Kyavalevi 23
23
1Kandi Yahova ya volera Musa, na a vola, 2U volere avana va Israeli, nokuvavola, Lilia lugano lugano lya Yahova ya singeridza, lya mu la landidza kuva mavugano matakatifu, yaga ga veye malia gange. 3Madiku gatano na lilala mu la kola miyinzi: navutswa ku lidiku lya gatano na gaviri, li veye lisabato lyokusosa, li veye livugana litakatifu; mu ta kola mwinzi kali mulala: li veye lisabato ku Yahova mu bumenyo bwenyu bwosi.
4Yaga na malia ga Yahova a singeridza, ga veye mavugano matakatifu, ga mu la landidza ku tsinvinga tsyago. 5Mu mweli gwokutanga ku lidiku lya likumi na gane lyomweli, inyinga ya mgolova, li veye lipasaka lya Yahova. 6Noku lidiku lya likumi na gatano lyomweli zana, li veye lilia lyobukima bu ta li na mamera ku Yahova: madiku gatano na gaviri mu la lia ubukima bu ta li na mamera. 7Lidiku lyokutanga mu la va nelivugana litakatifu: mu ta kola miyinzi gyobutugwa kali mulala mba. 8Navutswa mu la haana kihaanwa nomuliru ku Yahova madiku gatano na gaviri: na lidiku li kola gatano na gaviri li la va livugana litakatifu; mu ta kola miyinzi gyobutugwa kali mulala mba.
9Kandi Yahova ya volera Musa, na a vola, 10U volere avana va Israeli nokuvavolera, Lwa mu mali kwingira mu kivala kya mmu hedzanga, nokugesa ligesa lyakyo, hene yaho mu la leta ku musalisi kiganda kyoluhya lweligesa lyenyu: 11naye a la hungudza kiganda imbiri wa Yahova, kubugirirwa kigira mwinye: ku mugamba gu londa lisabato, musalisi a la ki hungudza. 12Na ku lidiku lya mu hungudza kiganda, mu la leta kimeme kekole kyeligondi lidukanu, lyomuhiga mulala, li ve kihaanwa ku Yahova. 13Na kihaanwa kyobusie kyalyo, ki la va vidieli viviri vyelikumi vya efa yobusie bunyuki bu tsukanywa maguta, kuva kihaanwa kya lombwa nomuliru ku Yahova kuva mwayu mulahi; na kihaanwa kyabwo kyokunwa ki la va lwaini kidieli kilala kyevine kyehin. 14Na mu ta lagira ubukima, kinga mahengere, kinga vihululiru, kuduka ku lidiku lya mu leta kihaanwa kya Nyasaye wenyu: yili li veye lilaga lyemihiga nemihiga mu visukululwi vyenyu mu limenya lyenyu lyosi.
15Kandi mu levalidzira masabato gatano na gaviri kutwula ku mugamba gwelisabato, kutwula ku lidiku lya mwa leta kiganda kye kihaanwa kyokuhungudzwa; ha la va masabato gatano na gaviri; 16kuduka ku mugamba gu londa lisabato lya gatano na gaviri, mu la validza madiku makum gatano; na mu la letera Yahova kihaanwa kyobusie kihya. 17Mu la twulidza mu tsinyumba tsyenyu ubukima tsimango tsiviri tsyokuhungudzwa tsya vidieli viviri vyelikumi vya efa: tsi la va tsyobusie bunyuki, tsi la va tsyominywa halala na mamera, kuva ubuhya ku Yahova. 18Na halala nobukima mu la leta vimeme vyamagondi vitano na viviri vidukanu vyomuhiga mulala, kandi kimoli kigiriki, kandi magondi makole gaviri: vi la va kihaanwa kyokusambwa ku Yal ova halala na kihaanwa kyavyo kyobusie, na vihaanwa vyakyo vyokunwa, kuva kihaanwa kyomwayu mulahi kya lombwa nomuliru ku Yahova 19Kandi mu la leta imbuli ikole kuva kihaanwa kyobwoni, na vime ne vyamagondi vikole vyomuhiga mulala kuva vihaanwa vyemirembe. 20Na musalisi a la vi hungudza halala nobukima bwobuhya, kuva kihaanwa kyokuhungudzwa imbiri wa Yahova, halala na vimeme vyamagondi: vi la va vitakatifu ku Yahova vyomusalisi. 21Na mu la landidza ku lidiku zana yilyo; ha la va nelivugana litakatifu ku mwinye; mu ta kola miyinzi gyobutugwa kali mulala: yili li la va lilaga lyemihiga nemihiga mu tsinyumba tsyenyu tsyosi mu visukululwi vyenyu.
