VAKOLOSAI 2
2
1Nyenya mumanye miyinzi midinyu jandaakola kigira munyi, kandi kigira avandu avaveeye mu Laodikia, kandi kigira avandi vosi avakikiri kundola moni namoni. 2Inzi ngolaa yaga ni kivuni ndi, vaduuki koleminywa mioyo, vahambanywe harara mu vuyanzi, kunangwa vaduuki ku vutugi vwosi vwi lisuuvirizwa voletaa limanyiriza. Mu yaga; vaduuki kumanya agaviswa ga Nyasaye, agaveeye Kristo mwene. 3Kristo niyie uvula ovogeri vwosi kandi limanya lia Nyasaye.
4Mboraa yaga, kunangwa mundu kali mulala avuli kuduuka kumugada na makuva go vovehi mba, kali nigava nigaveeye malahi kuli ki. 5Kali nindaveeye nimunyi mumuviri, navuzwa mbeeye harara nimunyi mu Roho. Inzi kandi sangala kolola vugulu vwinyu vonene, ni lisingira vudinyu lie lisuuvira lienyu mu Kristo
Limenya lidukiru mu Kristo
6Kunangwa kuli mwa vugula Kristo Yeso kuva Mwami, muzizagiliri komenya ndio muye, 7musingiri vudinyu, kandi mwumbakwe muye, nu kuvikwa zinguru mu lisuuvira lienyu, kuli mwigizwa. Muve kandi ni lisandiza linyingi.
8Muhenze vulahi gase mundu woosi alamukola vahambe kandi avatugwa ku vogeri vwu mu kivala nuvugadi vwa vuzwa, vwo vogeri ni miima ja avandu vituraa ku miigizu ga avandu na mademoni gamiihaa mu vwerefu, agataveeye ga Kristo. 9Muye, koveeye ni liiva lio vuduukiru vwosi vwu uvunyasaye, vomenyaa mu Kristo, mu muviri, 10kandi mumali kohevwa uvudukiru vwosi vwi livamwoyo mu Kristo. Aveeye umutwi gwa roho jamiihaa kandi aveeye nuvunyari vwosi.
11Mulihambanywa na kristo, mu mali kukeverwa mu nilikevwa litaveeye lia makono, navuzwa ni likevwa lia Kristo, liveeye livoholore kutura kuzinguru ziu vwoni. 12Munyi mwayavilwa harara na Kristo mu libatizwa, kandi mwasimugukizwa harara naye kuvitira mu lisuuvira lienyu, mu zinguru zia Nyasaye, wa simugukiza Kristo kutura muvakuzu.
13Lwa mwaali nimwakuzira mu lihiola lienyu nu mulivula kokevwa miviri jinyu, Nyasaye yaarnuha livamwoyo harara na Kristo, yakusaameha uvwoni vwitu vwosi; 14Yaatuliza ho lilaga lia ng'oderwa kunyi mu malago, lia hing'ana nikunyi kandi yalitulizaho lwa yavikwa ku musalaba. 15Kristo uguuti roho jamiihaa vwerefu ni lirova kandi uvunyali vwosi uvivuuyi havulavu, uvimiliyi kuli vahambe mu liguuta lilie.
16Kunangwa mutaleka mundu woosi amukalagiri kigira viukulia anoho viukunwa anoho ku lidiku lie lisavo, anoho kulilonda mweli muhia, anoho lisabato mba. 17Vindu kuli yivi viveeye vuzwa ichiriri chi vindu viza; navuzwa agiligali gene gaveeye mu Kristo. 18Mutaleka mundu kali mulala amukalagiri mba, wekolaa kuva munene ligali kuvita avandu vandi kigira amalola maduukiru kandi udinyiriza liegehiza liu vugadi, kandi lisigamira lie zingelosi. Mundu kuli uyu siaveeye ni kivuni kigira niyigingiraa mu zing'anagani zizie ziumuviri mba; 19kandi yaleka kolonda Kristo oveeye mutwi gwu muviri. Mu vwimiliri vwa Kristo, muviri gwosi gu gasiziywi nu kuhambanywa harara mu viungu viagwo kandi guvirukaa kuli Nyasaye yenya guviruki.
Likuza kandi komenya harara na Kristo
20Nimuva ni mwakuza harara na Kristo ku amigizu ga kale gilirova kandi ni muhonywa kutura mu zinguru zia roho jamiihaa vwerefu, kigira ki mumenye kandi kuli yava avakikiri mu lirova yili? Kigira ki muviikirwaa amalago ga mulonda kuli, 21“Mutagumira yiki, mutazazama kila, mutadiira kila mba?” 22Vindu yivi viosi viveeye vidivaa kandi ivionekaa ulwa vitumikirwa. Viveeye vuzwa amalago namigizu galombwa na avandu. 23Mugiligali, malago yaga gaveeye kuli gidiira kovogeri mu linigwa lisigamira zingelosi, numuliegehiza liu vugadi nu mu vwikuziri mu likubiza umuviri kivi; navuzwa siviveeye vindu viu kwigalira likayirwa liu muviri mba.
