta lilie ni Yahova.
4“Yasiuva liihi lia vandu va Egebeti
kandi magare gi liihi gaavo munyanza.
Aviimiliri valio avalahi ligali
vasiuvwa munyanza Inzakanyu
5Inyanza yululiva yaavakunika;
viiyina kuduuka kulwaalo hasi munyanza kuli ligina.
6“Mukono gugwo mulungi, O, Yahova, goveeye nizinguru.
Guvunaganyia avasigu mu vidonye.
7Mu vonene vwu vukumi vuvwo, waguuta avasigu vovo,
uvutima vuvwo vwaka kandi vuvasambaa kuli uluvuva.
8Wahuuza kunyanza, na amazi gavunga igulu ligali;
gasingira igulu vulungi kuli lidigi;
ululiva lwu musi ligali lwinyanza lwagwa ludinyu.
9Musigu yavoola, ‘Ndavalonderera na ndavagumira,
ndagavulanyia vutugi vwavo nu kuvugura viosi viavaveeye navio.’
10Navuzwa mwika mulala kutura ku ivi Yahova,
na vandu va Egebeti vakunikwa na amazi;
viiyina kuli lisasi mu amazi manene gukutihiza.
11“O, Yahova, nivwaha munyasaye oveeye kuli yivi?
Nivwaha oveeye kuli ivi, wokogenyia mutakatifu?
Nivwaha unyala kokora vilolekizu iviokogenyia ni vinene kuli vivio?
12Wanyiira mukono gugwo mulungi.
Kandi lirova liamira avasigu viitu.
13Kuli oveeye musuvirifu ku lisuuviriza, wimilira avandu vovo va wavahonyia
kuzinguru zizio wavimilira kuduuka mu kivala kitakatifu.
14Zihiiri zimali kuhulira, kandi zidegera nuvuti;
avandu va Filisitia vaveeye nuvuti vonene ligali.
15Aviimiliri va Edomu vadegeliziywi.
Avasaza vizingulu va Moabu vadegera;
avandu va Kanaani vagotizi vuluviliri vwavo.
16Litihiza nu vuti vonene viduuki kuvo.
Valora zinguru zizio, O, Yahova,
kandi vaasingiyi no vodedekere kandi nuvuti kuduuka lwa avandu vovo vaambuka,
avandu vawavoholola kutura mu vutugwa.
17Ivi wavaleeta kandi wavaviika ku kiguru chicho,
ha vundu ha ivi, O, Yahova,
umali kotovola kuva hango hoho,
litembeli lia ivi mwene umali kwumbaka.
18Ivi, Yahova, ulava Mwami mihiga ni mihiga.”
Lwimbu lwa Miriamu
19Avandu va Isiraeli vagenda kuvitira munyanza ku lirova liumu. Navuzwa lwa magare ga vandu va Egebeti harara nizibarasi ziavo kandi navahili vazio vazia munyanza; Yahova yiranyia amazi ni gavakunika.
20Muporofeti Miriamu, mbozo Haruni, yavugula vikuli mu mukono gwigwe, na avakali vosi vaamulonda, nivakuba vikuli nivavina. 21Miriamu yaavimbira:
“Mwimbiri Yahova, kigira uguuti liguuta liu uvukumi;
umali kusiuva zibarasi harara na vahiri vazio munyanza.”
Amazi Malulu
22Maku Musa yimilira avandu va Isiraeli kutura kunyanza Nzakanyu nivingira mu changalangwi cha Shuri. Ku madiku gavaga vagenda kuvitira mu changalangwi, navuzwa sivanyoola amazi mba. 23Maku vaduuka ha vundu halangwa Mara, amazi gaali ho amalulu ligali kali sivali vanyara kuganwa mba. Yicho nicho chagira ni halangwa Mara#15:23 Mara: Mu Luheburaina liveeye kovora “Uvululu.”. 24Avandu vililira ku Musa nivateeva, “Kulanwa ki?” 25Musa yasaala niligoonya ku Yahova, na Yahova yamumanyia kedonye chu musaala, ichayalasa mu mazi; na amazi gagwa amalahi gukunwa.
Hene yaho, Yahova yavaha amalago gokomenyera, kandi yaavageliza. 26Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”
27Maku, vaduuka ha Elimu, ahaali nividaho likomi na viviri kandi misaala ja amakindu sabwini; ahene yaho valomba hokososa himbi na mazi.
Currently Selected:
KUTURA 15: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 15
15
Lwimbu lwa Musa
1Maku Musa na avandu va Isiraeli vimbira Yahova ulwimbu yilu:
“Ndimbira Yahova, kigira umali kuguuta liguuta liu vukumi:
Umali kusiuva zibarasi harara navahili vazio munyanza.
