Vafilipi 4
4
1Kigira yaga, avamitu avayanze vange avenyangwa, ubusangali bwange, itaji yange, mwedinyiridze nu Mwami, avayanze vange. 2Ng'oonya Euodia, kandi ng'oolya Sunuduki, va ve nomwoyo mulala nu Mwami. 3Nyee, nyenya ive kandi, musangi wange weligali, u konye avakali yava, kigira va linda ivangeli halala na inze, kandi Kilementi, kandi avandi ava kola miyinzi halala na inze, avameta gavo ga veye mu kitabu kyelivamwoyo.
4Mu sangale mu Mwami kazozo: kandi nda vola, Mu sangale. 5Ubuhokya bwenyu bu mhnyekane ku vandu vosi. Mwami a veye himbi. 6Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza. 7Nemirembe gya Nyasaye, gyi vitanga limanya lyosi, gyi la linda myoyo gyenyu netsiganagani tsyenyu mu Kristo Yesu.
8Agatigaye, avamitu, gosi aga veye ageligali, gosi aga veye agelidzominywa, gosi aga veye gobulungi, gosi aga veye manifu, gosi aga yanzidzanga, gosi aga gohangwa; ni bu veye ho bulahi, ni li veye ho lidzominya, mu ganagane vindu yivi. 9Vindu vya mwega ku inze nokuvugula kandi vya mwa hulira nokulola ku inze, mu kole vindu yivi: na Nyasaye wemirembe a la va halala nemwinye.
10Navutswa nsangala ligali mu Mwami, kalunu inyima liganagana lyenyu ku inze li simuguki kandi; mu likuva yili mwa li ni mu nganaganz ligali navutswa mwa daka ubwiyangu. 11Si mbola yaga kigira ubudaka bwange: kigira inze mwene mmali kwega mu liva lyosi lya mbeye nalyo mbugirire kuva ndiyo. 12Mmanya kuli ligehidzwa li veye, kandi mmanyi kuli lizula li veye: mu vindu vyosi kandi mu makuva gosi mmali kwega inzira yokwigutidzwa kandi yokuva nenzala, kandi yokwizula kandi yokudaka. 13Nnyalanga kukola vindu vyosi mu uyu u nyalidzanga. 14Navutswa mwa kola bulahi ligali lwa mwa sanga halala na inze mu busaliri bwange. 15Kandi mwinye avene, Vafilipi, mu manyi mu litanga lyevangeli, lwa nda twula Makedonia, si ha li nelivugana lindi lya sanga halala ninze mu lihaana nomu livugula, ni mu ta li mwinye mweng'ine; 16kigira kali mu Tesalonike inyinga indala, kandi inyirga yindi mwa ndetera ubukonyi mu budaka bwa nge. 17Si nda kayirwa kihaanwa; navutswa nyenya makuyu ga medeke ku mwinye. 18Navutswa mbeye nevindu vi duki kandi vi viti: kandi nziguti, mmali kunyola vindu vya twula ku mwinye mu makono ga Epafradito, vi veye mwayu gwelifunya lilahi, vi veye isadaka yokubugirirwa kandi yokuyanzidza Nyasaye. 19Nyasaye wange a lizulitsa ubu daka bwenyu bwosi ku lugano lwobutugi bwibwe mu bukumi mu Kristo Yesu. 20Kalunu ku Nyasaye wetu, naye ni Dada wetu, ubukumi bu ve kuye mihiga nemihiga. Amini.
21Mu chelidze avatakatifu vosi va veye mu Kristo Yesu. Avamitu vetu ava veye halala na inze va mu chelidza. 22Avatakatifu vosi va mu chelidza, ligali avenyumba ya Kaisari. 23Tsimbabasi tsya Yesu Kristo tsi ve halala na roho gwenyu.
Currently Selected:
Vafilipi 4: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
