Joshua 19
19
1Ne kidieli kya kaviri kya loleka kuva kya Simeoni, ki veye kigira ihiri yavana va Simeoni kuli ubwiko bwavo: nemiyandu gyavo gya li hagati hemiyandu gyavana va Yuda. 2Navo va li na madala yaga mu miyandu gyavo Beersheba kinga Sheba, na Molada, 3na Hazarushuali, na Baala, na Ezem, 4na Elitoladi, na Bethueli, na Horma, 5na Zikilagu, na Bethmarikabothu, na Hazarsusa, 6na Bethlebaothu, na Sharuhen; madala likumi na gavaka halala notudala twago: 7Ain, Rimon, na Etheri, na Ashan; madala gane halala notudala twago: 8na tudala twosi twa kumberidza madala yago hosi kuduka Baalathubeeri, Rama lya Kusini. Yigyi nigyo miyandu gyehiri yavana va Simeoni kuli ubwiko bwavo. 9Miyandu gyavana va Simeoni gya twula ku lwako lwavana va Yudakigira kidieli kyavana va Yuda kya li kinene kuvo: kigira yaga avana va Simeoni va veye nemiyandu hagati hemiyandu gyavo.
10Na kidieli kya kavaka kya loleka kuva kyavana va Zebuloni kuli ubwiko bwavo. Na lwako lwemiyandu gyavo lwa duka Saridi; 11na lwako lwavo lwanegira kuvita ku luvega lwemadioli, kuduka Marala, na lwa tsia kuduka Dabeshethu; na lwa duka ku mugera gu henza ku Jokineam; 12na lwa vodonkana kutwula Saridi kuvita ku luvega lwevugwi kuhenza butwuliru bweliuva kuduka ku lwako lwa Kisilothu taboru; na lwa twula kuduka Dabera thu, na lwanegira kutsia Jafia; 13na kutwula yaho lwa tsia kuhenza ivugwi kuduka Gathheferi, kuduka Ethikazin; na lwa twulira ha Rimon kuduka ku Nea; 14na lwako lwa vodonkana kivala yikyo ku luvega lwa kasikasini kuduka Hanathon; ne kiheri kyalwo kya li mu livona lya I Ifitaheli; 15na Katathu, na Nahalali, na Shimiron, na Idala, na Bethlehemu: amadala likumi na gaviri halala notudala twago. 16Yigyi nigyo miyandu gyavandu va Zebuloni kuli ubwiko bwavo, na madala yaga notudala twago.
17Na kidieli kya kane kya loleka kuva kya Isakari, kali kuva kyavana va Isakari kuli ubwiko bwavo. 18Na lwako lwavo lwa duka Jezireeli, na Kesulothu, na Shunem, 19na Hafaraim, na Shion, na Anaharathu, 20na Rabithu, na Kishion, na Ebezu, 21na Remethu, na Enganim, na Enhada, na Bethpazezu, 22no lwako zana lwa duka Taboru, na Shahazuma, na Bethshemeshi; nekiheri kyolwako lwavo kya li mmugera gwa Yordani: madala likumi na gatano na lilala notudala twago. 23Yigyi nigyo miyandu gyehiri yavana va Isakari kuli ubwiko bwavo, madala yaga halala notudala twago.
24Ne kidieli kya katano kya loleka kuva kyehiri yavana va Asheri kuli ubwiko bwavo. 25Lwako lwavo lwa li Helikathu, na Hali, na Beten, na Akishafu, 26na Alameleki, na Amadi, na Mishali; na lwa duka Karimeli ku luvega lwemadioli, kandi lwa duka Shihorulibinathu; 27lwa vodonkana kuhenza hobutwuliru bweliuva kuduka Bethdagon, na kuvita kuduka Zebuloni, noku livona lya Ifitaheli ku luvega lwa kasikasini kuduka Bethemeku na Neieli; na lwa vita kuduka Kabuli ku luvega lwomukono mmosi, 28na Ebironi, na Rehobu, na Hamon, na Kana, kuduka Sidone linene; 29nalwako lwa vodonkana kuhenza Rama, nelidala lya Turo li veye nolugaga; nolwako lwa vodonkana kuhenza Hosa; na kiheri kyalyo kya li ku i inyanza mu kivala kya Akiziba; 30kandi Uma, na Afeku, na Rehobu: I amadala makumi gaviri na gaviri halala na tudala twago. 31Yigyi nigyo miyandu gyehiri yavana va Asheri kuli ubwiko bwavo, amadala yaga halala na tudala twago.
32Ne kidieli kya katano na kilala kya loleka kuva kyavana va Nafitali, kali kuva kyavana va Nafitali kuli ubwiko bwavo. 33Na lwako lwavo lwa twula Helefu, kutwula Alloni kuduka Zaananim, na Adaminekebu, na Jabineeli kuduka Lakum; ne kiheri kyaiwo kya li ku mugera gwa Yordani; 34na lwako zana lwa vodonkana kuvita ku luvega lwemadioli kuduka Azinothutaboru, no kutwula yaho lwa vita kuduka Hukoku; lwa duka Zebuloni ku luvega lwa kusini, na lwa duka Asheri ku luvega lwemadioli, nokuduka Yuda ku mugera gwa Yordani ku luvega lu henza butwuliru bweliuva. 35Na madala gakyo agetsingaga ni yaga, Zidim, na Zeri, na Hamathu, na Rakathu, ni Kinerethu, 36na Adama, na Rama, na Hazoru, 37na Kedesh, na Edrei, na Enhazoru, 38na Iron, na Migidaleli, na Horem, na Bethanathu, na Bethshemeshi; madala likumi na gatano na gane halala notudala twago. 39Yigyi nigyo miyandu gyehiri yavana va Nafitali kuli ubwiko bwavo, madala halala notudala twago.
40Na kidieli kya gatano na gaviri kya loleka kuva kyehiri yavana va Dan kuli ubwiko bwavo. 41Na lwako lwemiyandu gyavo lwa li Zora, na Eshitaoli, na Irishemeshi, 42na Shaalabin, na Aijalon, na Ithila, 43na Elon, na Timina, na Ekiron, 44na Eliteke, na Gibethon, na Baalathu, 45na Jehudu, na Beneberaka, na Gathrimon, 46na Mejarikon, na Rakon, halala na lwako lu henza Jopa. 47Na lwako lwavana va Dan lwa twula kuvavita; kigira avana va Dan vanegira kulwana na Leshem, nokulivugula, nokulikuya nobwogi bwekivavi, nokuligumira, na va menya mu, na va gulika Leshem, Dan, kuli lieta lya Dan dada wavo. 48Yigyi nigyo miyandu gyavana va Dan kuli ubwiko bwavo, amadala yaga halala notudala twago.
49Ni ndiyo va mala miyinzi gyavo gyokugavula kivala ki ve miyandu kuli tsinzako tsyakyo; na avana va Israeli va ha Joshua mwana wa Nuni miyandu hagati havo: 50kuli lilaga lya Yahova va mu ha lidala lya yenya, nalyo li veye Timinathusera mu kivala kyevigulu vya Efiraim; naye yombaka lidala na a menya mu. 51Yigyi gyi veye miyandu, gya Eleazaru musalisi, na Joshua mwana wa Nuni, halala nemitwe gyetsinyumba tsya vaguga vetsihiri tsyavana ve Israeli va gavula ku likola ikura gi ve miyandu mu Shilo imbiri wa Yahova, ha muliango gwelihema lyokuvugana mu. Na ndiyo va mala miyinzi gyokugavula kivala.
©Bible Society of Kenya, 1967