Livalidza 29
29
1Kandi ku mweli gwa katano na kaviri, ku lidiku lyokutanga lyomweli, mu la va nelivugana litakatifu, si mu la kola miyinzi gyobutugwa: li veye ku mwinye lidiku lyokukupa visiliva. 2Na mu la haana kihaanwa kyokusambwa kuva kyokufunya mwayu ku Yahova: igiriki isoleli indala, ligondi likole lilala, vimeme vyamagondi vikole vyomuhiga mulala, vidukiru; 3halala nekihaanwa kyavyo kyobusie bunyuki bu tsukanyeywi na maguta, vidieli vivaka vyelikumi ku igiriki, na vidieli viviri vyelikumi ku ligondi likole, 4na kidieli kilala kyelikumi ku kimeme sa kilala kyevimeme vitano na viviri; 5na imbuli ikole indala kuva kihaanwa kyobwoni, kumukolera hyokukunika ubwoni bwenyu; 6limeda ku kihaanwa kyokusambwa kyomweli muhya, na kihaanwa kyobusie bwayo, na kihaanwa kyokusambwa kya madiku gosi, na kihaanwa kyobusie kyavyo, na vihaanwa vyavyo vyokunwa, kuli lilaga lyavyo, kuva kyokufunya mwayu, kihaanwa ki lomberwa Yahova nomuliru.
7Kandi ku Irdiku lyelikumi lyomweli gwa katano na kaviri yigu, mu la va nelivugana litakatifu; mu levereridza myoyo gyenyu: si mu la kola miyinzi kali mulala kulyo; 8navutswa mu la haana kinaanwa kyokusambwa ku Yahova kuva kyokufunya mwayu: igiriki isoleli indala, na ligondi likole lilala, na vimeme vikole vyamagondi vyomuhiga mulala vitano na viviri; vi la va ku mwinye vidukiru; 9halala na kihaanwa kyavyo kyobusie, busie bunyuki bu tsukanyeywi na maguta, vidieli vivaka vyelikumi ku igiriki, na vidieli viviri vyelikumi ku ligondi likole lilala, 10kidieli kilala kyelikumi ku vimeme vyamagondi vitano na viviri sa kilala: 11imbuli ikole indala kuva kihaanwa kyobwoni; kuvita kihaanwa kyobwoni kyokukunika ubwoni, na kihaanwa kyokusambwa kya madiku gosi, na kihaanwa kyakyo kyobusie na vihaanwa vyavyo vyokunwa.
12Na ku lidiku lyelikumi na gatano Iynmweli gwa gatano na gaviri mu la va nelivugana litakatifu; si mu la kola miyinzi gyobutugwa kali bulala, na mu la lomba lilia ku Yahova lyamadiku gatano na gaviri: 13na mu la haana kihaanwa kyokusambwa, kihaanwa ki lombangwa nomuliru kuva kyokufunya mwayu ku Yahova; tsigiriki tsisoleli likumi na tsivaka, magondi makole gaviri, vimeme vikole vyamagondi vyomuhiga mulala likumi na vine; vi la va vidukiru; 14na liihaanwa kyobusie kyavyo, busie bunyuki bu tsukanyeywi na maguta, vidieli vivaka vyelikumi ku igiriki indala, ku yitsyo likumi na tsivaka, vidieli viviri vyelikumi ku magondi sa lilala, ku magondi yaga gaviri, 15na kidieli kilala kyelikumi ku vimeme likumi na vine sa kilala; 16na imbuli ikole kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyobusie kyakyo, na kihaanwa kyakyo kyokunwa.
17Na lidiku lya kaviri mu la leta tsigiriki tsisoleli likumi na tsiviri, magondi makole gaviri, vimeme vyamagondi vyomuhiga mulala likumi na vine, vidukiru; 18na kihaanwa kyavyo kvobusie nevihaanwa vyavyo vyokunwa ku tsigiriki, ku magondi makole, na ku vimeme, kuli livalidzwa lyavyo, kuli lilaga; 19na imbuli ikole indala kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyobusie kyakyo, na vihaanwa vyavyo vyokunwa.
