Isaya 64
64
1Nkano watannya ligulu, nokwika hasi, vigulu vi duke kudegera imbiri wowo, 2kuli lwa muliru gu sambanga luvonga lwomu mulitu, na muliru gu viridzanga amadzi; kuduka kuvuulira avasigu vovo lieta lilyo avetsihiri va duke kudegera imbiri wowo 3Lwawakolavyokutihidza vya kwa vula kuvihenzerera lwa wika hasi, vigulu vya degera imbiri wowo. 4Kigira kutwula kale ava ndu va vula kuhulira, kandi si va manya na amatu, kandi imoni si ya lola Nyasaye wundi, lugano ku ive, u kolera uyu u mu lindiranga miyinzi. 5Ive u vugananga na uyu u sangalanga nokukola ubuhmgi, yavo avidzulitsanga ive mu tsinzira tsitsyo: henza, wa li nobutima, na kwinye kwa kola ubwoni: kwa li mubwo tsinyinga tsinyingi; ku la honywa? 6Kigira kwosi ku gwiye lugano lulala na uyu mudamano, vikolwa vyetu vyobulu ngi vi veye kuli ingubo yononywa: kwosi ku niala kuli litu; nobudamano bwetu bu ku hilanga kuli imbuudza. 7Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.
8Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo. 9U ta vihirirwa ligali mba, O Ya hova, kandi u tidzulitsa ubwoni madiku gosi: henza, u lole, ku ku saala, kwinye kwosi ku veye avandu vovo. 10Madala matakatifu gogo ga gwiye kyangalangwi, Zioni li gwive kyangalangwi, Yerusalemi li gwiye hatswa. 11Inyumba yetu intakatifu indahi, ya vaguga vetu va kwidzominyira mu, i mali kuhya; nevindu vyetu vyokuyanzidza vi dividzeywi. 12U legaya ku vindu yivi, O Yahova? U la kiring'ana, noku kudambidza ligali?
©Bible Society of Kenya, 1967