Haggai 2
2
1Ku lidiku lya makumi gaviri na lilala, likuva lya Yahova lya duka ku munwa gwomuproieti Haggai, kuvola, 2Kalunu u volere Zerubabeli mwana wa Shealitieli, govuna wa Buyuda na Joshua mwana wa Jehozadaku musalisi munene, navandu va tigala u va volere, 3Ni bwaha wa tigala hagati henyu wa lola inyumba yiyi inyinga yobukumi bwayo bwokutanga? Na mu gi lolanga ndi kalunu? Imbiri wetsimoni tsyenyu i veye kuli si i veye kindu, naho? 4Navutswa kalunu u ve mugulu, O Zerubabeli, Yahova a vola; kandi i ve ive mugulu, O Joshua, mwana wa Jehozadaku, musalisi munene; na mwinye avandu avekivala mwosi mu ve avagulu, Yahova a vola, mu kole miyinzi: kigira inze mbeye halala nemwinye, Yahova wa mahe a vola, 5kuli likuva lya nda lagana nemwinye lwa mwa twula mu kivala kya Egepeti, na Roho wange ya menya hagati henyu: mu ta tia mba. 6Kigira Yahova wa mahe a vola ndi: Inyinga indala yindi, i veye inyinga inkekeke, nda degeridza ligulu, nelirova, nenyanza, nekivala kyumu; 7nda degeridza tsihiri tsyosi, nelyenya lyetsihiri tsyosi li la duka; na ndizulitsa inyumba yiyi ubukumi, Yahova wa mahe ya vola. 8Ifetha ni yange, nethahabu ni yange, Yahova wa mahe ya vola. 9Ubukumi bwe kiheri kyenyumba yiyi, bu la va ubunene kuvita bwokutanga, Yahova wa mahe a vola; na nda va ha mirembe ha zana, Yahova wa mahe a vola.
10Mu lidiku lya makumi gaviri na gane, agomweli gwegyitano na gyine, mu muhiga gwegyiviri gwa Dario, likuva lya Yahova lya duka ku muprofeti Haggai, kuvola, 11Ya hova wa mahe a vola ndi: Mu teve avasalisi ku makuva gelilaga, mu vole, 12Mundu mulala na a va na a ginga inyama intakatifu mu lilingwa lyengubo yeye, nengubo yeye ni i dira ubukima, kinga ubusera, kinga iwaini, kinga maguta, kinga kyokulia ku vyosi, kindu zana ki la va kitakatifu, naho? Na vasalisi va tivula ni va vola, Auwa. 13Hene yaho Haggai ya vola, Umundu na a va na a gwa mudamano kigira lidira ku mukudzu, na a dira ku vyosi mu vindu vivyo, kindu zana ki la va kidamano, naho? Avasalisi va tivula na va vola, Yee, ki la va kidamano. 14Hene yaho Haggai ya tivula, na a vola, Ni ndiyo ga veye ku avandu yava, ni ndiyo ihiri yiyi i veye imbiri wange, Yahova a vola; kandi ni ndiyo miyinzi gyamakono gavo gyi veye; na kya va haananga ki veye kidamano. 15Na kalunu, mmugoonyanga, mwadza, mu ganagane kutwula lidiku yili nokutsia imbiri, lwa ligina li kikiri kuvikwa ku lindi mu litempeli lya Yahova. 16Mu tsinyinga yitsi tsyosi, mundu lwa ya duka ku kitumi kye vigero makumi gaviri, li veye vutswa likumi, lwa a duka ha kyokumina iwaini kutwulidza viju makumi gatano, vi veye ho makumi gaviri vutswa. 17Nda mu kuya nekimeyu noluguku, nembula ya magina mu mi yinzi gyosi gya makono genyu; navutswa si mu yeka ku inze, Yahova a vola. 18Mu ganagane mmugoonyanga, kutwula lidiku yili no kutsia mbiri, kutwula ku liduku lya makumi gaviri na gane ku mweli gwa gyitano na gyine, kutwula lidiku lyomuse gwelitempeli lya Yahova gwa temwa, mu li ganagane. 19Bugutsa bu kikiri mu kyagi? Yee, muzabibu, na mukuyu na makomamanga, na muzeituni, vi kikiri kwama; kutwula lidiku yili nda mu gasidza.
20Na likuva lya Yahova lya duka ku Haggai hali kaviri ku lidiku lya makumi gaviri na gane go mweli, kuvola, 21Volera Zerubabeli, govuna wa Buyuda, kuvola, Inze nda dege ridza ligulu nelirova; 22na nda tung'aminya intebe yobwami, na nda dividza tsingulu tsyobwami bwetsihiri; na nda tung'aminya magari gobulwani, na yava avavikaye mugo; netsiparasi, na yava va ninanga kutsyo va la gwa hasi, sa mulala ku kivavi kyamwavo wewe. 23Mu lidiku yilyo Yahova wa mahe a vola, nda vuguia ive, O Zerubabeli, mutumekiri wange, mwana wa Shealitieli, Yahova a vola, nda kola ive kuli imingiri yomuhuri; kigira ntovoye ive, Yahova wa mahe a vola.
Currently Selected:
Haggai 2: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
