Tito 1
1
1Paulo, mutugwa wa Nyasaye, nomutumwa wa Yesu Kristo, kuli lisuuvira lya vatovole va Nyasaye, ka ndi kuli limanya lyageligali li veye kuli litibwa lya Nyasaye, 2mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga; 3navutswa mu tsi nyinga tsitsye mwene ya lang'aminya likuva lilye mu lilwadza, lya nda kolwa mulindi kuli lilaga lya Nyasaye Muhonnyi wetu; 4ibaruwa yange yiyi i duke ku Tito, mwana wange weligali ku lugano lwelisuuvira lya ku sanga: Tsiznbabasi nemirembe gyi twulanga ku Nyasaye Dada noku Kristo Yesu Muhonnyi wetu.
5Kigira yaga nda ku leka Kirete, u duke kudukidza vindu vyosi vya gehera, nokuvika avakulundu mu madala gosi kuli nda ku laga: 6ku vosi mundu u ta li nekindu kuye, musatsa womukali mulala, u veye navana va suuvira ava ta volwa kuva avekivihiri kinga ava ta hulira 7Kigira muhenzi ga mu dukiranga a ta va nekindu kuye, kuli mulindi wa Nyasaye; a ta va muhindagiridzi, a ta va u vihirirwa bwangu, a ta va muhambiki, a ta va mukuyi, a ta va mukayirwi wevyambeti vidamano; 8navutswa a ve mwingiridzi wavageni, u yanza ubulahi, wobugeeri bwere, wobulungi, mutakatifu, welinda mwene; 9u hambana ne likuva lyobusuuvirifu li veye kuli amegidzo, a duke kunyala kutsuva avandi mu megidzo ageligali, nokulungikidza avahing'ani.
10Kigira va veye ho avanyingi avebaali, navamakuva ga vutswa navagadi, ligali yava ava veye ku vakevwa, 11ava ga dukiranga mi nwa gyavo gyi kunikwe; va veye ava i tung'aminyanga avetsinyumba vosi vegidzanga vindu vi ta dukana kigira vyambeti vidamano. 12Mulala kuvo, muprofeti wavo avene ya vola
Avakirete, kazozo va veye avavehi, tsinyama tsyomulitu tsindamano, navahuvali, avagata ava vula kukola miyinzi.
13Lilolekidza yili ni lyeligali. Kigira yaga u va gondokere, va duke kuva avagyima mu lisuuvira, 14va ta hulira tsing'ano tsya Vayuda nama lago gavandu veleha kutwula ku ageligali. 15Ku avanifu vindu vyosi vi veye vinifu: navutswa ku avadamano nava vula kusuuvira si ha li nekindu kinifu kuvo; navutswa ubugeeri bwavo nomwoyo gwavo gu gwiye mudamano. 16Veyamanga va manya Nyasaye; navutswa ku miyinzi gyavo va mweyambakana, avokuvihiriridza, nava ta hulira kandi ava ta dukana ku miyinzi gyosi milahi.
©Bible Society of Kenya, 1967