Esther 7
7
1Na mwami na Haman va duka ku lilia lya Esther mukali womwami. 2Na mwami ya teva Esther kandi ku lidiku lya kaviri mu lilia lyewai ni, Lisaava lya wenyanga li veye ki, Esther mukali wange? Na u la hebwa: na lyenya lilyo li veye ki? Kali ku duka ku inusu yobwami li la kolwa. 3Ma Esther mukali womwami ya tivula, na a vola, Ni mba ni nyoye liverwa imbiri wowo, O mwami, kandi mwami na a va na a yanza, mbebwe livamwoyo lyange ku lisaava lyange, na avandu vange ku lye nya lyange: 4kigira ku gulangwa, inze na avandu vange, kwononywa, nokwiitwa, nokudiva. Navutswa ni ku va ni ku gulwa kuva avatugwa avasatsa navakali, nda kiring'ana, kali uyu musigu nkano si ya nyala kutunga lyoneka lyomwami a la nyola. 5Hene yaho mwami Aha sueru ya vola, na a volera Esther mukali womwami, Ibwaha uyu, kandi a veye haliha, a nyala kulema mwoyo kukola ndiyo? 6Na Esther ya vola, Muhangalidzi na musigu, a veye uyu Haman mudamano. Hene yaho Haman ya tia imbiri womwami na imbiri womukali womwami. 7Na mwami ya singira nobutima bwibwe, kuleka lilia lyewaini na a tsia mmu limi gwenyumba yomwami: na Haman ya singira kusaala ku Esther livamwoyo lilye; kigira ya lola mwami u saaviye ubudamano kuye. 8Ma mwami yirana kutwula mmulimi gwenyumba yomwami nokwingira ha lilia lyewaini; na Haman ya li kugwa ku kyokwesedema kya Esther yikala ku. Na mwami ya vola, Yenya ku niga mukali womwami imbiri wange mu inyumba? Nonoho lwa likuva yili lya twula mmunwa gwomwami, va kunika mumoni mwa Haman. 9Na Harabona, mulala ku valindi vo mwami ava li imbiri womwami, ya vola, Henza, kandi, mwinuya gwoku sunga gweligera lya makono makumi gatano, gwa Haman a singeridziye Mordekai, uyu a vola amalahi ku mwami, gu singiranga mu inyumba ya Haman. Na mwami ya vola, Mu mu sunge kugwo. 10Kunangwa va sunga Haman ku musala gwa ya lombera Mordekai. Ma ubutima bwo mwami bwa vomboloka.
©Bible Society of Kenya, 1967