20Na ku lidiku lya kavaka mu la leta tsigiriki likumi na indala, magondi makole gaviri, vimeme vyamagondi vikole vyamuhiga mulala, likumi na vine, vidukiru; 21na kihaanwa kyavyo kyobusie, na vihaanwa vyavyo vyokunwa ku tsigiriki, noku magondi makole, noku vimeme, kuli livalidzwa lyavyo, na kuli lilaga; 22na imbuli ikole indala kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyakyo kyobusie, na kihaanwa kyakyo kyokunwa.
23Na ku lidiku lya kane mu la leta tsigiriki likumi, magondi makole gaviri, vimeme vyamagondi vikole vyomuhiga mulala vidukiru likumi na vine; 24kihaanwa kyavyo kyobusie, na vihaanwa vyavyo vyokunwa ku tsigiriki, noku magondi makole, noku vimeme, kuli livalidzwa lyavyo, kuli lilaga; 25na imbuli ikole indala kuva kihaanwa kyobwoni; kuvita kihaanwa kyokusambwa kya madiku gosi, kihaanwa kyavyo kyobusie, na kihaanwa kyavvo kyokunwa.
26Na ku lidiku lya gatano mu la leta tsigiriki tsitano na tsine, na magondi makole gaviri, na vimeme vyamagondi vikole vyomuhiga mulala likumi na vine vidukiru; 27na kihaanwa kyavyo kyobusie, na vihaanwa vyavyo vyokunwa, ku tsigiriki, noku magondi makole, noku vimeme, kuli livalidzwa lyavyo, kuli lilaga; 28na imbuli ikole kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyavyo kyovusie, na kihaanwa kyavyo kyokunwa.
29Na ku lidiku lya gatano na lilala mu la leta tsigiriki tsitano na tsivaka, magondi makole gaviri, vimeme vyamagondi vikole vyomuhiga mulala likumi na vine vidukiru; 30na kihaanwa kyavyo kyobusie, na vihaanwa vyavyo vyokunwa ku tsigiriki, noku magondi makole, noku vimeme, kuli livalidzwa lyavyo, kuli lilaga; 31na imbuli ikole indala kuva kihaanwa kyobwoni; kuvita kihaanwa kyokusambwa kya madiku gosi, kihaanwa kyakyo kyobusie, na vihaanwa vyavyo vyokunwa.
32Na ku lidiku lya gatano na gaviri mu la leta tsigiriki tsitano na tsiviri, magondi makole gaviri, vimeme vikole vyamagondi vyomuhiga mulala likumi na vine vidukiru; 33na kihaanwa kyavyo kyobusie na vihaanwa vyavyo vyokunwa ku tsigiriki, noku magondi makole, noku vimeme, kuli livalidzwa lyavyo, kuli lilaga; 34na imbuli ikole indala kuva kihaanwa kyobwoni; kuvita kihaanwa kyokusambwa kya madiku gosi, kihaanwa kyavyo kyobusie, na kihaanwa kyavyo kyokunwa.
35Na ku lidiku lya gatano na gavaka mu la va nelivugana lyobwehozeridzi: si mu la kola miyinzi gyobutugwa; 36navutswa mu la leta kihaanwa kyokusambwa, kihaanwa ki haanangwa nomuliru, kyelifunya mwayu ku Yahova: igiriki indala, ligondi likole, vimeme vyamagondi vikole vyomuhiga mulala vitano na viviri vidukiru; 37kihaanwa kyavyo kyobusie, na vihaanwa vyavyo vyokunwa ku igiriki, noku livondi likole, noku vimeme vi la va kuli livalidzwa lyavyo, kuii lilaga: 38na imbuli ikole kuva kihaanwa kyobwoni; kuvita kihaanwa kyokusambwa kya madiku gosi, na kihaanwa kyavyo kyobusie, na kihaanwa kyavyo kyokunwa.
39Vihaanua yivi mu la haana ku Yahova mu lilia lyenyu lya lagwa, kuvita vyokwisuha vyenyu, na vihaanwa vyenyu vya mwenya kutwulidza nomwoyo gwobuyanzi, nokuva vihaanwa vyenyu vyokusambwa nokuva vihaanwa vyenyu vyobusie no'kuva vihaanwa vyenyu vyokunwa, nokuva vihaanwa vyenyu vyemirembe. 40Na Musa ya volera avana va Israeli kuli gosi ga Yahova ya laga Musa.
©Bible Society of Kenya, 1967