Obadia 1
1
1Yili ni lilola lya Obadia. Mwami Yahova a vola ndi ku Edom: Ku huliye makuva ga twula ku Yahova, na mutumwa u tumwa mu tsihiri, kuvola, Mu vuke ku singire kulwane naye bulwani. 2Henza, nkoli ive kuva muke mu tsihiri: u legangwa ligali. 3Luyai lwomwoyo gugwo lu ku gadi, O ive u menyanga mu tsimbangaywa tsyolwanda, wobumenyo bubwo bu veye igulu, a volanga mmwoyo gwigwe, Ni bwaha u nyala kunzikidza kuduka hasi? 4Kali ni weduda igulu kuli kihungu, kali inyumba yoyo ni ya vikwa mu tsing'ereng'ani, nda kwikidza hasi kutwula yo, Yahova a vola.
5Avivi ni va duka ku ive, avanuli ni va duka inyinga yobudiku (litwulidzwa lilyo li la duka kuli ndi) si va liva kuduka va nyole vi va duka? Na ava noganga mazabibu ni vadza ku ive, si va la leka mazabibu gandi ga dolwe lwenyima? 6Vindu vya Esau viderangwa kuduka kuli ndi na akiba yeye ya viswa yiderangwa kuduka kuli ndi 7Avandu vosi avelihambana lilyo va ku hila imbiri ku inzira yoyo, kuduka ku lwako: avandu va li nemirembe ku ive va ku gada, na va ku guuta; yava ava lagiranga ubukima bubwo va tegi mutego isi wowo: si a veye nelimanya muye. 8Yahova a vola, Lidiku yilyo, si nda dividza avageeri va Edom, na oveli manya mu kigulu kya Esau? 9Navandu vovo vetsingulu, O Teman, va la tihidzwa, kuduka avasatsa vosi va twulidzwe neliitwa, kutwula mu kigulu kya Esau.
10Kigira kirage kya uyu amwavo wowo Yakobo ya kolerwa, tsisoni tsi la kukunika, na u la twulidzwa mihiga nemihiga. 11Ku lidiku lya wa singira hangereka, ku lidiku lyavageni va hila vindu vivye, navetsihiri tsindi vingira mu viribwa vivve, nokukola ikura ku Yerusalemi, kali ive wa li kuli mulala kuvo. 12Navutswaive u ta henza ku lidiku lyamwavo wowo mu lidiku lyekivi kikye, u ta sangala ku avana va Yuda mu lidiku lyelidividzwa lyavo; kandi u ta vola noluyai mu lidiku lyobusaliri. 13U tingira mu kiribwa kyavandu vange ku lidiku lyekivi kyavo; yee, u ta henza kulola ubusaliri bwavo mu lidiku lyekivi kyavo, kandi u ta vika makono ku vindu vyavo mmadiku gekivi kyavo. 14Na u ta singira ha bwavukaniru bwetsinzira, kukalaga avandu veve ava honanga; u ta haana avandu veve ava tigala ku lidiku lyobusaliri.
15Kigira lidiku lya Yahova li veye ahimbi ku tsihiri tsyosi: kuli wa kola yaga, na ive u la kolerwa ndiyo; litunga lilye li lirana ku mutwe gugwo mwene. 16Kigira kuli mwa nwa mu kigulu kyange kitakatifu, ni ndiyo tsihiri tsyosi tsi la nwa kazozo; yee, va la nwa, nokumira, na va la va kuli ava ta li ho ligali.
17Navutswa mu kigulu kya Zioni va la va ho ava honanga, na ki la va kitakatifu; na inyumba ya Yakobo va la vugula miyandu gyavo. 18Inyumba ya Yakobo i la va muliru, na inyumba ya Yosefa i la va lumemo, na inyumba ya Esau i la va luvuva, na va laaka hagati havo, nokuvasamba; si va la tigala mundu kali mulala mu inyumba ya Esau; kigira Yahova u mali kuvola likuva yili. 19Navo ku luvega lwa Kusini va la vugula kigulu kya Esau, na vekivala kyekereremo va la vugula Vafilisiti, na va la vugula mulimi gwa Efiraim, nomulimi gwa Samaria; Benjamini a la vugula Gileadi. 20Na vadikidzwa velihe lyavana va Israeli, ava veye hagati ha Vakanani, va la vugula kivala kuduka Zerefathu; na yavo avadikidzwa va Yerusalemi, ava veye Sefaradi va la vugula madala goluvega lwa Kusini. 21Navahonnyi va lanegira ku kigulu kya Zioni kukalagira kigulu kya Esau; nobwami bu la va bwa Yahova.
Currently Selected:
Obadia 1: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
