Ezekieli 17
17
1Na likuva lya Yahova lya duka kuinze, kuvola, 2Ivemwana womundu, kupa lugano, na u volera inyumba ya Israeli lugano; 3u vole, Mwami Nyasaye a vola ndi: Indidzu inene yetsimbaha tsinene na mabaha amatambi mu tsimbaha, yizula ama baha, agerangi lugano lugano, ya duka Lebanon, nokuvugula isonga yomutaragwa: 4ya tema tsisonga tsyetsisya tsyagwo, lulala lwesonga yegulu, ya lu hila mu kivala kyo kugulannya; ya lu vika mu lidala lya yavo avogulannya. 5Kandi ya vugula bugutsa bwekivala, na ya bu midza mu marova gamanga; na ya bu vika ku luginga lwa madzi manene; na ya lu simika kuli musala gwoku mugera. 6Na lwa mera, na lwa gwa muzabibu gwokutagalala ligali gwelihera likekeke, ogwetsisya tsyagwo tsya girunkana ku mwene, na imiri gyagwo gya li isi wagwo: ma gwa duka kuva muzabibu, gwa kupa tsisya, nokusibuka visibu.
7Ya li ho kandi indidzu yindi inene yetsimbaha tsinene na mabaha amanyingi: henza, muzabibu zana gwa godidza imiri gyagwo gyi duke kuyo, na tsisya tsyagwo tsya sebuka kuyeka kuyo, kutwula ku tsinkumbe tsya gwa simikwa ku, i duke kugunwehidza amadzi. 8Gwa li ni gwa simikwa mmarova malahi himbi namadzi amanyingi, gu duke kusebuka tsisya, nokwama amakuyu, gu duke kuva muzabibu mulahi. 9U vole, Mwami Nyasaye a vola ndi: Gu la gasidzwa? Si a liha imiri gyagwo, nokuhalula amakuyu gagwo, gu niale; amatu gagwo gosi aga sibukanga amahya ga niale? Kandi si ha veye netsingulu tsinene, kinga avandu vanyingi ava nyala kwiha imiri gyagwo. 10Yee, henza, gu la gasidzwa, kali ni gwa simikwa? Si gu la niala ligali, lwa imbuudza yevugwe i huudza kugwo? Gu la niala inyinga zana, mu tsinkumbe tsya gwa mera mu.
11Kandi likuva lya Yahova lya duka ku inze, kuvola, 12Inyumba yobwebaali, u gi volere kalunu, Si mu manya kivune kya makuva yaga? U va volere, Henza, mwami wa Babuloni ya duka Yerusalemi, na ya vugula mwami walyo, navanene valyo, na ya va leta kuye Babuloni. 13Na ya vugula mulala ku kisukululwi kyobwami, na a lomba lilagana naye, na ya mwisuhidza, nokuhila avetsingulu vekivala; 14ubwami bu ve bukekeke, bu tiginga igulu, navutswa bu singire ku ligumira lila gana lilye. 15Navutswa yebaala kuye kigira ya hila avatumwa veve kutsia Egepeti, va duke kumuha tsiparasi, navandu vanyingi. A la gasidzwa? U yu u kolanga vindu kuli yivi a la hona? A lononnya lilagana, nokuhona? 16Kuli inze mbeye mwoyo, Mwami Nyasaye a vola, Ligali ha a menyanga uyu mwami wa mwamehidza, wa ya lega lyesuha lilye, nokwononnya lilagana lilye, kali halala na uyu hagati ha Babuloni a la kudzira ho. 17Kandi Farao nelihe lilye lyetsingulu nelihe lilye linene si a la mu konya kindu mu bulwani, lwa va lomba vitumi nokwombaka tsimpinga, kwononnya avandu vanyingi. 18Kigira ya lega lyesuha nokwononnya lilagana; henza u viki umukono gwigwe, kandi u koii vindu yivi vyosi; uyu si a la hona mba. 19Kigira yaga Mwami Nyasaye a vola: Kuli mbeye mwoyo, ligali lyesuha lyange lya ya lega, nelilagana lyange lya yononnya, nda leta yaga ku mutwe gwigwe. 20Nda vika muluvo gwange kuye, na a la hambwa mu mutego gwange, nda mu leta Babuloni, nda mu kalagira yo kigira lihyola lilye lya ya hyola ku inze. 21Na aviruki veve vosi mu viduma vivye vyosi va la gwa ku kivavi, na yavo ava tigala va la salannywa va tsie ku tsimbuudza tsyosi: na mu la manya ni inze, Yahova, u volanga yaga.
22Mwami Nyasaye a vola ndi: Inze kandi nda vugula isonga ku mutaragwa, na nda gi simika; nokulusya lu veye igulu ligali mu tsisya tsyagwo nda vuna lulala lu veye ludoto ligali, na nda lu simika ku kigulu kitambi ligali: 23ku kigulu kya hadiguluku ha Israeli niho ha nda lu simika: na lu la sebuka tsisya nokwama makuyu, nalwo lu la gwa mutaragwa mulahi: namanyonyi gosi agetsimbaha tsing'ano tsyosi, ga la menya isi wagwo; nago ga la menya mu kiriri kyetsisya tsyagwo. 24Kandi misala gyosi gyekivala gyi la manya ni inze, Yahova, nda gu yavira hasi misala yigwo gwa tambiha, nda gu kuminya umusala ugwa li mukekeke, nzuminyi musala muvisi, nokusingeridza umusala ugwa li ni gwuma: inze, Yahova, mbolanga, inze wa kola inkuva yiyi.
Currently Selected:
Ezekieli 17: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
