Vafeso 6
6
1Avana mu hulire avivuli venyu mu Mwami: kigira yili ni lilungi. 2Widzominye dada wowo na mama wowo (lilaga yili li veye lilaga lyokutanga li veye nelisuuviridza), 3bu duke kuva bulahi ku ive, kandi u duke kuhindira mu lirova. 4Kandi mwinye avadada mu ta tindira avana venyu va ve nobutima: navutswa mu va linde bulahi mu lyegidza nomu ligerihidza lyo Mwami. 5Mwinye avatugwa mu hulire yava ava veye avami venyu ku lugano lwomubiri, nobutii nelidegera, nomwoyo gwenyu mulala kuli vi veye ku Kristo; 6bu ta va butumwa bwetsimoni, kuli ava yanzeka ku vandu; navutswa kuli avatugwa va Kristo, ava kola ubulaliri bwa Nyasaye nomwoyo; 7mu tumike nomwoyo gwobuyanzi, kuli bu veye ku Mwami, si bu li ku vandu: 8kigira mu manya, ku vyosi kindu kilahi kyomundu sa mulala a kola, a la ki nyola ku Mwami, na a veye mutugwa kinga muboholole. 9Kandi, mwinye avami, mu va kolere ku vindu zana yivi, mu leke kutihidza: limanya mu manyi Mwami wavo nowenyu a veye migulu, kandi si a li neliyanza ligondo lyomulala. 10Agekiheri, avamitu vange, mu ve avanyala mu Mwami, kandi mu bunene bwetsingulu tsitsye. 11Mwevike vyuma vyosi vya Nya saye, mu nyale kusingira ku hugadi bwa Setani. 12Kigira ubulwani bwetu si bu li bwoku inyama namasahi, navutswa ku bwami, noku tsingulu, noku yava avamehanga mu kisundi yiki, noku mahe ga roho midamano mbwerefu. 13Kigira yaga mu vugule vyuma vyosi vya Nyasaye, mu duke kunyala kuhandalala mu lidiku lidamano, kandi mu mali kukola gosi, mu singire. 14Kunangwa singiri, mu mali kubofwa ulukova lweligali mu kikenge, kandi mu mali kwivika isalamba yomukiritu, nayo i veye ubulungi, 15kandi mu mali kubofwa ku virenge nelilombwa lyevangeli yemirembe; 16halala na yaga gosi mu ginge ingavo yelisuuvira, ya mu li nyala kusiminyira imibano gyosi gyomuliru gyomuda mano. 17Kandi mu vugule igudwa yobuhonnyi, kandi kivavi kya Roho, nakyo ki veye likuva lya Nyasaye: 18nelisaala lyosi nokusaava mu lisaala tsinyinga tsyosi mu Roho, nokulinda mugeni yaga nelihongera lyosi nokusaalira avatakatifu vosi, 19kandi inze, nduke kuhebwa livola mu likunula munwa gwange, kuvuula nobuluviriri agaviswa gevangeli, 20ya mbeye mutumwa wayo mu libofwa neminyororo, nduke kuvola mu nobuluviriri kuli ga ndukira kuvola. 21Navutswa mwinye mu duke kumanya amakuva gange, mbeye ndi, Tukiko, u veye amitu wetu mu yanze, kandi a veye mutumwa u veye musuuvirifu mu Mwami, a la mu volera vindu vyosi: 22wa ntumi kuduka ku mwinye kigira ga zana yaga, mu duke kumanya liva lyetu, kandi a leminye myoyo gyenyu. 23Kandi mirembe gyi ve ku vamitu vetu, nobuyanzi nelisuuvira, vi twulanga ku Nyasaye Dada, noku Mwami Yesu Kristo. 24Tsimba basi tsi ve navo vosi ava yanzanga Mwami wetu Yesu Kristo, neliyanza li ta li nobwoneku.
Currently Selected:
Vafeso 6: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
