1 YOHANA 1

Likuva lie livamwoyo

1Kumung'oderaa munyi kolondekana ni Likuva lie livamwoyo iliali ho kutura mu litanga. Kwalihulira kandi kwalilora kunyi aveene, moni na moni; Yee, kwalilola kandi kwagumira kulio na amakono giitu. 2Lwi livamwoyo yili lialoleka, kwalilora kandi kwalilolekiza, kandi kumwilwazira kandi kwuvoolere livamwoyo litahera mba, iliali na Baba, kandi lialolekizwa ku kunyi. 3Kunyi kumwilwaazira cha kwalola kandi cha kwahulira, kunangwa muduuki kuva mu lisanga ni kunyi, kandi lisanga lietu liveeye harara na Baba, nu umwana weve Yeso Kristo. 4Kong'oda yaga, kunangwa uvusangari vwitu vuduuki kuduukizwa.

Nyasaye aveeye uvulavu

5Yili nilio likuva lia kwahulira kutura ku Yeso Kristo, na nigo gakumwilwaziraa, Nyasaye aveeye uvulavu, kandi muye sihaveeye ni kisundi mba. 6Nikuva ni kovora koveeye ni lisanga naye, na ni kogenda mu kisundi, kugaada kandi si komenyi kolondekana na giligali mba. 7Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

8Ni kovora sikoveeye nu uvwoni, kwigaada kunyi aveene, na giligali sigaveeye mu kunyi mba. 9Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi. 10Nikuva ni kovora sikwakola uvwoni, kokoraa Nyasaye ave mugaadi kandi likuva lilie siliveeye mu kunyi mba.

Kristo aveeye mukonyi wiitu

Currently Selected:

1 YOHANA 1: LOGOOLI

Highlight

Copy

Compare