VAKOLOSAI 4
4
1Munyi avami, muhaane ku avatugwa vinyu viu vulungi kandi viduukanu. Mwizurizi kumanya ndi munyi kandi muveeye nu Mwami mwigulu.
Amigizu Gandi
2Mumenye ligali mu lisaala kazozo, muhongere mu lilinda nu mu lisandiza Nyasaye. 3Mukusaaliri kunangwa Nyasaye aduuki kukwigulira kiliango chu kwilwaza likuva lilie liu kuvoola agaviswa ga Kristo. Yiki nicho kivuni kigira ni mbeeye muhambe. 4Musaale, inzi nduuki kugavura vulahi kuli wa ga nduukiraa mbore.
5Muve no vogeri ku vandu avatasuuvira. Mutumikiri vwiyangu ni ing'inga ya muveeye nayo vulahi. 6Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.
Mirembe ju kumaliriza
7Tukiko alamuvolera vindu viosi viveeye ku inzi, aveeye amiitu muyanze wange, mutumwa musuuvirifu, kandi mutumikiri wache mu Mwami. 8Yiki nicho kigira mutumi ku munyi; muduuki kumanya liiva llietu, kandi amuleminye mioyo 9Yaazaa harara na Onesimasi, amiitu wiitu musuuvirifu nu muyanze, oveeye mulala ku munyi. Valamuvoolera vindu viosi iviekolekaa hano.
10Arisitariko, oveeye muhambe harara na inzi umuchelizi kandi Mariko, musiala wa Baranaba wa mwahulira malago kigira ye; niiva aladuuka ku munyi; mumwingirizi. 11Joshua, ulangwa Jusito umuchelizi. Vavaga yava nivo Vayuda Vakrisitayo, avakolaa miyinzi harara ninzi kigira uvwami vwa Nyasaye; kandi vaveeye novokoonyi ku inzi ligali. 12Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye. 13Inzi mboraa nu vuluviliri ndi ayinziraa vudinyu kigira munyi kandi kigira yavo avaveeye mu Laodikia kandi avaveeye mu Hierapoli. 14Luka mwahi wi zinyasi muyanze, na Dema vamuchelizi
15Munjeliziri avaamitu vaveeye Laodikia, na Nifa, kandi likanisa livuganiraa munyumba yeeye. 16Ibarwa yiyi nimali kosomwa mu munyi, mukore esomwe kandi mu likanisa lia vandu va Laodikia: kandi munyi musome ibarwa itulaa Laodikia. 17Muvoolere Arikipo amakuva yaga, “Olole ndi udukizi muyinzi gwa wahevwa mu vutumiki vwu Mwami.”
18Inzi Paolo ng'oda ibarwa yili nu mukono gwange mwene kuhaana mirembe. Mwizurizi livoora liange. Zimbavasi zia Nyasaye zive ni munyi.
Currently Selected:
VAKOLOSAI 4: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
VAKOLOSAI 4
4
1Munyi avami, muhaane ku avatugwa vinyu viu vulungi kandi viduukanu. Mwizurizi kumanya ndi munyi kandi muveeye nu Mwami mwigulu.
Amigizu Gandi
2Mumenye ligali mu lisaala kazozo, muhongere mu lilinda nu mu lisandiza Nyasaye. 3Mukusaaliri kunangwa Nyasaye aduuki kukwigulira kiliango chu kwilwaza likuva lilie liu kuvoola agaviswa ga Kristo. Yiki nicho kivuni kigira ni mbeeye muhambe. 4Musaale, inzi nduuki kugavura vulahi kuli wa ga nduukiraa mbore.
5Muve no vogeri ku vandu avatasuuvira. Mutumikiri vwiyangu ni ing'inga ya muveeye nayo vulahi. 6Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.
Mirembe ju kumaliriza
7Tukiko alamuvolera vindu viosi viveeye ku inzi, aveeye amiitu muyanze wange, mutumwa musuuvirifu, kandi mutumikiri wache mu Mwami. 8Yiki nicho kigira mutumi ku munyi; muduuki kumanya liiva llietu, kandi amuleminye mioyo 9Yaazaa harara na Onesimasi, amiitu wiitu musuuvirifu nu muyanze, oveeye mulala ku munyi. Valamuvoolera vindu viosi iviekolekaa hano.
10Arisitariko, oveeye muhambe harara na inzi umuchelizi kandi Mariko, musiala wa Baranaba wa mwahulira malago kigira ye; niiva aladuuka ku munyi; mumwingirizi. 11Joshua, ulangwa Jusito umuchelizi. Vavaga yava nivo Vayuda Vakrisitayo, avakolaa miyinzi harara ninzi kigira uvwami vwa Nyasaye; kandi vaveeye novokoonyi ku inzi ligali. 12Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye. 13Inzi mboraa nu vuluviliri ndi ayinziraa vudinyu kigira munyi kandi kigira yavo avaveeye mu Laodikia kandi avaveeye mu Hierapoli. 14Luka mwahi wi zinyasi muyanze, na Dema vamuchelizi
15Munjeliziri avaamitu vaveeye Laodikia, na Nifa, kandi likanisa livuganiraa munyumba yeeye. 16Ibarwa yiyi nimali kosomwa mu munyi, mukore esomwe kandi mu likanisa lia vandu va Laodikia: kandi munyi musome ibarwa itulaa Laodikia. 17Muvoolere Arikipo amakuva yaga, “Olole ndi udukizi muyinzi gwa wahevwa mu vutumiki vwu Mwami.”
18Inzi Paolo ng'oda ibarwa yili nu mukono gwange mwene kuhaana mirembe. Mwizurizi livoora liange. Zimbavasi zia Nyasaye zive ni munyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019