Vikolwa 19
19
1Inyinga Apolo ya li mu Korintho, Paulo ya mala kuvita mu kivala iluhya na a duka Efeso, na a nyola yo avegidzwi valala. 2Kandi ya va teva, Mwa vugula Roho Mutakatifu lwa mwa suuvira? Navo va mu volera, Auwa, si kwa hulira makuva ga Roho Mutakatifu mba. 3Kandi ya vola, Mwa batidzwa mu li ki? Ni va vola, Mu libatidza lya Yohana. 4Kandi Paulo ya vola, Yohana ya batidza nelibatidza lyokweganira, na a volera avandu va suuvire uyu u li mu londa, naye niye Yesu. 5Kandi lwa va hulira yaga v a batidzwa mu lieta lyo Mwami Yesu. 6Kandi Paulo lwa ya mala kuvika kuvo makono gege, Rnho Mutakatifu yadza kuvo; ni va vola netsinimi, ni va profeta. 7Yava vosi va duka mbula avasatsa likumi na vaviri.
8Kandi yingira mu lisomero na a vola nobuluviriri imyeli gyivaka, na a vola na a goonya ku vindu vyobwami bwa Nyasaye. 9Navutswa avalala lwa va duka kwidinyiridza ni va sula kusuuvira, ni va vola ubudamano ku Inzira yiyi imbiri wekiduma, ya twula na a va leka, ni yahula avegidzwi, na a vola amakuva kazozo mu lisomero lya Turano. 10Kandi yaga ga li ndiyo mihiga gyiviri; kuduka vosi ava menya Asia va hulire likuva lyo Mwami, Avayuda kandi Avagreki. 11Nyasaye ya kola vilolekidzu na makono ga Paulo vi ta li kuli vindi: 12kuduka avalwaye va leterwa vitambaya netsingubo tsi twula ku mubiri gwigwe, kandi ubulwaye bwa va leka nemyoyo midamano gya twula. 13Navutswa avalala ku Vayuda va vodonkana, avambuli, va geridza kutala lieta lyo Mwami Yesu kuvo ava syukirwa nemyoyo midamano, va vola, Mmu suhira ku Yesu wa Paulo yilwadza. 14Va li ho avandu vatanu na vaviri avana va Sikeva, Muyuda, musalisi munene, ava kola ndiyo. 15Mwoyo mudamano gwa tivula ni gu va volera, Yesu mmanya, kandi Paulo mmanya, navutswa mwinye mu veye avandu ki? 16Kandi mundu uyu wa syukirwa nomwoyo mudamano ya tuuma kuvo na a va vita tsingulu, na a va guuta vosi, va duke kwiruka kutwula mu inyumba chahonyo kandi va li netsing'oma. 17Yaga ga manyekana ku vosi Vayuda na Vagreki, ava menya Efeso; kandi vosi va gumirwa nobutii, nelieta lyo Mwami Yesu lidzominywa. 18Kandi avanyingi kuvo va suuvira vadza ni veyama, ni va vuula miyinzi gyavo. 19Kandi ava ta li vakekeke ku ava kola ubusegetiri va leta halala vitabu vyavo ni va vi sambira imbiri wa vosi; kandi va validza hesabu yemiyandu ni va nyola gyi duka if etha tsielfu amakumi gatanu. 20Ni ndiyo likuva lyo Mwami lya landa ni li guuta.
21Inyima yamakuva yaga Paulo ya saavira mu mwoyo lwa ya mala kuvita Makedonia na Akaiya, kutsia Yerusalemi, na a vola, Ni mmali kutsia yo, nu bulahi kandi ndole Romi. 22Ya tuma avandu vaviri kuvo ava mu tumekira kutsia Makedonia, yava ni Timoteo na Erasto navutswa mwene ya menya Asia inyinga i duki.
23Kandi mu madiku yago kya li ho kivihiri kinyingi, ku makuta ge Inzira yiyi. 24Kigira mundu mulala wa langwa Demeterio mutuli wefetha, wa lomba tutempeli twefetha twa Diana, ya leta avasidza ubutugi bunyingi; 25ava ya vugannya, halala navayinziri ava veye nemiyinzi gyolugano yilu, na a vola Vasatsa, mwinye mu manya ku nyola ubutugi bwetu ku miyinzi yigyi. 26Mu lola kandi mu hulira si ha li hano mu Efeso mweng'ine navutswa kuduka mu Asia mwosi, Paulo uyu ya goonya na a girunka nnya avandu vanyingi, a vola ava lombwa namakono si va li avanya saye mba. 27Si gyi li miyinzi gyetu gyeng'ine gyenya kulegwa; navutswa kandi litempeli lya nyasaye munene wekikali, Diana, li volwa si ki li kindu, kandi mwene a twulidzwe mu bunene bwibwe, wa ava Asia vosi navomuvivala vyosi va sigamira. 28Kandi lwa va hulira yaga vizula ubutima, ni va ha nzuka, ni va vola, Munene ni Diana wa Vaefeso. 29Kandi lidala lyosi lizula kivihiri: kandi va nyagula nomwoyo mulala ni vingira mu inyumba yobukino, va mali kugumira Gayo na Aristarko, avandu va Makedonia, ava genda halala na Paulo. 30Kandi Paulo lwa yenya kwingira hagati ha avandu, avegidzwi va mwigalira. 31Kandi ava lala ku vanene va Asia ava li avalina veve, va mu hilira amakuva ni va mu goonya a ta hagiridza a tsie mu inyumba yobukino. 32Kunangwa avalala va vola lugano, navandi lugano; kigira kyina kya li nekivihiri; kandi avanyingi kuvo si va manya kya va vuganira. 33Ni va twulidza Alekisandero mu kiduma, Avayuda va mu vika hambiri. Kandi Alekisandero ya va sima nomukono, yenya kutivulira avandu. 34Navutswa lwa va lola a veye Muvuda, vosi nomwoyo mulala va hanzuka inyinga yenya kuduka tsisaa tsiviri, ni va vola, Diana wa Vaefeso a veye munene. 35Kandi karani welidala lwa ya mala kukiring'annya kiduma, ya vola, Mwinye avasatsa va Efeso, ha li nomundu ki u ta manya lidala lya Vaefeso nilyo li linda litempeli lya Diana munene, nekif u ananyi kya gwa kutwula wa Zeu? 36Kunangwa kigira vindu yivi si vi nyala kwambakanywa, nu bulahi mwinye mu kiring'ane, mu ta kola kindu bwangubwangu. 37Kigira mu mali kuleta hano avandu yava, ava ta li avivi vevindu vyelitempeli, kandi si va li avanyegi vomunyasaye wetu wekikali. 38Kunangwa Demeterio navasidza ava veye halala naye, ni va va ni va veye nelikuva ku mundu, vyina vi veye ho, navanyampara va veye ho: va tsie kuyalana. 39Navutswa ni mwenya kindu ku makuva gandi, ga li volwa mu kyina kyomwima. 40Kigira kwinye ku lenya kuyalwa ku kivihiri kya lero, kigira si ki veye nekindu: kandi si ku nyala kuvola kivune ku kyina yiki. 41Kandi lwa ya mala kuvola ndi ya sendu kidza avekyina.
Currently Selected:
Vikolwa 19: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
