Isaya 46
46
1Bel a sigama hasi, Nebo yina manga hasi; vifwananyi vyavo vi veye ku tsinyama, nokumitugu: vindu vya mwa hila yiyi na yiyi vi koleywi kuva musigo, musigo gwokumina inyima i luhi. 2Vinamanga hasi, va sigama hasi halala; si tsi nyala kudukidza musigo, navutswa tsyhne tsi tsiye mu libofwa.
3Mu hulire inze, mwinye inyumba ya Yakobo, na va tigala vosi avenyumba ya Israeli, ava nda vugula kutwula mu livulwa lyavo, ava gingwa kutwula munda; 4kali kuduka busakulu bwenyu inze niye, kali kuduka inyinga ye tsimbudzi nda mu ginga: inze nda lomba, na nda ginga; yee, nda vugula mwinye, nokumuhonnya. 5Mu la fwanannya inze na bwaha, nokuneng'annya naye, nokungeranya, ku duke kuleng'ana? 6Ava twulidzanga ithahabu mmuya bugira kugera, nokugera ifetha ku tsiratili, va langanga mutuuli wethahabu, naye a tuula vindu zana nokuvikola munyasaye; va gwa hasi, yee va mu sigamira. 7Va mu gingira kwivega, va genda naye, nokumusingeridza ha bugono hehe, naye a singira; si a nyala kutwula mbugono bwibwe: yee, kali mulala a lanira kuye, naye si a nyala kumutivulira, kandi si a nyala kumuhonnya ku kivi kikye.
8Mwidzulitse yaga, mwelang'aminye mwinye avene kuva vasatsa midzulitsane likuva yili, mwinye avahyoli. 9Mwidzulitie vindu vya ma tsyambiri: kigira inze mbeye Nyasaye, si ha veye nowundi; inze mbeye Nyasaye, si ha veye nowundi u veye kuli inze; 10u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga; 11nokulanga linyonyi likuvali kutwula ivugwe, umundu welivola lyange kutwula mu kivala kye ihale; yee, inze mboye, kandi nda dukidza nsaaviye, kandi nda ga kola.
12Mu hulire inze, mwinye ave myoyo midinyu, ava veye ihale ku bulungi: 13nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.
©Bible Society of Kenya, 1967