Joshua 6
6
1Ma Yeriko lya li lya hanwa ligali kigira avana va Israeli: si ha ve nomundu u tsitsanga kyova, si ha ve no wingiranga mu. 2Yahova ya volera Joshua, Henza, mbiki Yeriko mmukono gugwo, nomwami walyo, na avandu avaluviriri avobunyali. 3Na mu la kumberidza lidala, avasatsa vosi avelihe, mu la ku nberidza lidala inyinga indala. U la kola ndiyo madiku gatano nelilala. 4Kandi avasalisi vatano na vaviri va la ginga visiliva vitano na viviri vyetsinziga tsyamagondi makole imbiri welisanduku: lidiku li kola gatano na gaviri mu la kumberidza lidala hali gatano na kaviri, na avasalisi va la kupa visiliva. 5Na ga la va, lwa, va kupa ligali tsinziga tsyamagondi makole na lwa mu hulira mwoyo gwekisiliva, avandu vosi va la kupa luku nomwoyo munene iigali; nolugaga lwelidala lu la gwa hasi, na avandu va lanegira sa mulala kulungika imbiri wewe. 6Na Joshua mwana wa Nuni ya langa avasalisi, na a va volera, Mu ginge lisanduku lyelilagana, kandi avasalisi vatano na vaviri va ginge, visiliva vitano na viviri vyetsinziga tsyamagondi makole va tsie natsyo imbiri welisanduku lya Yahova. 7Na ya volera avandu, Mu vite mu tsie kukumberidza lidala, na avandu avevyuma va tsie imbiri welisanduku lya Yahova.
8Kunangwa, lwa Joshua ya mala kuvolera avandu, avasalisi vatano na vaviri va ginganga visiliva vitano na viviri vyetsinziga tsyamagondi makole imbiri wa Yahova, vimira, na va kupa visiliva zana: na lisanduku lyelilagana lya Yahova lya va londa. 9Na avasatsa avevyuma yavo vimira imbiri wa avasalisi ava kupanga visiIiva, nekiduma kyavandu kya londa Iisanduku, na avasalisi va kupanga visiliva lwa va gendanga. 10Na Joshua ya laga avandu, na a va volera, Mu ta kupa luku, kinga myoyo gyenyu gyi ta hulirwa mba, kinga likuva kali lilala li ta twula mu minwa gyenyu, kuduka ku lidiku lya ndi mu volera kukupa luku, kunangwa mu la kupa luku. 11Kunangwa ya hila lisanduku lya Yahova li kumberidze lidala, na ndiyo ya kumberidza lidala inyinga indala: navo virana mu hokusosa, nokugona mu hokusosa.
12Ma Joshua ya vuka mabwebwe, na avasalisi va ginga lisanduku lya Yahova. 13Na avasalisi vatano na vaviri va ginga visiliva vitano na viviri vyetsinziga tsyamagondi makole va hongera kutsia imbiri welisanduku lya Yahova, nokukupa visiliva: na avasatsa vosi avevyuma vimira imbiri wavo; navenyima va londa lisanduku lya Yahova, na avasalisi va kupanga visiliva lwa va tsitsanga. 14Ku lidiku lya kaviri va kumberidza lidala inyinga indala, navo virana mu hokusosa: na va kola ndiyo madilku gatano na lilala.
15Ga duka ku lidiku li kola gatano na gaviri, va vuka mabwebwe ligali lwa bwa kya, na va kumberidza lidala kuli ndiyo hali gatano na kaviri: navutswa ku lidiku yilyo va kumberidza lidala hali gatano na kaviri. 16Na ga duka kuva hali gatano na gaviri, lwa avasalisi va kupa visiliva Joshua ya volera avandu, Mu kupe luku; kigira Yahova u mali ku mu ha lidala yilyo. 17Na lidala lyosi li la gimwa, lyene na vyosi vi veye mulyo, ku Yahova: na a ta li Rahabu wamalaya, uyu a la va mwoyo, navo vosi ava veye halala naye mu inyumba yeye, kigira ya visa avatumwa va kwa tuma. 18Na mwinye, ligali mu legaya avene ku kindu ki gimiywi, gase mu lelaama avene lwa mu vugula kindu kya gimwa: na ku inkuva yiyi mu kole hokusosa ha Israeli ha laamwe nokuhadambidza. 19Navutswa if etha yosi, na ithahabu yosi na viju vyosi vyomugasa ne vyekivya, vi la va vitakatifu ku Yahova: vi la letwa vyosi nokuvikwa mu livika lyakiba ya Yahova. 20Kunangwa avandu va kupa luku, na auasalisi va kupa visiliva: ma ga duka, lwa avandu yava va hulira mwoyo gwevisiliva, hene yaho avandu va kupa luku nomwoyo munene ligali, lugaga lwelidala lwa gwa hasi ligali, kuduka avandu vanegira ni vingira mu lidala, mundu sa mulala ku lungika imbiri wewe, na va vugula lidala. 21Navo va dividza ligali vyosi vya li mu lidala, vasatsa na vakali, avana na vasakulu, ing'ombe na ligondi, nesukiri, va viita vyosi nobwogi bwekivavi.
22Ma Joshua ya volera avandu vaviri ava li valuti vekivala, mu tsie mwingire mu inyumba ya wamalaya uyu, mu twulidze mukali uyu, nevindu vyosi vya a veye navyo, kuli mwamwisuhira. 23Kunangwa avasoleli yavo avaluti vingira, na va twulidza Rahabu, na dada wewe, na mama wewe, na vamwavo veve, na vyosi vya ya li navyo, aviko veve vosi; va va vika kyova hokusosa ha Israeli. 24Ma lidala va li samba nomuliru, nevindu vyosi vya li mulyo; navutswa ifetha, na ithahabu, neviju vyomugasa nevyekivya, va vi vika mu livika lyakiba mu inyumba ya Yahova. 25Navutswa Rahabu wamalaya, na avandu venyumba ya dada wewe, na vyosi vya a veye'havyo, Joshua ya va honnya kuva mwoyo; naye ya menya hagati ha Israeli kuduka lero, kigira ya visa avatumwa, ava Joshua ya tuma kuluta lidala lya Yeriko. 26Na Joshua ya visuhidza lyesuha inyinga yeyo, na a va volera, A laamwe imbiri wa Yahova, mundu uyu ku vosi u singira kwombaka kandi lidala yili lya Yeriko: a la tema muse gwalyo neligota lyomwana wewe wa tanga kwivulwa, na a la singiridza viribwa vyalyo nomwana wewe muyai mukogoti. 27Ni ndiyo Yahova ya li halala na Joshua; lidzominywa lilye lya landa mkivala yikyo kyosi.
©Bible Society of Kenya, 1967