Currently Selected:
VAKOLOSAI 2: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
VAKOLOSAI 2
2
1Nyenya mumanye miyinzi midinyu jandaakola kigira munyi, kandi kigira avandu avaveeye mu Laodikia, kandi kigira avandi vosi avakikiri kundola moni namoni. 2Inzi ngolaa yaga ni kivuni ndi, vaduuki koleminywa mioyo, vahambanywe harara mu vuyanzi, kunangwa vaduuki ku vutugi vwosi vwi lisuuvirizwa voletaa limanyiriza. Mu yaga; vaduuki kumanya agaviswa ga Nyasaye, agaveeye Kristo mwene. 3Kristo niyie uvula ovogeri vwosi kandi limanya lia Nyasaye.
4Mboraa yaga, kunangwa mundu kali mulala avuli kuduuka kumugada na makuva go vovehi mba, kali nigava nigaveeye malahi kuli ki. 5Kali nindaveeye nimunyi mumuviri, navuzwa mbeeye harara nimunyi mu Roho. Inzi kandi sangala kolola vugulu vwinyu vonene, ni lisingira vudinyu lie lisuuvira lienyu mu Kristo
Limenya lidukiru mu Kristo
6Kunangwa kuli mwa vugula Kristo Yeso kuva Mwami, muzizagiliri komenya ndio muye, 7musingiri vudinyu, kandi mwumbakwe muye, nu kuvikwa zinguru mu lisuuvira lienyu, kuli mwigizwa. Muve kandi ni lisandiza linyingi.
8Muhenze vulahi gase mundu woosi alamukola vahambe kandi avatugwa ku vogeri vwu mu kivala nuvugadi vwa vuzwa, vwo vogeri ni miima ja avandu vituraa ku miigizu ga avandu na mademoni gamiihaa mu vwerefu, agataveeye ga Kristo. 9Muye, koveeye ni liiva lio vuduukiru vwosi vwu uvunyasaye, vomenyaa mu Kristo, mu muviri, 10kandi mumali kohevwa uvudukiru vwosi vwi livamwoyo mu Kristo. Aveeye umutwi gwa roho jamiihaa kandi aveeye nuvunyari vwosi.
11Mulihambanywa na kristo, mu mali kukeverwa mu nilikevwa litaveeye lia makono, navuzwa ni likevwa lia Kristo, liveeye livoholore kutura kuzinguru ziu vwoni. 12Munyi mwayavilwa harara na Kristo mu libatizwa, kandi mwasimugukizwa harara naye kuvitira mu lisuuvira lienyu, mu zinguru zia Nyasaye, wa simugukiza Kristo kutura muvakuzu.
13Lwa mwaali nimwakuzira mu lihiola lienyu nu mulivula kokevwa miviri jinyu, Nyasaye yaarnuha livamwoyo harara na Kristo, yakusaameha uvwoni vwitu vwosi; 14Yaatuliza ho lilaga lia ng'oderwa kunyi mu malago, lia hing'ana nikunyi kandi yalitulizaho lwa yavikwa ku musalaba. 15Kristo uguuti roho jamiihaa vwerefu ni lirova kandi uvunyali vwosi uvivuuyi havulavu, uvimiliyi kuli vahambe mu liguuta lilie.
16Kunangwa mutaleka mundu woosi amukalagiri kigira viukulia anoho viukunwa anoho ku lidiku lie lisavo, anoho kulilonda mweli muhia, anoho lisabato mba. 17Vindu kuli yivi viveeye vuzwa ichiriri chi vindu viza; navuzwa agiligali gene gaveeye mu Kristo. 18Mutaleka mundu kali mulala amukalagiri mba, wekolaa kuva munene ligali kuvita avandu vandi kigira amalola maduukiru kandi udinyiriza liegehiza liu vugadi, kandi lisigamira lie zingelosi. Mundu kuli uyu siaveeye ni kivuni kigira niyigingiraa mu zing'anagani zizie ziumuviri mba; 19kandi yaleka kolonda Kristo oveeye mutwi gwu muviri. Mu vwimiliri vwa Kristo, muviri gwosi gu gasiziywi nu kuhambanywa harara mu viungu viagwo kandi guvirukaa kuli Nyasaye yenya guviruki.
Likuza kandi komenya harara na Kristo
20Nimuva ni mwakuza harara na Kristo ku amigizu ga kale gilirova kandi ni muhonywa kutura mu zinguru zia roho jamiihaa vwerefu, kigira ki mumenye kandi kuli yava avakikiri mu lirova yili? Kigira ki muviikirwaa amalago ga mulonda kuli, 21“Mutagumira yiki, mutazazama kila, mutadiira kila mba?” 22Vindu yivi viosi viveeye vidivaa kandi ivionekaa ulwa vitumikirwa. Viveeye vuzwa amalago namigizu galombwa na avandu. 23Mugiligali, malago yaga gaveeye kuli gidiira kovogeri mu linigwa lisigamira zingelosi, numuliegehiza liu vugadi nu mu vwikuziri mu likubiza umuviri kivi; navuzwa siviveeye vindu viu kwigalira likayirwa liu muviri mba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019