Ezekieli 15
15
1Likuva lya Yahova lya duka ku inze, kuteva, 2Ive mwana u omundu, muzabibu gu vitanga ndi misala gyindi, ulusya lwo muzabibu ulu veye hagati hemisala gyommulitu? 3Musala gwagwo gu vugulangwa kukola miyinzi ku gyosi? Naho avandu va la vugula kisala kyagwo nokusunga kukyo kiju? 4Henza, gu tebangwa mu muliru ku tsinku; na muliru gu sambanga tsisonga tsyagwo tsyombi, na hagati hagwo gu hidzanga kandi: gu veye nobukonyi ku kivala ku miyinzi kali mulala? 5Henza, lwa gwa li gwosi si gwa konya ku muyinzi kali mulala: nasindi muliru ni gu mali kugulia, ni gu hiya, mbula gu la konya ku muyinzi kali mulala? 6Kunangwa kigira yaga, Mwami Nyasaye a vola ndi: Kuli muzabibu gu veye mu misala gyommulitu, gya mmali kuha umuliru kuva tsinku, na ndiyo ndi haana yavo ava menyanga mu Yerusalemi. 7Na nda dinnya mmoni mwange kuhing'ana navo; na va la twula mu muliru, navutswa muliru gu la va samba, na mu la manya inze mbeye Yahova, lwa ndinnya mmoni mwange kuhing'ana navo. 8Na nda kola kivala yiki kuva hatswa, kigira va koli mahyolo, Mwami Nyasaye a vola.
Currently Selected:
Ezekieli 15: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
