Amosi 8
8
1Ni ndiyo Mwami Nyasaye ya mbuulira: na, henza, kihinda kyamakuyu genyinga yoluya. 2Naye ya vola, Amosi, u lola ki? Na inze nda vola, Ndola kihinda kyamakuyu genyinga yoluya. Hene yaho Yahova ya mbolera, Avandu vange Israeli, kiheri kyavo ki duki kuvo; si nda va leka kandi mba. 3Na tsinyimbu tsyelitempeli tsi la va tsikwili mu lidiku lilyo, Mwami Yahova a vola: mibiri mikudzu gyi la va minyingi; va la gyi ta hosi makiriri.
4Mu hulire yaga, O mwinye avenyanga kumira avadambi, nokuheridza avadaka mu kivala, 5ni mu vola, Mweli muhya yigu gu la hera inyinga ki, ku duke kugulidza ubu swage? Kandi lidiku lyelisahato li la vita inyinga ki, ku duke kulang'ami nya ingano, ku kole efa i ve inkekeke, na ishekeli ku gi kole i ve inene, noku kola ubugadi ku tsiratili tsyokugada; 6ku duke kugula avadaka nefetha, navadambi ku va gule vilatu viviri, nokugulidza amadzengere gengano? 7Yahova wesuhi ku bunene bwa Yakobo, Ligali si ndivirira kazozo miyinzi gyavo kali mulala kugyo 8Kivala si ki la degera kigira yaga, noku vosi u menyanga mukyo si a la syoma? Yee, ki la vuka kvosi kuli Mugera; na ki la lola ubudinyu nokugehera kandi, kuli Mugera gwa Egepeti. 9Na ga la duka mu lidiku yilyo, Mwami Nyasaye a vola, Nda yeridza liuva mbasu hagati, na nda mwaminya kivala inyinga yombasu gu valanga. 10Na nda girunkannya madiku manene genyu ga ve lisyoma; na tsinyimbu tsyenyu tsyosi tsi la va lilira; na nda vika tsingubo tsyamagunia mu vikenge vyosi, na kyavusu ku mitwe gyosi: na nda ga kola ga ve kuli lisyomera umwana muyai muderwa, na kiheri ki ve kuli lidiku lilulu.
11Henza, madiku ga ladza, Mwami Nyasaye a vola, Mmadiku yago nda leta inzala mu kivala, si i la va inzala Yobukima kinga ubuluhu bwamadzi, navutswa inzala yelihulira makuva ga Yahova. 12Na va la gendagenda kutwula inyanza kuduka ku inyanza, nokutwula ku luvega lwa kasikasini kuduka ku luvega lwevugwe; va la nyagula kutsia yiyi neyiyi kwenya likuva lya Yahova, na si va la li lola mba. 13Mu lidiku yilyo avakana vagima avalahi na vavai va la kudza mwoyo kigira ubuluhu. 14Yavo avesuhanga ku bwoni bwa Samaria, nokuvola, Kuli nyasaye wowo, O Dan, a veye mwoyo; kandi, Kuli inzira ya Beersheba i veye mwoyo; va la gwa, na si va la vuka kandi mba madiku gosi.
Currently Selected:
Amosi 8: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