2Yahova aveeye mukingi wange wi zinguru;
niyie yenyine umali kombonyia.
Aveeye Nyasaye wange, nainzi ndamwizominya,
aveeye Nyasaye wa vaguuga vange,
kandi ndimba kigira ovonene vwivwe
3Yahova aveeye wuvulwaani;
Lieta lilie ni Yahova.
4“Yasiuva liihi lia vandu va Egebeti
kandi magare gi liihi gaavo munyanza.
Aviimiliri valio avalahi ligali
vasiuvwa munyanza Inzakanyu
5Inyanza yululiva yaavakunika;
viiyina kuduuka kulwaalo hasi munyanza kuli ligina.
6“Mukono gugwo mulungi, O, Yahova, goveeye nizinguru.
Guvunaganyia avasigu mu vidonye.
7Mu vonene vwu vukumi vuvwo, waguuta avasigu vovo,
uvutima vuvwo vwaka kandi vuvasambaa kuli uluvuva.
8Wahuuza kunyanza, na amazi gavunga igulu ligali;
gasingira igulu vulungi kuli lidigi;
ululiva lwu musi ligali lwinyanza lwagwa ludinyu.
9Musigu yavoola, ‘Ndavalonderera na ndavagumira,
ndagavulanyia vutugi vwavo nu kuvugura viosi viavaveeye navio.’
10Navuzwa mwika mulala kutura ku ivi Yahova,
na vandu va Egebeti vakunikwa na amazi;
viiyina kuli lisasi mu amazi manene gukutihiza.
11“O, Yahova, nivwaha munyasaye oveeye kuli yivi?
Nivwaha oveeye kuli ivi, wokogenyia mutakatifu?
Nivwaha unyala kokora vilolekizu iviokogenyia ni vinene kuli vivio?
12Wanyiira mukono gugwo mulungi.
Kandi lirova liamira avasigu viitu.
13Kuli oveeye musuvirifu ku lisuuviriza, wimilira avandu vovo va wavahonyia
kuzinguru zizio wavimilira kuduuka mu kivala kitakatifu.
14Zihiiri zimali kuhulira, kandi zidegera nuvuti;
avandu va Filisitia vaveeye nuvuti vonene ligali.
15Aviimiliri va Edomu vadegeliziywi.
Avasaza vizingulu va Moabu vadegera;
avandu va Kanaani vagotizi vuluviliri vwavo.
16Litihiza nu vuti vonene viduuki kuvo.
Valora zinguru zizio, O, Yahova,
kandi vaasingiyi no vodedekere kandi nuvuti kuduuka lwa avandu vovo vaambuka,
avandu vawavoholola kutura mu vutugwa.
17Ivi wavaleeta kandi wavaviika ku kiguru chicho,
ha vundu ha ivi, O, Yahova,
umali kotovola kuva hango hoho,
litembeli lia ivi mwene umali kwumbaka.
18Ivi, Yahova, ulava Mwami mihiga ni mihiga.”
Lwimbu lwa Miriamu
19Avandu va Isiraeli vagenda kuvitira munyanza ku lirova liumu. Navuzwa lwa magare ga vandu va Egebeti harara nizibarasi ziavo kandi navahili vazio vazia munyanza; Yahova yiranyia amazi ni gavakunika.
20Muporofeti Miriamu, mbozo Haruni, yavugula vikuli mu mukono gwigwe, na avakali vosi vaamulonda, nivakuba vikuli nivavina. 21Miriamu yaavimbira:
“Mwimbiri Yahova, kigira uguuti liguuta liu uvukumi;
umali kusiuva zibarasi harara na vahiri vazio munyanza.”
Amazi Malulu
22Maku Musa yimilira avandu va Isiraeli kutura kunyanza Nzakanyu nivingira mu changalangwi cha Shuri. Ku madiku gavaga vagenda kuvitira mu changalangwi, navuzwa sivanyoola amazi mba. 23Maku vaduuka ha vundu halangwa Mara, amazi gaali ho amalulu ligali kali sivali vanyara kuganwa mba. Yicho nicho chagira ni halangwa Mara#15:23 Mara: Mu Luheburaina liveeye kovora “Uvululu.”. 24Avandu vililira ku Musa nivateeva, “Kulanwa ki?” 25Musa yasaala niligoonya ku Yahova, na Yahova yamumanyia kedonye chu musaala, ichayalasa mu mazi; na amazi gagwa amalahi gukunwa.
Hene yaho, Yahova yavaha amalago gokomenyera, kandi yaavageliza. 26Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”
27Maku, vaduuka ha Elimu, ahaali nividaho likomi na viviri kandi misaala ja amakindu sabwini; ahene yaho valomba hokososa himbi na mazi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019