22Na lwa mu gesa ligesa lyekivala kyenyu, mu ta gesa tsinzako tsyomulimi gugwo ligali mba, kandi u ta doleridza mu luvuva lweligesa lilyo: u la vi lekera mudaka, na vageni: inze mbeye Yahova Nyasaye wenyu.
23Kandi Yahova ya volera Musa, na a vola, 24U volere avana va Israeli, nokuvola, Mu mweli gwegyitano na gyiviri, ku lidiku lyokutanga mweli, li la va lisosa ku mwinye, li la va lidzulitsa lyokukupa visiliva, li veye livugana litakatifu. 25Mu ta kola miyinzi gyobutugwa kali mulala; na mu la letera Yahova kihaanwa kyokulombwa nomuliru.
26Na Yahova ya volera Musa na a vola, 27Navutswa ku lidiku lyelikumi lyomweli yigu gwegyitano na gyiviri, li veye lidiku lyokulomba kyokukunika ubwoni: li la va livugana litakatifu ku mwinye, na mu levika mu kivi; na mu la letera Yahova kihaanwa kyokulombwa nomuliru. 28Na mu la vula kukola miyinzi kali mulala mu lidiku yilikigira li veye lidiku lyokukunika ubwoni, kumulombera kyokukunika ubwoni bwenyu imbiri wa Yahova Nyasaye wenyu. 29Kigira ku vosi uyu u tevika mu kivi ku lidiku zana yilyo; uyu a la kalagwa kutwula ku avandu veve. 30Kandi ku vosi mundu u kola miyinzi ku tsing ano tsyosi ku lidiku zana, uyu nda rnu dividza a twule mu avandu veve. 31Mu ta kola mivinzi ku tsing'ano tsyosi: yili li veye lilaga lyemihiga nemihiga mu visukululwi vyenyu mu tsinyumba tsyenyu tsyosi. 32Li la va ku mwinye lisabato lyokusosa na mwinye mu levika mu kivi: ku lidiku lyagatano na gane lyomweli inyinga ya mgolova, kutwula mgolova kuduka mgolova, mu la gumira lisabato lyenyu.
33Na Yahova ya volera Musa, na a vola, 34U volere avana va Israeli, nokuvola, Ku lidiku iyelikumi na gatano lyomweli gwa gyitano na gyiviri, li veye lilia lyamadiri kuduka madiku gatano na gaviri ku Yahova. 35Ku lidiku lyokutanga li la va livugana litakatifu: mu ta kola miyinzi gyobutugwa. 36Madiku gatano na gaviri mu la letera Yahova kihaanwa kyokulombwa nomuliru: na ku lidiku lyegatano na gavaka li la va livugana litakatifu ku mwinye; na mu la letera Yahova kihaanwa kyokulombwa nomuliru: li veye livugana litakatifu; mu la vula ku kola miyinzi gyobutugwa kali mulala.
37Yaga ga veye malia lugano lugano ga Yahova ya singeridza, aga mu li landidza kuva mavugano matakatifu, kuletera Yahova kihaanwa kyokulombwa nomuliru, Kihaanwa kyokusambwa, na kihaanwa kyobusie, na kihaanwa, na vihaanwa vyokunwa, sa kilala ku lidiku lyakyo; 38kuvita amasabato ga Yahova nokuvita vihaanwa vyenyu, nokuvita lilagana lyenyu lyosi, nokuvita vyosi vya mu haananga nobuyanzi, vya mu haananga ku Yahova.
39Navutswa lidiku lyelikumi na gatano lyomweli gwa gyitano na l gyiviri, lwa mu vungidzi nokuvika lyama lyekivala, mu la singeridza lilia lya Yahova lya madiku gatano na gaviri: ku lidiku lyokutanga li la va lisosa litakatifu, kandi ku lidiku lyagatano na gavaka li la va lisosa litakatifu. 40Ku lidiku lyokutanga mu la vugula makuyu gemisala milahi, na amatu gamakindu, na tsisya tsyemisala tsindindanu, na misala gyi meranga ku visenukiru vya amadzi; na mu la sangala imbiri wa Yahova Nyasaye wenyu madiku gatano na gaviri. 41Na mu la li gumira li ve lilia ku Yahova madiku gatano na gaviri mu muhiga: yili li veye lilaga lyemihiga nemihiga mu visukululwi vyenyu; mu la li singeridza mu mweli gwegyitano na gyiviri. 42Mu la menya mu madiri madiku eatano na gaviri: vosi avimadiku gatano na gaviri; vosi avivulwa ava Israeli va la menya mu madiri; 43visukululwi vyenyu vi duke kumanya ga nda kolera avana va Israeli kumenya mu madiri, lwa nda va leta kutwula mu kivala kya Egepeti: inze mbeye Yahova Nyasaye wenyu. 44Na Musa ya gambira avana va Israeli malia ga Yahova ya singeridza.
©Bible Society of Kenya, 1967