Ezekieli 19
19
1Kandi, u syomere avanene va Israeli, 2u vole, Mama wowo ya li kindu ki? Ya li king'ang'a kikali: kya gona hasi hagati heving'ang'a, hagati heving'ang'a visoleli ya nyunnya avana veve. 3Ya leta mulala ku avana veve: naye ya duka kuva king'ang'a kisoleli, na yega kuhima, nokulia avandu. 4Na tsihiri va hulira makuva gege; ya gumirwa mbogo bwavo; na va mu gingira ku tsinzago kuduka mu kivala kya Egepeti. 5Na lwa ya lola na a linda giye, ya twulidza lisuuviridza ku mwoyo, hene yaho ya vugula wundi ku avana veve, nokumukola king'ang'a kisoleli. 6Na ya tsia yiyi neyiyi hagati heving'ang'a; na ya gwa king'ang'a kisoleli, naye yega kuhima nokulia avandu. 7Na ya manya tsinyumba tsyavo tsyobwami, namadala gavo ya ga kola kuva hatswa; nekivala kya gwa kyanyi, halala nelizulira lyakyo, kigira liyoga lyefwuma lilye. 8Hene yaho tsihiri tsya mtwulira tsimbega tsyosi, kutwula mu vivala vyosi; na va vika kuye miluvo gyavo; ya hambwa mbogo bwa vo. 9Na va mu vika mu buhambe netsinzago, na va mu hila kuduka ku mwami wa Babuloni; na va mu vika mu impinga, mwoyo gwigwe gu vule kuhulirwa kandi mu vigulu vya Israeli.
10Mama wowo ya li kuli muzabibu, mu masahi gogo, gwa simikwa himbi namadzi manene: gwama ligali nokwizula tsisya kigira amadzi manyingi. 11Na ya li nevisala vyetsingulu kuva tsimpimbo tsyobwami tsya yavo avamehanga, nelihera lilye lya tambiha hagati hetsisya tsindiduhu, na va loleka mu butambi bwavo halala nobunyingi bwetsisya tsitsye. 12Navutswa muzabibu gwifwa mu butima, gwa tuulwa hasi, nembuudza yevugwi yominya makuyu gagwo: nevisala vyagwo vyetsingulu vya vunika, na vyuma; nomuliru gwa vi samba. 13Na kalunu gu simikeywi mu kyangalangwi, mu kivala kyumu, nekyobuluhu. 14Na muliru gwa twula mu visala vyetsisya tsyagwo, gu sambi amakuyu gagwo, kuduka si ha veye kandi mu muzabibu yigwo kisala kyetsingulu ki dukana kuva impimbo yobwami wa meha. Yili li veye lisyoma, nalyo li la va lisyoma.
Currently Selected:
Ezekieli 19: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
