Popular Bible Verses from Vafilipi 4

Share

Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.

Nemirembe gya Nyasaye, gyi vitanga limanya lyosi, gyi la linda myoyo gyenyu netsiganagani tsyenyu mu Kristo Yesu.

Agatigaye, avamitu, gosi aga veye ageligali, gosi aga veye agelidzominywa, gosi aga veye gobulungi, gosi aga veye manifu, gosi aga yanzidzanga, gosi aga gohangwa; ni bu veye ho bulahi, ni li veye ho lidzominya, mu ganagane vindu yivi.

Nnyalanga kukola vindu vyosi mu uyu u nyalidzanga.

Mu sangale mu Mwami kazozo: kandi nda vola, Mu sangale.

Nyasaye wange a lizulitsa ubu daka bwenyu bwosi ku lugano lwobutugi bwibwe mu bukumi mu Kristo Yesu.

Vindu vya mwega ku inze nokuvugula kandi vya mwa hulira nokulola ku inze, mu kole vindu yivi: na Nyasaye wemirembe a la va halala nemwinye.

Ubuhokya bwenyu bu mhnyekane ku vandu vosi. Mwami a veye himbi.

Mmanya kuli ligehidzwa li veye, kandi mmanyi kuli lizula li veye: mu vindu vyosi kandi mu makuva gosi mmali kwega inzira yokwigutidzwa kandi yokuva nenzala, kandi yokwizula kandi yokudaka.

Si mbola yaga kigira ubudaka bwange: kigira inze mwene mmali kwega mu liva lyosi lya mbeye nalyo mbugirire kuva ndiyo.