VAKOLOSAI 3
3
1Kunangwa ni muva ni mwasimugukizwa na Kristo, muviiki zing'anagani zienyu ku ivindu viveeye mwigulu, aha Kristo yikaye ha mukono mulungi gwa Nyasaye. 2Muviiki zing'anagani zienyu ligali ku vindu viveeye igulu, mutaganagana vindu via hasi mba. 3Munyi mwamala kukuza na livamwoyo lienyu liaviswa na Kristo mu Nyasaye. 4Kristo aveeye livamwoyo lienyu liagiligali, kandi lwa liloleka, ahene yaho munyi mulakaloleke harara naye, mu uvukumi vwivwe.
Limenya likulu ni lihia mu Kristo
5Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi. 6Vandu vegomba vindu kuli yivi, uvutima vwa Nyasaye vulaza kuvo. 7Munyi kandi mwamenya kolondekana ni likayirwa lie vindu yivi zing'inga ziavita, lwa mwamenya mu vindu via mwali ni mwamiifwa navio.
8Navuzwa kalunu gamuduukira mutuliziho vindu yivi viosi; uvutima, likayirwa lidamanu, livihirirwa, amanyego na makuva madamanu gatatula mu minwa jinyu mba. 9Mutaveherana aveene na aveene mba, kigira mumali kutulizaho liiva lia kale harara ni milima jinyu. 10Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie. 11Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi. 12Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri. 13Mwikuzirane aveene naveene, na niiva mulala aveeye ni likuva liu kwililira ku uwache, vasamiihane, kuli Mwami yamusamiiha. 14Kuvita vindu yivi viosi, muve nu uvuyanzi uvuhambanyia ivindu viosi harara vulahimu vulala vuduukiru. 15Muleke mirembe ja Kristo ahaanaa jamiihi mu mioyo jinyu, kigira mirembe yiji, Nyasaye yamulanga muuzi mwosi harara mumuviri mulala, muve kandi nilisandiza. 16Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu. 17Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.
Malago gi limenya liu Vukristayo
18Munyi avakali, mwegehizi ku vasaza vinyu, kigira yaga nigo gamudukira mukore kuli Vakrisitayo mu Mwami.
19Munyi avasaza, muyanze avakali vinyu, mutava valulu kuvo mba.
20Munyi avana, muhuliri aviivuli vinyu mu vindu viosi, kigira yaga nigo gayaanziza Nyasaye.
21Munyi viivuli, mutagondokela avana vinyu mba, kigira valakuza mioyo.
22Avatugwa, muhuliri avami vinyu vu mu lirova mu vindu viosi, sigaveeye lwa vamulola kigira mwenya vamuyaanze, navuzwa mukore vutugwa yivwo numwoyo mulahi kigira mwatia Mwami. 23Ku viosi via mukora, muyinziri numwoyo gwosi kuli avatumikiraa Mwami, gatava kuli avatumikiraa vandu mba. 24Mwizurizi ndi Nyasaye alakamuhe madanyi gayaviikila vandu veve, kigira Kristo niyie Mwami wiligali wamutumikiraa. 25Uyu okolaa uvudamanu alanyoola uvuchamu vwivwe vwa yakola, kigira sihaveeyeho niliverera kutura ku Nyasaye mba.
Currently Selected:
VAKOLOSAI 3: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
VAKOLOSAI 3
3
1Kunangwa ni muva ni mwasimugukizwa na Kristo, muviiki zing'anagani zienyu ku ivindu viveeye mwigulu, aha Kristo yikaye ha mukono mulungi gwa Nyasaye. 2Muviiki zing'anagani zienyu ligali ku vindu viveeye igulu, mutaganagana vindu via hasi mba. 3Munyi mwamala kukuza na livamwoyo lienyu liaviswa na Kristo mu Nyasaye. 4Kristo aveeye livamwoyo lienyu liagiligali, kandi lwa liloleka, ahene yaho munyi mulakaloleke harara naye, mu uvukumi vwivwe.
Limenya likulu ni lihia mu Kristo
5Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi. 6Vandu vegomba vindu kuli yivi, uvutima vwa Nyasaye vulaza kuvo. 7Munyi kandi mwamenya kolondekana ni likayirwa lie vindu yivi zing'inga ziavita, lwa mwamenya mu vindu via mwali ni mwamiifwa navio.
8Navuzwa kalunu gamuduukira mutuliziho vindu yivi viosi; uvutima, likayirwa lidamanu, livihirirwa, amanyego na makuva madamanu gatatula mu minwa jinyu mba. 9Mutaveherana aveene na aveene mba, kigira mumali kutulizaho liiva lia kale harara ni milima jinyu. 10Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie. 11Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi. 12Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri. 13Mwikuzirane aveene naveene, na niiva mulala aveeye ni likuva liu kwililira ku uwache, vasamiihane, kuli Mwami yamusamiiha. 14Kuvita vindu yivi viosi, muve nu uvuyanzi uvuhambanyia ivindu viosi harara vulahimu vulala vuduukiru. 15Muleke mirembe ja Kristo ahaanaa jamiihi mu mioyo jinyu, kigira mirembe yiji, Nyasaye yamulanga muuzi mwosi harara mumuviri mulala, muve kandi nilisandiza. 16Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu. 17Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.
Malago gi limenya liu Vukristayo
18Munyi avakali, mwegehizi ku vasaza vinyu, kigira yaga nigo gamudukira mukore kuli Vakrisitayo mu Mwami.
19Munyi avasaza, muyanze avakali vinyu, mutava valulu kuvo mba.
20Munyi avana, muhuliri aviivuli vinyu mu vindu viosi, kigira yaga nigo gayaanziza Nyasaye.
21Munyi viivuli, mutagondokela avana vinyu mba, kigira valakuza mioyo.
22Avatugwa, muhuliri avami vinyu vu mu lirova mu vindu viosi, sigaveeye lwa vamulola kigira mwenya vamuyaanze, navuzwa mukore vutugwa yivwo numwoyo mulahi kigira mwatia Mwami. 23Ku viosi via mukora, muyinziri numwoyo gwosi kuli avatumikiraa Mwami, gatava kuli avatumikiraa vandu mba. 24Mwizurizi ndi Nyasaye alakamuhe madanyi gayaviikila vandu veve, kigira Kristo niyie Mwami wiligali wamutumikiraa. 25Uyu okolaa uvudamanu alanyoola uvuchamu vwivwe vwa yakola, kigira sihaveeyeho niliverera kutura ku Nyasaye mba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019