Varumi 5
5
1Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo. 2Ku nyoleye ku uyu inzira kigira lisuuvira lyokvwingira mu tsimbabasi yitsyi tsya ku singiye mu; nokusangala mu lisuuviridzwa lyobukumi bwa Nyasaye. 3Navutswa si ga li yaga geng'ine, navutswa kandi ku sangalira mu kivi kyetu: kigira ku manya kivi ki leta lyekudzira; 4kandi lyekudzira li leta libugirirwa; kandi libugirirwa li leta ubuluviriri: 5kandi ubuluviriri si bu leta tsisoni; kigira Roho Mutakatifu wa kwa hebwa, u tsuki ubuyanzi bwa Nyasaye mu myoyo gyetu. 6Kigira inyinga kwa li ni ku ta li netsingulu avene, inyinga lwa ya duka, Kristo ya kudzera avebaali. 7Kigira nu budinyu mundu kukudzera mundu mulungi: kigira mbula mundu a nyala kuluvirira kukudzera mundu mulungi. 8Navutswa Nya saye a lang'aminya ubuyanzi bwibwe ku kwinye, kigira lwa kwa li avoni, Kristo ya ku kudzera. 9Kunangwa ligali, ni ku mali kuhebwa ndi ubulungi kigira masahi gege, ku la hona ku butima bwa Nyasaye kigira iye. 10Kigira ni i va lwa kwa li avasigu, kwa hambanywa na Nyasaye ku likudza lyo Mwana wewe, ligali kuvita, ni ku mali kuhambanywa ndi, ku la honnyirwa mu livamwoyo lilye. 11Kandi si ga li yaga geng'ine, navutswa kandi ku sangalira mu Nyasaye kigira Mwami wetu Yesu Kristo, wa ku mali kunyola kuye lihambanywa kalunu.
12Kigira yaga, kuli ubwoni bwa duka mu lirova kigira mundu mulala na ndiyo kandi likudza lya duka kigira ubwoni; kandi ndiyo likudza lya duka ku vandu vosi, kigira vosi voni: 13kigira lilaga ni li kikiri kuva ho, ubwoni bwa li mu lirova; navutswa si bwa validzwa kuva bwoni inyinga lilaga li ta li ho. 14Yaga gosi, navutswa likudza lyameha kutwula Adamu nokuduka ku Musa, kali kuduka ku yavo ava vula kukola ubwoni kuli lihyola lya Adamu, u veye kifwananyi kya uyu u lidza inyima. 15Navutswa kihaanwa si ki veye kuli lihyola lva li. Kigira avanyingi ni va kudza ndi ku lihyola lyomulala, ligali kuvita tsimbabasi tsya Nyasaye nekihaanwa mu tsimbabasi tsyomundu mulala, Yesu Kristo, ki la kira ku vanyingi. 16Kandi kihaanwa yiki si kya li kuli ubwoni bwomulala: kigira likalaga lya twula ku mulala kuduka mu likalagirwa lyekivi, navutswa kihaanwa kya twula ku lihyola linyingi kuduka kya leta ubulungi. 17Kigira ni i va likudza lyameha kigira uyu mulala, ku lihyola lyomulala; Iigali kuvita yava ava vugula ubunyingi bwetsimbabasi nekihaanwa kyobulungi, va lameha mu livamwoyo ku uyu mulala, naye ni Yesu Kristo. 18Kunangwa kuli likalagirwa lya duka ku vandu vosi li twula ku lihyola lilala ukuduka ku likalagirwa kivi; kandi ndiyo ku likola lilala lyobulungi kihaanwa kya duka ku vandu vosi kya luha kya duka kuleta ubulungi bwelivamwoyo. 19Kigira kuli avanyingi va kolwa avoni kigira lihyola lyomundu mulala, kandi ndiyo ku lihulira lyomulala avanyingi va la kolwa avalungi, 20Kandi lilaga lya duka, lihyola li duke kukira; navutswa hobwoni bwa kira, tsimbabasi tsya kira ligali; 21kuli ubwoni bwameha mu likudza, kandi ndiyo tsimbabasi tsi nyala kwameha mu bulungi kuduka ku livamwoyo lyemihiga nemihiga mu Yesu Kristo Mwami wetu.
Currently Selected:
Varumi 5: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
