Isaya 28
28
1Ubudamano bu veye ku itaji yoluyai lwa avahambiki va Efiraim, noku kimuli ki nialanga kyobulahi bwobukumi bwibwe, ki veye ku mutwe gwelivona linolu lya yava ava guutwa na iwaini 2Henza, Yahova a veye nomulala wobunyali nowetsingulu; kuli kihi kyembula ya magina, kihi kyononnyanga, kuli kihi kyamadzi manene gizulitsanga, a la tsoma hasi nomukono. 3Itaji yoluyai yavahambiki va Efiraim i la duvagirwa isi wevirenge: 4nekimuli kyobulahi bwibwe bwobukumi, ki veye ku mutwe gwelivona linolu, ki la va kuli likuyu lyengu li kala muhiga; lya uyu u li henzanga, lwa a li lola, nonoho a li litsanga lwa li veye mmukono gwigwe. 5Mu lidiku yilyo Yahova u a mahe a la va itaji yobukumi, negudwa yobulahi, ku vatigala aveve; 6naye a la va roho welikalaga ku uyu wikalanga mu likalaga, kandi a la va tsingulu ku yavo avirannyanga ubulwani ha kiri bwa. 7Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga. 8Kigira tsimeza tsyosi tsizuye maluki nobudamano, si ha veye na hanifu.
9A legidza bwaha limanya? A la mannya bwaha megidzo? Ni yavo ava luguhira, nokutwulidzwa ku tsimbeere? 10Kigira li la va lilaga ku lilaga, lilaga ku lilaga; luvaso ku luvaso, luvaso ku luvaso; yiyi kikekeke, na yiyi kikekeke.
11Auwa, navutswa a la volera avandu yava neminwa migeni, nolulimi lundi; 12ava ya volera, Yibu nobwelemeridzi, mu he uyu u luhi lisosa; na yili ni lisosa: navutswa si va hulira. 13Kigira yaga likuva lya Yahova li la va kuvo ndi, lilaga ku lilaga, lilaga ku lilaga; luvaso ku luvaso, luvaso ku luvaso; yiyi kikekeke, na yiyi kikekeke; va duke kutsia, nokugwa mugongo, nokuvunanywa, nokuhambwa nomutego, nokuvugulwa.
14Kunangwa mu hulire likuva lya Yahova, mwinye avalegi, mwinye avamehanga ku avandu yava ava veyemu Yerusalemi: 15Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi: 16kunangwa kigira yaga Yahova Nyasaye a vola, Henza, mbikanga ligina mu Zioni li duke kuva muse, li veye ligina lya geridzwa, li ve ligina lyolwiga lwomuse, lyobuguli budinyu: na uyu u suuvira a ta kola bwangu. 17Nda singeridza likalaga kuva ligera, nobulungi bu la singelidzua kuva iplum; na imbula vamagina i la hila kyokwivisa mu kyobubehi, namadzi ga lizulitsa kuvita hokwivisa. 18Na lilagana lyenyu lya mu a lomba nelikudza li loneka, na lihambana lyenyu lya mua kola na Kihadisi si li la singira mba; liduya lizulira lwa li vita hagati, mwinye mu la duvagirwa isi walyo. 19Tsinyinga tsyosi tsya ki vita hagati, ki la vugula mwinye; kigira ki la vita mugamba nomugamha, inyi nga yombasu na inyinga yobudiku; i la va litihidza lyere kumanya likuva. 20Kigira kitali ki veye kimbi kuduka mundu si a nyala kwinyira kukyo; nengubo yokwifuma si i veye nobuvamhalalu bwokuduka ku mundu kwelingira mu. 21Kizira Yahova a la singira kuli mu kigulu kya Pera zim, a la va nobutima kuli mu livona lya Gibeon, a kole muyinzi gwigwe; muyinzi gwigwe mugeni; nokukola likola lilye, likola lilye ligeni. 22Kunangwa kalunu mu ta va avalegi, gase viboheru vyenyu vi la vikwa tsingulu; kigira mbuliye makuva geli dividza ku lirova lyos ga twulanga ku Yahova, Yahova wa mahe.
23Mu tegidze amatu, mu hulire mwoyo gwange; mu huliridze, mu hulire livola lyange. 24Mulimi a limanga kazozo a duke kutaga? A veye mu lituula amakindi, nokukong'onda kazozo? 25Lwa a mali kuvusa mmoni mwekivala si a midza yiyi na yiyi tsimpindi, nokumidza bugutsa, nokumidza ingano mu tsimbaso, ne shairi mu bugono bwayo bwa lagwa, nobuswage bundi himbi nolwako? 26Kigira Nyasaye wewe a mu laga nga bulungi, nokumwegidza. 27Kigira tsimpindi si tsi huulangua nekindu kyogi, kandi ingida yeligari si i hilangwa yiyi na yiyi ku bugu tsa; navutswa tsimpindi tsi huulira ngwa nolusala, nobugutsa nempimbo. 28Na ingano yobukima i syezangwa kigira si ha la va nelihuula madiku gosi: kandi kali ingida yeligari lilye netsiparasi tsitsye tsi bu salannya, si a la gi sia. 29Yaga kandi ga twula ku Yahova wa mahe, a veye wa makuva wobugenyi, nowobulahi mu ubugeeri.
©Bible Society of Kenya, 1967